Borgarstjóra með breytingar

2blaarOrvarLeiðtogi Sjálfstæðisfólks í borginni þarf að standa fyrir breytingum sem bæta líf borgarbúa. Kjartan og Eyþór stefna á það, án þess að sóa fé í Borgarlínu, leggja niður Reykjavíkurflugvöll, ganga gegn Landsfundar- samþykktum flokksins eða að framfylgja óbreyttu Aðalskipulagi vinstri meirihlutans í Reykjavík. Valið stendur á milli þessara manna, sem gætu leitt Sjálfstæðisfólk til sigurs í vor. 

Val á milli tveggja kosta

Þörf er á verulegri ákveðni til þess að taka á sjálfsköpuðum vandamálum Dags borgarstjóra í borginni og strengjabrúðu hans,  Jóni Gnarr þar á undan. Það gerist ekki með þjónkun við þann vinstri meirihluta sem komið hefur borginni á kaldan klaka svo að um munar. Eyþór eða Kjartan geta og vilja taka á þessu. Hvor þeirra er líkegri ræðst af atkvæði þínu. 

 


mbl.is Kosning hafin í leiðtogakjöri Sjálfstæðisflokksins í Reykjavík
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Jón Þórhallsson

Ég vil halda rvk-flugvöllinn!
Hver er líklegastur til að vilja standa vörð um hann?

Jón Þórhallsson, 27.1.2018 kl. 12:52

2 Smámynd: Sigurður M Grétarsson

Það er þvæla að það fé sem fari í borgarlínu sé sóun á fé. Það kostar margfalt meira að leggja hana ekki. Höbuðorgarsvæðið stendur frammi fyrir ví mati að íbúum þess muni fjölda um 70 þúsund á næstu 22 árum. Sú aukning í íbúafjölda kallar á mikla aukningu í ferðum fólks milli staða og það þarf að mæta því með einhverjum hætti. Það er alveg ljost að það mun kosta mjög mikið. Það að mæta henni með breikkun gatna og mislægum gatnamótum kostar margfalt meira en að mæta því með því að auka hlut almenningssamgangna í umferðinni. Það að bæta almenningssamgöngur mun því spara umtalverðar fjárhæðir en ekki auka kostnað. Það er sorglegt þegar frambjóðendur til sveitastjórna beita slíkum blekkingum að halda því fram að með því að blása borgarlínu af sé verið að spara peninga því það er ells ekki þannig. Er ekki hægt að hafa aðeins meiri heiðarleika í málflutningi sínum í kosningabaráttu?

Sigurður M Grétarsson, 27.1.2018 kl. 14:33

3 Smámynd: Ívar Pálsson

Jón, Kjartan og Eyþór lýstu því yfir að þeir vildu halda í völlinn. Kjartan kannski aðeins ákveðnari í því efni.

Sigurður, þvælan er að láta 80% fólksins borga svimandi fjárhæðir fyrir það að tvöfalda 4% eða jafnvel þrefalda upp í 12% umferðar sem færu með þessum strætóum. Ekki er semsagt nóg að greiða milljarð á ári til þess að þessi 4% geti ferðast á milli eins og við gerum í dag.

Þrátt fyrir metumferðaraukningu þá haldast þessi 4% ferðalaga með strætó. Umferðin í dag þarf framkvæmdir, sem þessi Borgarlína mun taka fé af. Fólkið kýs bílaeign en álpast svo til þess að kjósa fyrir sig pólítíkusa sem ráðast gegn lífsstíl þeirra og uppnefna ferðamáta þorra fólks  blikkbeljur, jafnvel þótt um rafmagnsbíla sé að ræða. Það er kominn tími til þess að kveðja miðbæjar- ídealistana og hlusta á almenning.

Ívar Pálsson, 27.1.2018 kl. 18:34

4 Smámynd: Ívar Pálsson

Jón Þórhallsson: þarna hefði átt að vera tvípunktur áðan í stað kommu, annars heldur fólk að Jón hafi verið í framboði!

Ívar Pálsson, 27.1.2018 kl. 18:36

5 Smámynd: Sigfús Ómar Höskuldsson

Ekki veit ég hvar höfundur og þá fleiri vilja festa sig í tölunni "4%", þegar 25% íbúa stór-höfuðborgarsvæðinsins nota þjónustu Strætó á degi hverjum [heimlid: talnaefni frá Strætó og Hagstofunni].

Líklega vill höfundur og margir aðrir sem pólitískst vilja berjast á móti þróuninni, hver sem hún kann að vera gefa lítið fyrir þann fjölda og þá um leið þá notendur Strætó kjósa/þurfa að nota almenningssamgöngur á degi hverjum.

Væri gaman að sjá hvort þeir sömu og létu sér landssvæði undir flugvöll jafnmikið varða og þessa samborgara sína og þá þurfa að nota þær almenningssamgöngur og flugið .

Líklega snýst þetta mál um stjórnmál, hefur ekkert að gera með samgöngur, vilja gera þetta mál að aðalatriðinu, því ekki fleiri atriði verður að sækja á núverandi meirihluta. 

Þegar kjörnir Borgarfulltrúar Sjalla fara í viðtöl og segja hvað sem er um menntamál, bara til að fá athygli er baráttan töpuð. 

Þegar verðandi fulltrúi Sjalla kallar á meiri þjónustu, meiri söndun og meira salt en kvartar svo um og mikið svifryk, þá er baráttan töpuð.

Menn og konur sem vilja taka baráttuna um málefnin, þá verða menn, konur og mögulega höfundur að kynna sér málin betur. 

Ekki bara vera mót til að vera á móti.

Sigfús Ómar Höskuldsson, 27.1.2018 kl. 20:42

6 Smámynd: Ómar Ragnarsson

70 þúsund íbúar til viðbótar þýðir að óbreyttu 50 þúsund fleiri bíla, og miðað við auglýsingarnar í blöðunum er stærsti markaðurinn þannig, að bílarnir verða sennilega stærri. Nú þegar þekur malbik, gatnakerfið og bílastæðin 50% af byggða landrýminu. 

Flugvöllurinn tekur 6 prósent og höfnin 7 prósent. Þá eru eftir tæp 40 prósent fyrir byggð og garða. Ef rýmið fyrir bílana, göturnar og bílastæðin undir þá eykst um 60 prósent, fer það að þekja tæp 70 prósent af flatarmálinu, - og byggð og garðar fara niður í rúmlega 20 prósent. 

Dæmið gengur augljóslega ekki upp ef allir vilja ferðast á stórum einkabílum, svo að það þurfi 1500 kíló af stáli til þess að flytja hver 100 kíló af mannakjöti. 

Lausnin liggur í fjölbreytilegum aðgerðum, þar sem umferð einkabílismans er gerð möguleg með styttri bílum og bættum vegamannvirkjum, en líka haft í huga, að hver borgari, sem ekki notast við einkabílsflykki, býr til rými fyrir annan borgara, sem er á bíl. 

Það þýðir fleiri styttri bíla, betri strætisvagnasamgöngur / borgarlínu í áföngum og fleiri reiðhjól og létt vélhjól. 

Ómar Ragnarsson, 27.1.2018 kl. 22:41

7 Smámynd: Sigurður M Grétarsson

Höfum í huga að síðustu ár hefur kaupmáttur launa aukist veruega auk þess sem gengi krónunnar herur styrkst mjög mikið sem hefur lækkað varð bíla og eldsneytis verulega. Þetta vinnur allt á móti almenningssamgöngum en samt hefur hlutur þeirra haldist óbreyttur og farþegum fjölgað þó noklkuð. Þegar skouð er notkun strætó eftir hverfum kemur líka í ljós að notkun strætó í hverfum þar sem strætósamgöngur eru góðar er mun meiri en í þeim hverfum þar sem þær eru verri. Það er því alveg ljóst að bætt þjónusta mun auka hlut strætó í umferðinni og það er líka reynsla okkar nágrannaþjóða. Hver sem fer úr einkabíl ís trætó eða á reiðhjól fækkar bílunum á götunni um einn og skapar þar með meira rýni fyrir þá sem fyrir eru. Það kostar margfalt meira að stytta tafatíma á götunum með breikkun gatna eða mislægum gatnamótum heldur en með því að bæta almenningssamgöngur og minnka þannig hlut einkabólsins í umferðinni. Hvað varðar niðurgreiðslu skattgreiðenda þá er engin samgöngumáti innanbæjar sem er jeira niðurgreiddur af skattgreiðwendufm en einmitt sá samgöngumáti að aka um í einkabíl.

Sigurður M Grétarsson, 28.1.2018 kl. 12:37

8 Smámynd: Ívar Pálsson

Sigfús Ómar, ég þekki þessi mál nokkuð vel. Þessi 4% í strætó er margítrekað magn þeirra ferða sem farnar eru (kannski í og úr vinnu eða skóla) og til stendur að tvöfalda eða þrefalda, en gengur ekkert, bílnotkun eykst hraðar en því nemur, þrátt fyrir fjárausturinn í strætisvagna. 

Ómar, nýjar aðferðir við vegabætur nýta svæðin mun betur en áður. T.d. færi Miklabrautin niður í stokk við Kringlumýrarbraut oog notar sama svæði og áður. Ég er sammála þér með fjölbreytilegar aðgerðir, alls ekki borgarlínu, heldur góða vegi sem taka allskyns farartæki sem hentað geta, léttir smástrætóar og hvaðeina. Bætum bara vegina strax.

Sigurður, langflestir vilja að aðrir noti almenningssamgöngur en þeir sjálfir, þá eykst lífsrými þeirra sjálfra. Við bætum bara aðstöðuna fyrir öll farartækin, en það er ekki í föstum brautum, heldur mun tæknin og breytilegar þarfir fólks ráða notkuninni.

Ívar Pálsson, 29.1.2018 kl. 14:44

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Ívar Pálsson
Ívar Pálsson

Viðskiptafræðingur með útflutningsfyrirtæki, en grúskar í flestu.

Innskráning

Ath. Vinsamlegast kveikið á Javascript til að hefja innskráningu.

Hafðu samband