Horfið á sparnaðinn hverfa

Maður dáist að móður jörð í sköpun sinni þegar bætist við Ísland í eldgosi. Útreikningar manna um kolefnislosun verða hjákátlegir, þar sem árssparnaður þjóðar í kolefnislosun með skattlagningu og áþján hverfur á augabragði, mínútum eða klukkutímum. Munum að hvað sem gerist að jafnaði á einni sekúndu margfaldast með 86.400 á einum sólarhring. Því eru t.d. 3 tonn af koltvísýringi á sekúndu nærri 260 þúsund tonn á sólarhring. En einmitt vegna þessa þá var strikað yfir eldgos í kolefnisbókhaldi áþjánarsinna heimsins, þar sem þau væru of óútreiknanleg og gerðust ekki reglulega.

Hraungos eða öskugos? 

Vissulega losa hraungos eins og í Holuhrauni mun minna af gróðurhúsa- lofttegundum heldur en sprengi- öskugos undan jökli. Á það var bent í Fimmvörðuháls- gosinu 2010, sem var krúttlegur húnn á undan ísbirninum, öskugosinu í Eyjafjallajökli. En þegar það gos hófst síðan, þá þögðu kolefnisbókhaldarar þunnu hljóði, enda margfaldaðist losun gróðurhúsa- lofttegunda og gosið stóð í nokkurn tíma.

Gosið sem enginn man eftir 

Síðan gerðist nokkuð áhugavert árið eftir: gosið sem enginn man eftir, Grímsvötn 2011. Samt losaði það þrefalt magn gosefna á við Eyjafjallajökul 2010 og allt á einum degi!

En núna dælist út nýtt hraun úr iðrum jarðar sem gæti allt eins staðið í einn 260.000 tonna losunardag í viðbót, eða í mánuð með 7,8 milljón tonn, eða bætt við sprengigosi í Bárðarbungu sem tífaldar losunina, eða jafnvel kraumandi Kröfluelda í 10 ár.

Engar aðgerðir, takk! 

Vonandi fæst einhver ráðamaður til að skilja það að reglugerðir og skattlagning vegna kolefnislosunar á Íslandi er dundur og fitl, sem breytir engu um veðrið í heiminum, heldur dregur úr lífskjörum okkar. Farið og horfið á nokkur eldgos til þess að sannfærast.

Hraunbreiðan 9,1 ferkílómetri

Fíllinn er enn í herberginu

Nú er lag að rýma til fyrir öðru í ríkisherberginu en ESB-fílnum, sem þvælist jafnan fyrir þingi og stjórnarráði. Þá ætti tvískinnungi fyrri tíma að vera lokið og Evrulönd geta ótrufluð farið að eiga við ómæld vandræði sín án ómetanlegrar aðstoðar okkar við það að leysa úr þeim.

Haustið færir okkur sannleikann um það hvort þessi ríkisstjórn sé almennilega gangfær og geti stigið í annan fótinn án þess að velta stöðugt fyrir sér hvorn fótinn eigi nú að stíga í.

Afturköllun til skoðunar

Spjaldtölvur í grunnskólana

Ein góð leið í átt að markmiðum menntamálaráðherra fyrir grunnskólanema er eflaust að færa börnunum spjaldtölvur, en raunar aðallega að kenna kennurum á þær. Strákar læra varla að lesa núorðið nema aðstoðar- öpp komi til, eða tölva, forrit, leikur og helst keppni. Þá er hægt að sérsníða námið þegar í upphafi, ekki eins hjá mér sem kom fluglæs inn í skólann og leiddist óendanlega í 6 ár að hlusta á kennslu í stafrófinu og grundvallar- lestri.

Borgarstjórn kýs frekar að hræra í götum borgarinnar en að snúa sér að þessu þarfamáli, sem einn kennari við Melaskóla benti einmitt á á fundi um Hofsvallagötu- þvælinginn. Upphæðirnar til spjaldtölvuvæðingar eru einmitt það litlar, að auðveldlega má greiða þær með sparnaðinum af því að sleppa áætlaðri eyðileggingu á gatnakerfi borgarinnar. Þannig má slá tvær flugur í einu höggi.

En hvor er erfiðari hjallur, ídealismi ríkjandi borgarpólitíkusa eða tölvufælni grunnskólakennara á yngri stigum? Þeir sem þjást helst vegna hvors tveggja í framtíðinni af þessum sökum eru illa læsu strákarnir.

 

Stefnt að læsi 90% grunnskólabarna

Baldur tekur við af Konna

Þessar myndir sýna að Baldur og Konni hafa vaxið úr grasi saman og nú er Baldur tilbúinn að taka til hendinni án þess að hún hreyfi munn Konna. En Baldur hefur lofað að búktalið haldi samt sem áður ómælt áfram í fjögur ár í viðbót.

Dagur B. Eggertsson er tekinn við. 

Dagur tekinn við taumunum

Dagur: Sóley eða Píratann?

Dagur & Co í Reykjavík fengu gott aðhald frá XD+XB, en nú fær Dagur tvo erfiða kosti: að verða undir hæl Sóleyjar VG eða Píratans Halldórs Auðar Svanssonar. Annarsvegar er það rammur umhverfis- kommúnisminn eða hinsvegar „Svarti Pétur“, sem má skilja að Píratar séu í eðli sínu, villta spjaldið (e. wild card). Ekki er valið öfundsvert.

Samanlagðir 5 borgarstjórnarfulltrúar Samfylkingar og 2 Bjartrar Framtíðar þarfnast eins frá VG eða Pírötum fyrir 8 manna meirihluta í borgarstjórn Reykjavíkur. Oddaaðstaða þessarra tveggja fulltrúa er skýr núna og athyglisvert verður að sjá hvers þeir krefjast í stjórnarmyndun, sem hlyti að falla Degi í hönd. Nú þarf fólk að skoða aðaláherslur Vinstri Grænna til þess að sjá hvar Sóley Tómasdóttir er líkleg til þess að draga sínar skýru línur. Einnig fær Píratinn Halldór 

Auðar athyglina hvað þetta varðar. Annaðhvort þeirra vill völdin þarna megin, því varla fara þau bæði yfir í Sjálfstæðis- Framsóknar- kampinn, þar sem það yrði skrautlegt, vægast sagt.

En fyrir okkur sem horfðum sneypt upp á rísandi keisarann Dag fyrir kosningar er þetta huggun harmi gegn, að gengi Dags verður einmitt það allt þetta kjörtímabil, gengi dagsins.

Meirihlutinn fallinn í borginni - lokatölur

Veitum Degi aðhald

Dagur B. Eggertsson flýgur hátt, með Samfylkingu og Bjarta framtíð í eftirdragi. Ef honum er ekki veitt aðhald í kosningunum á morgun, er nær öruggt að hann telji sig hafa fullt og óskorað umboð til þeirra þvingunaraðgerða í Reykjavík, sem hafa afgerandi áhrif á daglegt líf og fjárhagslega stöðu nær allra borgarbúa og nágrannabyggða.

Skattar og álögur á Reykvíkinga mega ekki aukast. Samgöngutruflanir í Aðalskipulagi Reykjavíkur í algeru tilgangsleysi ber að stöðva og þar ber flugvöllinn hæst. Það eru aðeins tveir valkostir til þess að veita Degi & Co. nægilegt aðhald í Reykjavík á morgun: Kjósa Framsókn og flugvallarvini eða Sjálfstæðisflokkinn. Annars verður Dagur óstöðvandi í langtíma- breytingum sínum á Reykjavík í fjögur erfið ár.

Hér eru textar úr Aðalskipulaginu til umhugsunar, feitletranir eru mínar. Athugið meginástæður breytinganna.

Vilji er til að víkja til hliðar hefðbundinni áherslu á skilvirkni og afkastagetu gatnakerfis fyrir einkabílinn en leggja í stað þess áherslu á vistvæna ferðamáta. Venjubundin nálgun um flokkað gatnakerfi og frítt flæði umferðar á stofnbrautum á ennfremur undir högg að sækja. Þessi viðhorfsbreyting stafar bæði af aukinni umhverfisvitund vegna hinna neikvæðu umhverfisáhrifa bílumferðar, og, ekki síður, af auknum áhuga á bættum borgarbrag og lífsstíl.

...hafa hjólreiðar aukist mjög í borginni á þessum tíma, úr 0,3% árið 2002 í 3,8% árið 2011. Um 12,4% borgarbúa sögðust hjóla allt árið um kring árið 2011, 48,6% hjóla aðeins hluta úr ári, líklega yfir sumarmánuðina, og 39% hjóla aldrei.  ...Íbúar í Vesturbæ, Miðbæ og Hlíðum eru mun líklegri til að fara fótgangandi eða á hjóli til vinnu eða skóla en íbúar í öðrum hverfum lengra frá atvinnukjörnum.

Hlutfall þeirra sem nota almenningssamgöngur hefur staðið í stað á tímabilinu, og eru um 4% ferða farnar með strætisvögnum. Um 14% íbúa á höfuðborgarsvæðinu nota strætisvagna tvisvar sinnum í viku eða oftar. Rúm 54% taka aldrei strætó.

...Uppfylla kröfur til bílastæða fyrst og fremst við íbúðarhúsnæði, í öðru lagi við heimsóknir og í þriðja lagi við vinnustaði.

Mikilvægt er að stytta vegalengdir ef fjölga á hjólandi vegfarendum. Það verður fyrst og fremst gert með þéttingu byggðar. Í ferðavenjukönnunum kemur fram að reiðhjól eru mest notuð í hverfum vestan Kringlumýrarbrautar. Þetta bendir til þess að mikill þéttleiki byggðar þar og blöndun landnotkunar geri aðra ferðamáta en einkabílinn fýsilega.

Mikill stuðningur við Dag

Jóhönnu- heilkennið í Reykjavík

Morgunblaðið birti þann 22. maí 2014 grein mína sem hér fylgir: 

"Þegar íbúarnir fá nóg, þá er það orðið of seint: aðalæðar þrengdar, Reykjavík þekkt fyrir bílastæðaskort, flugvöllurinn farinn og úthverfin hundsuð."

Jóhönnu-heilkennið má kalla það, þegar hrært er í málum sem eru í góðu lagi á meðan þarfamálin eru látin nær ósnert. Þetta var alþekkt á landsvísu í stjórnartíð Samfylkingar og Vinstri grænna árin 2009-2013. Borgarmálin fóru líka í þennan farveg með Besta flokknum og Samfylkingu sl. fjögur ár og nú virðist Dagur Bergþóruson Eggertsson stefna í að fá umboð borgarbúa til þess að halda þeirri stefnu áfram af krafti næstu fjögur árin.

Samfylkingin bakvið tjöldin

Reykjavíkurdætur eru í hrifningarstormi á Facebook yfir Degi B., en mættu aðeins styrkja sig í hnjáliðunum og líta á líklegar afleiðingar þess að fá Samfylkinguna yfir borgarmálin af fullum krafti. Síðastliðin fjögur ár hefur hún unnið ýmis verk bakvið leiktjöldin, sérstaklega í mörg hundruð milljóna króna óþarfaverkum eins og breytingartillögum á Aðalskipulagi Reykjavíkur og Hverfaskipulagi, sem gert var ónothæft.

Daglegu lífi raskað

Daglegt líf þorra Reykvíkinga, nágranna þeirra og Íslendinga almennt nær að verða fyrir neikvæðum áhrifum þess að Samfylkingin og Björt framtíð fullkomna ídealisma sinn um breytingar á lífsstíl fólks að þeirra hætti. Síðan þegar íbúarnir fá nóg, þá er það orðið of seint: aðal- umferðaræðar eins og Hringbraut verða þrengdar, Reykjavík verður þekkt fyrir bílastæðaskort þrátt fyrir gnótt landsvæðis, flugvöllur höfuðborgarinnar verður fjarlægður með öllum sínum afleiðingum og félagsíbúðir á kostnað Reykjavíkurbúa reistar í staðinn á dýrasta stað í borginni. Í stað greiðfærra brauta sem lágmarka tímasóun þorra borgarbúa, þá er yfirlýst stefna beinlínis að hægja á umferð með stíflun hennar. Hagur úthverfanna er yfirleitt hundsaður.

Aðhald

En ofangreindir ókostir, sem liggja fyrir sem staðreyndir nú þegar, duga líklegast ekki til þess að kom Degi & Co frá völdum í borginni. Sjarminn blífur og skuldasöfnun okkar í gegnum hann er líkleg til þess að taka undir sig stökk. Þó er von til þess að kjósendur beiti hópinn aðhaldi, helst með því að kjósa hann ekki í komandi kosningum, en annars með því að fara ofan í saumana á m.a. þessum málefnum.

Raunverulegt val íbúanna

Íbúalýðræði Dags & Co hefur hingað til verið Facebook-lýðræði og álíka lýðskrum eins og Betri Reykjavík, þar sem kosið er um hvort bekkur verði settur upp hér eða hellur lagðar þar. Krefjast þarf alvöru kosninga íbúa hvers hverfis um alvörumál áður en þau eru sett af stað, sérstaklega þegar um er að ræða þéttingu byggðar í grónum hverfum, sem bæði Samfylking og Björt framtíð setja á oddinn. Þegar síðan nágrannabyggðir hafa verulegra hagsmuna að gæta, þá verður að vera full sátt um aðgerðir áður en vaðið er í þær. Seltjarnarnes hefur t.d. rétt á því að Hringbraut sé haldið greiðfærri, þó ekki sé nema vegna öryggishagsmuna.

Krefjumst upplýsinga

Borgaryfirvöld Dags & Co hafa talað um opna stjórnsýslu á tyllidögum, en ómögulegt er að nálgast jafnvel samþykktar tillögur Borgarráðs, sem opinbera þær afarhugmyndir sem eru í gangi. Krefjumst þess að allt sé birt og gert aðgengilegt, svo að borgarbúar megi sjá í hvaða villu er verið að leiða þá. Við höfum aðeins nokkra daga núna til umhugsunar fyrir kosningar.

Pólitík af Frökkum, fyrir Frakka, með Frökkum!

Sigur þjóðernisflokka í kosningunum um Evrópuþingið er svo afgerandi, að endurhönnun ESB verður næst á dagskrá. Algjör firra væri að halda áfram umsókn Íslands inn í ESB- óvissuna, þegar móttakandi umsóknarinnar veit ekki einu sinni á hvaða nótum hann ætti að semja.

„Pólitík af Frökkum, fyrir Frakka, með Frökkum!“ Spánn: við munum ekki halda áfram að servera Tapas á lágum launum fyrir ríkari Evrópuþjóðir. „Þetta kvöld er gríðarleg höfnun Evrópusambandsins. Það sem er að gerast í Frakklandi er fyrirboði þess sem mun gerast hjá öllum Evrópskum þjóðum, endurkoma þjóðar.“

"Tonight is a massive rejection of the EU. What is happening in France prefigures what will happen in all European countries, the return of the nation."

Samruni rennur sitt skeið 

Tugir neyðarfunda ESB síðustu ára til bjargar Evrusvæðinu leiddu af sér stefnu í átt að bankasamruna og jafnvel fjármálalegu ríkjasambandi. En nú þegar kosið var um þá stefnu, þá var henni algerlega hafnað ásamt Troiku- stefnunni, að ESB, Evrópski seðlabankinn og IMF, Alþjóða- gjaldeyrissjóðurinn beittu hverja þjóð hörðu með aðhaldi og þvinguðum samdrætti. Unga atvinnulausa fólkið, 26 milljónir þeirra, láta heyra í sér svo um munar.

Þjóðargjaldmiðlar halda sér 

Annað sem er ljóst eftir þessar kosningar er að Evrópuþjóðir með sinn eigin gjaldmiðil eru harðákveðnar í að halda honum, eins og Pundinu og Dönsku og Sænsku krónunni. Óvissuþættir Evrunnar gera ekki annað en að hrannast upp og gallarnir, aðallega atvinnuleysið, eru vel þekktir.

Við höldum best friðinn með því að draga umsóknina að ESB til baka strax. Evrópa hefur allt of margt á sinni könnu og grundvallarforsendur eru brostnar, ef þær voru nokkurn tíma fyrir hendi.

„Pólitískur jarðskjálfti“

Einn maður, eitt atkvæði í ESB?

Núna lauk kosningum á Evrópuþingið, þar sem 751 þingmaður á að gæta hagsmuna 505 milljón manns. Því standa um 670 þúsund þegnar að baki hverjum þingmanni. Jafnrétti og mannréttindi eru víst í hávegum höfð í ESB, þannig að við gefum okkur að reglan „einn maður, eitt atkvæði“ hljóti að gilda, þar sem allir kjósendur í ESB eru jafn- áhrifamiklir. Ef Íslendingar bætast í þetta bræðrabandalag, þá ættum við aðeins í raun að fá hálfan þingmann, ef jöfnuður gilti. En það skiptir svo sem ekki máli, því að þeir eiga víst ekki að vera fulltrúar fyrir þá sem kusu þá, heldur aðeins heildina.

Kosningar hundsaðar 

Evrópubúar hundsa margir þessar kosningar, enda vita þeir að Þýskaland og Frakkland ákveða flest fyrirfram sem máli skiptir áður kemur að umfjöllun um mikilvæg mál. Sjáið kosningaþáttöku í hverju Evrópulandi fyrir sig í síðustu kosningum árið 2009: 6 þjóðir eru undir 30% þar, langflestar undir 60%, en þegnar Belgíu og Lúxembúrgar telja augsýnilega að þeirra þingmenn muni hafa meiri áhrif en aðrir, eins og smáríkið Malta.

Allir eru jafnir 

Talsmenn jöfnuðar (jafnaðarmenn) geta ekki réttilega haldið því fram að Ísland muni hafa margföld áhrif á við höfðatölu í ESB, þar sem allir eru jafnir. Klíkuskapur er aðall þessara samtaka og íslenskir ESB- fylgjendur beinlínis treysta á það að ójöfnuður ríki í ESB eftir inngöngu Íslands, það hefur margoft komið fram.

En samkvæmt vef ESB sjálfs um þessar kosningar, þá snúast þær um það að kjósendur meti hvernig hafi tekist að taka á krísunni í Evrulöndum (hvaða krísu? spyr Össur) og skoðun þeirra á áætlunum ESB um nánara efnahagssamband og pólitískan samruna. Þetta (2014) eru fyrstu kosningar eftir að ESB fékk meiri völd en það hafði:

...allow voters to pass judgment on EU leaders' efforts to tackle the eurozone crisis and to express their views on plans for closer economic and political integration; they are also the first elections since the Lisbon Treaty of 2009 gave the European Parliament a number of important new powers. 

Einnig má geta þess að nú verða aðildarríkin í fyrsta sinn að taka tillit til kjósenda þegar forseti Evrópuráðsins (nú Barroso) er tilnefndur. Það þótti ekki þurfa áður. Já, þetta eru merkilegar kosningar! Íslendingar myndu sannarlega skipta máli þarna. Að ég tali nú ekki um ef 76 milljónir tyrkneskra múslima fá loksins inngöngu í ESB. Þá fengi íslenska kvenþjóðin að berjast fyrir því að halda réttindum sínum við 238 sinnum fleiri múslima en allt Ísland er.

 

 

 

  

Evrópuþingskosningunum lýkur í dag

Lýðskrumsræði: Lítill hluti ræður

Stjórnarhættir í Reykjavík falla núorðið undir það sem kalla má lýðskrumsræði, þar sem hagsmunir mjög lítils minnihluta ráða aðgerðum gegn stóra meirihlutanum, sem næst með loforðaflaumi í fjölmiðlum og á samskiptamiðlum.  Við þekkjum þetta vel úr ESB- málunum, þar sem mjög lítill hluti einarðra ESB-sinna nær undirtökum í stjórnmálaflokki og samtökum, stýrir umræðunni í gegn um fjölmiðla og nær að gegnsýra upplýsingasamfélagið með misvísandi upplýsingaflaumi, sem drekkir einföldum staðreyndum svo að kjósandinn ráfar um í örvinglan.

Komast til valda 

Eftir fjögur ár af afstæðu stjórnleysi í Reykjavíkurborg, þar sem þessir stjórnunarættir ríkja, er kjörinn jarðvegur fyrir sérfræðingana í þessum málum að koma sér vel fyrir til valda í borginni. Leiðirnar sem verða helst fyrir valinu til þess að ná þessum markmiðum eru helst í gegn um umferðarmál og húsnæðismál. Í umferðinni eiga þau fáu prósent (4%?) sem fara á reiðhjóli til vinnu sinnar að hamla því hvernig þrír fjórðu (eða 74%?) okkar komast um á bílum. Í húsnæðismálum eiga þau sem þiggja félagslega aðstoð okkar til leigu húsnæðis og þau sem ekki kaupa húseignir að ráða því hvernig húsnæðismarkaðurinn fer, allt í gegn um sveitastjórnarkosningar.

Þekktu sjálfa(n) þig 

Kjósandinn þarf að fara í innhverfa íhugun á fjögurra ára fresti og spyrja sig hvaða flokkur fylgi grundvallar- gildum kjósandans, t.d. um frelsi til athafna og sjálfstæðis. Ef það bregst er hætt við því að fjárfesting auglýsingaaflanna hafi skilað arði og geri það til framtíðar.

Fylgi framboða breytist lítið

Vatnssöfnun í skipulagi borgarinnar

Enn eitt ruglið í Hverfisskipulags- tillögum Dags & Co er það að telja vatnssöfnun húseigenda góða hugmynd:„6.1.5.2 Vatnsnotkun: Hverfisskipulag leggur áherslu á að vatn er auðlind sem þarf að fara vel með. Draga má úr vatnsnotkun með söfnun og hreinsun yfirborðsvatns ef þess gerist þörf. Þetta yrði þá staðbundið fyrir hvert hús. Einnig skilar fræðsla um minni sóun miklu“.

Við Reykvíkingar sem göngum að nægu af tandurhreinu borholuvatni úr vatnsrörum eigum semsagt að fara að safna að okkur regnvatni og mynda pestarvaldandi bakteríu- skordýrapolla, svo að allt sé sem líkast milljónaborgum suður í heimi. Við eigum að fikta við þetta heimavið. Svo gleymist að einn hressilegur rigningarskúr jafnast á við árssöfnun allra íbúanna. 

Þetta passar vel við Heimshitunarfólkið, sem vill að við kælum heiminn með reiðhjólaakstri. 

 

Moskítóflugur hreiðra um sig í Bretlandi

Mótvægi við Dag?

Dagur Bergþóruson Eggertsson hagnast mest á ESB- flækjunum í Sjálfstæðisflokknum, en þær hafa farið verst með fylgið. ESB- andstaða er sterk í Sjálfstæðisflokknum en ESB- málsvarar þar (10-15% heildar) eru mjög fylgnir sér og með hlutfallslega mikil áhrif vegna tengslaneta, virkni á samfélagsmiðlum og í helstu samtökum, ásamt brennandi áhuga á aðalmálefni sínu, ESB. Þetta hefur liðist lengi innan flokksins og varð síðan til þess að svikabrigslin við forystuna í fjölmiðlum urðu til, sem veikti stöðuna verulega. Mikils pirrings gætir því hjá almennu Sjálfstæðisfólki út í ESB- deildina og núna í borgarmálunum, þegar ESB- fólkið samþykkti flest það sem frá Samfylkingunni kom, sérstaklega Aðalskipulag Reykjavíkurborgar.

 

Í prófkjöri Sjálfstæðisflokksins komu ESB- konurnar fram sem ein heild og oddvitinn Halldór náði kjöri, en hann er í stjórn Sjálfstæðra Evrópumanna, ESB- aðildarsinna.

Sjálfstæðisfólki almennt er því vandi á höndum: Á það að styðja ESB-sinna (þvert um geð), sem gjarnan eru sammála Samfylkingunni í helstu málum (að hætti Gísla Marteins sem var flæmdur burt), eða er nokkur leið til þess að hamla vinstri bylgju Dags & Co á annan skilvirkan hátt? Þar stendur hnífurinn í kúnni.

Mikill meirihluti vill Dag

Vinstri Sam/BF vellingur kosinn

Nú er Deginum ljósara hvert kjósendur stefna með Reykjavík, nema þeir vakni við vondan draum og þeim snúist hugur eftir 11 daga. Vinstri vellingur Samfylkingar/ Bjartrar framtíðar (SamBF) verður annars ofan á með stæl, sem sést t.d. á því hvernig fólk sem kysi í Alþingiskosningum núna mun kjósa í þessum borgarstjórnarkosningum í Reykjavík. Samkvæmt könnun HÍ fyrir Morgunblaðið í dag færi þetta svona: 95% Samfylkingarfólks (til Alþingis) kysi Sam/BF í Reykjavík, 87% BF-fólks, 47% VG-fólks, 38% Framsóknarfólks, 12% Sjálfstæðisfólks en 41% fólks annarra flokka.

Björt framtíð?

Ef einhver velkist enn í vafa um það hvað það þýðir að kjósa aðra flokka en Sjálfstæðisflokkinn til borgarstjórnar núna, þá ætti hann að skoða þessar niðurstöður vel í Morgunblaðinu, því að öruggt má telja að Dagur & Co, sem er SamBF ásamt minni spámönnum, líti á útkomuna sem staðfestingu á því að þau séu að gera rétt í stjórn borgarinnar og með áætlanir sínar um rammsósíalískar breytingar á samfélaginu.

Að hika er sama og að tapa

Eflaust er margt sjálfstæðisfólk hikandi við að kjósa ESB-vilhallann mann til borgarstjóra, en í borgarmálunum hefur Halldór Halldórsson réttar áherslur að mestu, enda sveitarstjórnarmaður að upplagi. Ég segi að mestu, því að hugmyndin um þverun Skerjafjarðar með vegbrú yfir á Álftanes var afleit og hefur sem betur fer verið blásin af. Megináherslurnar standa réttar, að standa vörð um það ágæta samfélag sem byggt hefur verið í Reykjavík og er engin ástæða til þess að umbylta. En það verður við ramman reip að draga samkvæmt nýjustu tölum.

Meirihlutinn með tíu fulltrúa

Dagur & Co. stefndu í óefni með hverfaskipulag

Hverfaskipulagstillögur Dags & Co. áttu að renna smurt í gegn um upplýsingalaust kerfið, en þegar borgarbúar fóru að gera sér grein fyrir þessum ósköpum og áþján, sem birtist í MBL og m.a. á þessu bloggi, þá gátu þeir ekki annað en mótmælt, hvar í flokki sem þeir standa. Þó eru enn til kjósendur Samfylkingar, sem benda á að þetta séu „bara drög að tillögum“. Öðru nær, feiknamikil og dýr vinna hefur farið í þessi útfærðu plön, sem byggja á nokkrum kolröngum grundvallar- forsendum: 

Flugvöllurinn fari burt. Umferðarplön, húsbyggingar, skólamál, verslanir, ofl. miða við flugvöllinn allan burt.

Bílum verði fækkað, bílaumferð heft og bílastæði fjarlægð. Hverjir vilja missa bílana sína? Hvaða verslunareigendur vilja að engin bílastæði verði eftir nálægt staðnum þeirra? Stærstu umferðaræðar verða þrengdar niður. Umferðarteppur og riflildi yrðu daglegt brauð.

Byggt verði á bílastæðum í grónum hverfum. Þegar er byrjað í Gamla Vesturbæ gegn vilja íbúanna. Hjarðarhagi er líka rakið dæmi. Byggingar ganga á eignarrétt og forsendum fyrir íbúðakaupum víða.

Réttur íbúanna í „úthverfum“ er hundsaður, líka nágrannasveitarfélög. Sjálfmiðaðar þarfir póstnúmera 101 og 107 eru ríkjandi. Samgöngur skipta miklu. Uppbygging ætti að dreifast á allar byggðir, ekki í rótgrónu svæðin.

Tilgangurinn er aðallega vegna kolefnislosunar heimsins, ekki fyrir íbúana sjálfa. Að öðru leyti vegna loftgæða, sem bæta mætti t.d. með betri götuþrifum, sem eru arfaslök. Kolefnislosun þessarra samgangna er svo sáralítil að engu tali tekur, t.d. miðað við mínútur af Grímsvatnagosinu 2011, eða þá vegna þeirrar niðurstöðu SÞ að breyting tæki nokkur hundruð ár.

Vinstri meirihlutinn í borginn og fylgjendur hans sáu að það væri pólitískur dauðadómur að keyra þessa hörmung í gegn eins og þau gerðu með Aðalskipulag Reykjavíkur í nóvember í fyrra, en það hefur heldur ekki verið kynnt almennilega. 

Samráð er ekki til 

Fólk VERÐUR að kynna sér þessi mál fyrir kosningar, því að verið er að hafa veruleg neikvæð áhrif á lífsmynstur þess. Samráð er ekki til, heldur gerfilýðræði andskotans.

Sjáið myndaalbúmin hér með teikningum úr hverfaskipulaginu. 

PS: blog.is á í einhverjum vandræðum með myndir úr Vesturbæjar- skipulaginu ofl. Hér koma þær:

https://picasaweb.google.com/107972936124078389294/SkipulagstillogurReykjavik?authuser=0&feat=directlink

Hægt er að hlaða niður hverri mynd hjá sér (og stækka hana síðan þar) þegar horft er á hana, þá fellivalmynd „Actions“ og þar niður í „Download photo“.

 

Hverfisskipulagið fellt

Hverfaskipulag í Reykjavík: tillögur birtar

Samþykktar tillögur Aðalskipulags Reykjavíkur eru orðnar að opinberum skjölum, en borgarstjórn birtir ekki þau skjöl. Þau fylgja því hér til hliðar í PDF- viðhengjum. Hvert skjal um sig er nokkuð stórt, kannski 100mb, ekki endilega hlaða í síma! Best er að hlaða t.d. viðeigandi hverfi inn á tölvu hjá sér og skoða í rólegheitum, því að eflaust rekur hvern í rogastans þegar hann sér umfang drottnandi ægivaldsins gegn borgurunum, sem Dagur B. Eggertson & Co. vilja beita.

Aðal- samgönguæðar í borginni verða þrengdar og stíflaðar niður, sbr. Hringbraut vestast, Suðurgatan öll og Miklabraut í miðið, þar sem 48.000 bílar fara um daglega í dag. Engin bílastæði verða fyrir nemendur við framhaldsskóla borgarinnar. Fjöldi bílastæða er almennt helmingaður. Meir um það seinna, en: Góðan lestur!

PS: Stækka þarf myndina á skjánum í PDF-skoðunarforritinu með því að ýta á plús merkið nokkrum sinnum (yfirleitt uppi til hægri á skjánum).

Skrár tengdar þessari bloggfærslu:

• Skipulag Hlidahverfi
• Hlidar1
• Skipulag Skerjafjordur
• Skipulag Vesturbaer
• Skipulag Grafarvogur
• GamliVesturbaer
• Hateigshverfi
• Laugarnes
• Efra Breidholt
• Arbaer
• Artunsholt Arbaer
• Arbaer Selas
• Borgir-Vikur-Engi-Stadir
• Bryggjuhverfi Ellidavogur
• Fossvogur Blesugrof
• Grafarholt
• Haaleiti Mular
• Kleppsholt
• Kringlan-Leiti-Gerdi
• Breidholt Nedra
• Nordlingaholt
• Rimahverfi
• Seljahverfi
• Ulfarsardalur
• Vogar

Aðalskipulag miðar við flugvöllinn burt

Samþykktar tillögur borgarmeirihlutans (sem Dagur B. vill stýra) um Aðalskipulag Reykjavíkur miða allar við það að Reykjavíkurflugvöllur verði ekki í Vatnsmýrinni, sérstaklega þlær sem fjalla um hverfisskipulag í Skerjafirði, sem litið er á eins og eitt hverfi í tillögunum, en Stóri Skerjafjörður hefur staðið sér síðan í Seinni heimsstyrjöldinni.

Birtið gögnin! 

Borgarstjórn ætti að birta samþykktar tillögur sínar í heild sinni, þar sem þær eru orðnar opinbert gagn og talað er um gegnsæi í stjórnsýslu á tyllidögum. En þegar yfirvöld bregðast upplýsingaskyldu sinni, hér og t.d. í Icesave, þá birta borgararnir það. Þau gögn eru á leiðinni, þetta er allt að koma! 

71,2% Reykvíkinga vilja völlinn áfram