Hróa Hattar- skýrsla Heimsbankans

Skýrsla World Bank staðfestir að engar aðgerðir manna vegna loftslags geti breytt neinu um næstu 15-35 ár, ólíkt því sem mbl.is heldur fram í frétt sinni um skýrslu bankans. Áhrifin munu aukast sama hvað, sjá texta hér neðst. En skjalið fjallar um þróunarstarf, sem er augljóslega farvegurinn sem loftslagsmálin eru komin í, að þróuð ríki greiði þróunarríkjunum peninga, eins og skýrt er tekið fram í plagginu. Þetta er Kommúnista- ávarpið II, tekjudreifing næstu árin.

Engu skiptir næstu áratugina hvað gert er við loftslagið núna, það staðfestu SÞ- vísindamenn 2013 og þessir Heimsbankamenn. 

 

(Shock Waves bls.191)„So far, we have looked only at what occurs by 2030—a period during which emissions reduction policies have almost no impact on the magnitude of climate change (IPCC 2013). By this time, climate change impacts also remain moderate compared with what is expected in 2050 and beyond. Indeed, the impacts of climate change will grow with its magnitude, which will continue increasing as long as net emissions of carbon dioxide (CO2) are not reduced to zero.“

Milljónir fátækra vegna hlýnunar

7000 manns á dag

Nú er upphaf afleiðinganna af flóttamannastefnu í ESB ljóst, þar sem 7000 manns koma ólöglega yfir Miðjarðarhafið að meðaltali á dag inn á Schengen- svæðið, sem Ísland tilheyrir. Þýskaland og Svíþjóð hafa tekið við mörgum, en vandræðin hrannast upp þar. Búist er við 350.000 manns inn í Svíþjóð á þessu ári og því næsta, með kostnað upp á 900 milljarða króna í ár, en það eru tæpir 2,5 ma. króna á dag. Nú heyrist frá Þýskalandi að sumir flóttamannanna vilji ekki aðlagast samfélaginu og t.d. læra þýsku, heldur halda áfram sínum háttum og ætla síðan heim aftur þegar færi gefst. Erfitt ef það verður algengt.

Eins og segir í nýrri ályktun Landsfundar Sjálfstæðisflokksins:Þörf er á endurskoðun Schengen-samstarfsins vegna þróunar í Evrópu með hagsmuni Íslands að leiðarljósi.

Við megum engan tíma missa í að halda stjórn á landamæra- eftirliti en glundra henni ekki niður eins og ESB gerði.

 

218 þúsund á einum mánuði

Um 77% ekki Sýrlendingar

Ein meginástæðan fyrir auknu álagi á landamærunum Íslands er sú að fólk innan Schengen- svæðisins hefur ekki sætt hefðbundnu landamæraeftirliti, er óþekkt og óskráð komið til Íslands, skv. Mbl. í dag. Um 170.000 manns komu úr suðri inn á Schengen- svæðið sl. mánuð í leit að vist innan þess. Af þeim sóttu um hæli hér árið 2015 hingað til voru um 23% frá Sýrlandi, sem sýnir hve villandi umræðan hefur verið um þessi mál. Fólkið er t.d. frá Afghanistan, Erítreu, Íran og Nígeríu.

Schengen er sundurtætt

Landamæri Schengen- svæðisins í suðri eru gersamlega brostin og þar með grundvöllur Schengen- samstarfsins, sérstaklega þar sem Dyflinnar- samkomulagið heldur ekki lengur, þ.e. að innflytjendur skuli skráðir í því ESB- landi sem þeir komu fyrst inn í og þar skuli umsókn þeirra tekin fyrir. Ísland þarf að styrkja eigin landamæri til þess að hafa fulla stjórn á flæðinu, einnig að segja sig úr Schengen, sem var kannski einhvern tíma góð hugmynd, en er núna hrein óreiða, enda hluti af snilldarverki ESB. Bretar höfðu vit á því að halda sig utan þess og við ættum að fylgja þeim í þessu máli.

Aukið álag við landamærin

Mynd af fundi borgarstjórnar

Hér náðist mynd sem talin er af fundi borgarstjórnar þegar fjallað var um Ísraelsmálið.

Vill alla flóttamenn til Íslands

Schengen er sprungið

Nú er flestum orðið ljóst að Schengen sem landamæraeftirlit er löngu sprungið. Hver þjóðhöfðinginn af öðrum viðurkennir það að óbreytt uppsetning kemur ekki í veg fyrir flóttamannastraum sem endar í milljónum manna. Þessi tilraun mistókst vegna hönnunargalla í upphafi, líkt og Evran gerði gagnvart Evruþjóðum. Hvorttveggja kallar nú á verulegar fórnir hverrar þjóðar og miðstýringu, sem gengur þvert á lýðræðislegan rétt þjóðanna til þess að standa vörð um þjóðskipulag sitt. 

Óstjórnandi flóð

Við horfum upp á mannmergðina vaða inn á Schengen- svæðið úr mörgum áttum. Þannig fóru amk. 100.000 manns óskráðir inn í Evrópu og verða líklega 800.000 manns inn í Þýskaland á þessu ári.  Um 80% fólksins er frá Sýrlandi, Afghanistan eða Erítreu, allt stríðshrjáðum löndum. Um 75% heildarinnar eru fullorðnir karlmenn og amk. 90% þeirra eru múslimar. Líkurnar á því að þeir fái flestir vinnu og aðlagist fljótt friðsömu vestrænu þjóðfélagi án vandræða og virði t.d. full réttindi kvenna verða að teljast afar hæpnar. 

Öryggi strax

Schengen setur Ísland í erfiða stöðu vegna öryggismála. Nýjar aðstæður krefjast þess að við segjum okkur úr Schengen- aðildinni en lýsum yfir fullum vilja til þess að halda samvinnu áfram við Interpol ofl. og á grundvelli EES- samstarfs. Setjum aukinn kraft í landhelgisgæslu og verjum rétt okkar til þess að halda áfram að vera öruggasti staður á jarðríki, eins og kom fram fyrir skemmstu. Bíðum ekki eftir vandræðum til þess að taka til aðgerða, framkvæmum strax.

Auk þess legg ég til að ESB- umsóknin verði almennilega dregin til baka.

 

„Mikilvægt fyrsta skref“

Gírug sveitarfélög

Sama fólkið og tapaði auka- milljörðum króna fyrir okkur í Reykjavík á síðasta ári er ákveðið í að halda áfram á sömu braut. Allt í einu geta sveitarfélög ótrauð tekið við fjölda flóttafólks, haft þau á bótum, sett krakkana í leikskóla og aukið álag á heilsugæsluna, allt eftir því hvað stjórnmálamenn sem sum okkar kusu, ákveða að sé falleg tala. Andmæli við því eru því miður hjáróma.

Einróma

Vitað er að því lengra til vinstri sem hver hallast, því frekar vill hann ráðstafa eignum annarra. En nú breiðir þessi óværa sig vel út yfir miðju stjórnmálanna, svo að þau sem varfærnari eru mega vara sig. Því virðist öruggara fyrir þau að jarma með sóandi ídealistunum og helst hærra en hinir.

Grunnhlutverkin

Hlutverk ríkis og sveitarfélaga er löngu gleymt, að sjá um grunnstoðir þjóðfélagsins sem best fara á sameiginlegri hendi, ss. löggæsla eða heilsugæsla. Núna á Reykjavík að bjarga íbúum Aleppo eða hverri annarri stríðsborg, allt eftir vilja flautaþyrlanna hér eða eftir því hvernig vindurinn blæs. 

Hver borgar?

Þeim sem hæst hrópa um hjálp við flóttamenn dettur ekki í hug að stofna sjóð til þess arna og samtök um verkefnið, enda yrði þá loks ljóst hve mörgum yrði í raun hægt að hjálpa. Svo gæfi þetta fólk vinnu sína líka af fórnfýsi sinni, en léti ekki okkur hin fjármagna örlæti og manngæsku þeirra.

Hafið samband við hjálparsamtök, þau sem vilja aðstoða.

 

 

Taka verði vel á móti flóttafólki

Almenningur gerður að brotamönnum

Almenningur sem ferðast um á bílum er upp til hópa þvingaður til rándýrra stöðubrota í Reykjavík við meiriháttar atburði og raunar almennt. Hroki yfirmanna hjá borginni vegna þessa kemur æ betur fram. Kolbrún hjá Bílastæðasjóði segir að spá þurfi í hvort hækka þurfi sektina fyrir stöðubrot enn meira en 100% sem breytti nánast engu. Fólk hefði getað lagt í Borgartúninu! En ekki er boðið upp á einfalda lausn vandamálsins, að nota grasið. Á grasinu meðfram stæðinu hjá Háskóla Íslands var sektað á fullu þó að þetta sé ekki fyrir neinum.

„Ekki núna frekar en áður“ sagði Hjálmar Sveinsson, formaður umhverfis- og skipulagsráðs, að ekki hafi verið rætt um að setja upp bílastæði á dögum eins og Menningarnótt. 

Borgaryfirvöld fara offari í aðför sinni að einkabílnum en eru rétt að byrja með miðbæjarsvæðið og teygja sig æ lengra, samt á þeim tíma sem nýjum bílaleigubílum fjölgar um tugi prósenta á einu ári og ferðamannafjöldi rýkur upp. Bílafjöldi og umferð eykst þrátt fyrir ídealismann í yfirstjórn borgarinnar, sem segir óbeint við 3/4 hluta borgaranna að þeir geti bara étið það sem úti frýs.

 

 

Yfir þúsund bílar sektaðir

Hlutabréf í Evrulöndum falla

Íslenski markaðurinn fékk skell í dag, en Evrulöndin mun meiri, um 5-7% yfirleitt. Allt tal um stöðugleika þess svæðis hlýtur að þagna á degi sem þessum, enda er þýska DAX- vísitalan núna um 22% frá hátindi sínum og þó er framtíðarsýnin hvað björtust varðandi Þýskaland, sem hefur Evrulöndin á herðum sér.

Grikklandi lokið

Fall Grikklands fram af björgum í dag sýnir fáránleika þess að gera samninga um sölu síðustu ríkiseigna þeirra og að fá lán án þess að skera skuldir enn frekar niður. Upphæðirnar eru svimandi og landið er komið á vonarvöl.

Noregur sígur með olíunni

Nú man Noregur betri tíma. Hráolían hrapaði niður fyrir 40 USD, sem er langt undir kostnaðarverði og tapið eykst. Atvinnuleysi þar hafði aukist fyrir, svo að nú hlýtur margur Íslendingurinn að snúa heim aftur, enda hækkar olían vart þegar Íran kemur með sína framleiðslu inn á markaðinn.

Ál og hrávara

Álverð féll eins og annað, um 7% í dag svo að við munum finna fyrir því líka. En hér rignir og hlýnar aðeins, þannig að vonandi bætist aðeins í lónin, sem ég sá að eru ansi lág, ss. Blöndulón.

Nú eru breytingatímar.

Rauður dagur í Kauphöllinni

Fundað með röngum aðila

ESB er jafn líklegt til þess að aðstoða Íslendinga við makrílsölu eins og Bandaríkjaforseti að liðka fyrir hvalkjöti okkar. Fundir Íslendinga ættu að vera með Rússum um það hvernig báðir aðilar geti haldið andliti í þessum hráskinnaleik stórveldapólitíkusa en látið vörur og þjónustu halda áfram að flæða á milli ríkjanna.

Tilgangsleysi viðræðna við ESB um þessi mál er algert. Beinir fundir á milli samningsaðila er það sem skilar árangri, Rússar og Íslendingar án truflunar stórveldanna.

Fundað stíft næstu daga

Ég ber ábyrgð á þessu klúðri

Ég, ásamt öðrum kjósendum Sjálfstæðisflokksins og Framsóknarflokksins til Alþingis, er samábyrgur fyrir því að hafa kosið flokk sem klúðraði gersamlega samskiptum við mikilvæga viðskiptaþjóð, Rússa og studdi viðskiptaþvinganir, sem ganga þvert á stefnu flokksins um viðskiptafrelsi og frjáls milliríkjaviðskipti.

Formenn flokkanna létu undir höfuð leggjast að mótmæla þvingunum ESB, sem skála núna í kampavíni yfir herkænsku sinni, að láta Íslendinga finna fyrir því að dirfast að veiða makrílinn "þeirra" og sitja svo uppi með hann, vegna efnahagsþvingana þeirra.

Vinstri vængurinn (og ESB-) hér kætist líka, því að þeim tókst að reka þennan ESB- fleyg í að kljúfa flokkana, sem áttu að hafa dregið ESB- umsóknina strax til baka.

Jóhanna furðar sig eflaust á árangri þeirra!

„Það sem við óttuðumst mest“

Takk, Íslensk erfðagreining!

Verulega munar um jáeindaskannann, gjöf Íslenskrar efðagreiningar til þjóðarinnar. Nákvæm og skjót greining meina er lykilatriði til betri lækninga og rannsókna. Kvöl og angist krabbameinssjúklinga mun örugglega minnka, þar sem aðgegni að slíku tæki hlýtur að aukast. Þörf var á góðum fréttum í þessum málum núna.

Virðum það sem vel er gert. Kærar þakkir.

Gefur þjóðinni jáeindaskanna

Þvingum okkur sjálf úr viðskiptum

Stuðningur íslenskra stjórnvalda við viðskipta- þvinganir á Rússa var fyrirsjáanlegt stórslys. Við erum friðsöm smáþjóð sem lifir á viðskiptum, en ESB og Bandaríkin nota þessa kúgunartakta til þess að ná fram pólitískum markmiðum sínum. NATÓ er varnar- bandalag sem við styðjum réttilega, en ekki þegar það er misnotað í valdatafli stórveldanna í að fara út fyrir umboð sitt.

Hverjir þjást mest?

Viðskipti stuðla jafnan að friði en viðskipta- þvinganir auka ófrið og valda þeim sem minnst mega sín í viðtökulandinu mestu tjóni en síðan þeirri þjóð sem leggur bannið á eða styður það. Tjónið sem skammsýni íslenskra stjórnvalda veldur með þessari fylgispekt við ESB er ekki aðeins beint, heldur heilmikið óbeint tjón. T.d. fyllast allar frystigeymslur núna sem hrúgar upp kostnaði á öðrum sviðum en með makríl, þannig að arðbær rekstur rýkur í taprekstur.

Frið frá stjórnvöldum

Stjórnmálamenn deila út í eitt um milljónakostnað en vaða óhindrað í tekjuskerðingu upp á tugi milljarða króna í misskildum stuðningi við valdbeitingu á efnahagssviðinu. Höldum hlutleysi okkar og látum stórþjóðir um að skapa sér vandræði með refskák sinni. Drögum þennan stuðning við efnahagsaðgerðir gegn Rússum (eða raunar hverjum sem er) til baka strax.

 

Erfitt setji Rússar bann á Ísland

Kosinn borgarstjóri bregst Reykvíkingum

Dagur borgarstjóri Reykjavíkur fer núna í herferð til þess að losa borg sína við verulegar tekjur og atvinnu yfir í annað sveitarfélag. Hvenær nær hann að ganga fram af þeim sem kusu hann? Sú stund er löngu komin fyrir okkur hin sem þurfum að umbera þetta kosningaslys.

Finnnst fólki þetta vera allt í lagi? Hann beitir sér fyrir því að straumur fólksins fari annað en í borgina sem hann var kosinn til að stýra, alla vega straumur Íslendinga.Hann vill bara bílalausa útlendinga í hótelin og hjólandi fólk í dýrasta banka á Íslandi niðri á höfn.

Reynið að stöðva þessa vitleysu.

Stofni félag um nýjan flugvöll

Nokkrar þjóðir myndu tapa mest á NEI-i Grikkja

Stærstu skuldareigendur Grikkja hljóta að standa mest gegn NEI svari í þjóðaratkvæða- greiðslunni í Grikklandi í dag. Hér sést að um tveir þriðju hlutar skuldar- eignarinnar eru í höndum Þýskalands, Frakklands, Ítalíu og Spánar. Auk þess ráða þessar þjóðir miklu í Evrópska seðlabankanum ECB og í AGS. NEI- svar þýðir án efa verulega niðurfellingu þessarra eigna og er því andstaðan skiljanleg. En ef það gerist, þá verður órói í S- Evrópulöndunum þremur af þessum ríkjum verulega líklegur, þar sem aðhaldsaðgerðir þeirra sjálfra virðast fara beint í að hjálpa Grikkjum. 

Blessun

Þessi klemma sýnir vel hvernig Evran ruglar upp fjármálum Evruríkjanna og veldur misklíð á milli þjóða, sem ekki sér fyrir endann á. Mikil er blessun okkar að þurfa einungis að sinna eigin fjármálum, ekki vinaþjóða okkar. Lifum áfram í friði án ESB- umsóknar.

Grikkir greiða atkvæði

RÚV: Ef allt fer á versta veg hjá Grikkjum með NEI

Bogi hjá hlutlausa RÚV sagði 29/6: „Ef allt fer á versta veg og Grikkir hrökklast úr Evrusamstarfinu og taka upp Drökmu...“. Við getum treyst því að RÚV styðji ESB- lausnir í Icesave, með Grikkland eða hvaðeina. Hver sá sem berst fyrir sjálfstæði þjóðarinnar gagnvart ESB getur treyst því að þeir milljarðar króna sem fara þetta forna batterí Ríkisútvarpið fara að hluta til dulbúins áróðurs gegn honum til styrktar stofnunum sem hafa þann helsta tilgang að viðhalda sjálfum sér.

Gegnsýrð þrenna

Skilningur RÚV á grísku stöðunni er gegnsýrður af áróðri Troikunnar (ESB/ECB/AGS). Raunstaðan er sú að lausnarpakki hennar er ekki sjálfbær, fer mest í greiðslur til hennar og kemur Grikkjum á engan hátt út úr erfiðleikum sínum. Gríska þjóðin verður að segja NEI og takast á við erfiða og stórfellda niðurfellingu skulda með öllum sínum afleiðingum. Kvalafullt afturhvarf út úr fölsku Evrunni þarf að eiga sér stað.

Gætu sagt af sér ef Grikkir kjósa já

Landsvirkjun: Ísland verði hráefnisland

Löngu er orðið tímabært að ríkisstjórnin láti Landsvirkjun setja eigendurna, þegnana í forgang í stað þess að hampa raforkusölu til útlanda eða að hækka raforkuverð ótæpilega, sem kemur verst niður á minni framleiðendum og hinum almenna neytanda. Þessi gróðastefna almannaþjónustu- fyrirtækis dregur úr samkeppnisfærni og frumkvæði landans, þar sem tækifærin eru víða hér með aðgang að öflugri og skilvirkri sameiginlegri raforkuframleiðslu í bakgarðinum. 

Ný stjórn breytti engu

Óskiljanlegt er hvers vegna engin breyting varð á þessari stefnu Landsvirkjunar í að gera Ísland að skattpíndu hráefnislandi við það að skipt var um fólk í stjórninni þegar nýja ríkisstjórnin tók við völdum. Hér ættu neytendur og minni framleiðendur að njóta þess að hagkvæmni stærðarinnar í virkjunum og stórframleiðslu hafi fært okkur enn meiri möguleika en áður. Rafbílavæðing yrði líka enn auðveldari.

Óheillaþróun

Engin ástæða er til þess að hækka raforkuverðið, enda stefnir í methraða í því að greiða niður skuldir Landsvirkjunar til skuldleysis innan fárra ára. Mikill arður fyrirtækisins virðist einungis færa því meiri völd til þess að fóstra draumana um hráefnislandið Ísland á kostnað okkar þegnanna. Þessi ríkisstjórn hefur ennþá tvö ár til þess að snúa þessari óheillaþróun við.

Orkan hækkaði um 40%