Tími fyrir markvisst Sjálfstæðisfólk

Nú þegar Jón Gnarr hverfur aftur til starfa við hæfi, þá opnast gáttirnar fyrir Sjálfstæðisflokkinn í borginni ef í prófkjöri hans velst fólk til forystu sem fylgir stefnumálum flokksins af festu.  Þau sem það gera í samgöngu- og skipulagsmálum eru (skv. viðtölum þeirra) amk. Júlíus Vífill Ingvarsson, Halldór Halldórsson, Kjartan Magnússon, Marta Guðjónsdóttir og Björn Gíslason. Gott væri að fá ábendingar um það hverjir aðrir frambjóðenda styðja stefnu flokksins, ítrekaða í febrúar 2013:

Samgöngur í lofti: Reykjavíkurflugvöllur gegnir óumdeilanlega lykilhlutverki sem miðstöð sjúkra- og innanlandsflugs. Flugvellinum skal því tryggð áframhaldandi aðstaða í Vatnsmýrinni og hið fyrsta skal hefjast handa við byggingu nýrrar flugstöðvar. Grunnforsenda er að þar séu reknar tvær flugbrautir til frambúðar. Landsfundur leggur áherslu á að innanlandsflug verði með svipuðu sniði og verið hefur.

Einnig þarf að tryggja að skipulagsslysin sem Samfylking og Besti flokkur hafa staðið fyrir verði ekki staðfest, með öllum sínum bílastæðalausu blokkum og umferðarteppum.

Skýr svör 

Nokkrir frambjóðendur í komandi prófkjöri Sjálfstæðisflokks tala í skipulagsmálum eins og þau séu í andstæðum  flokki. Ég hvet Sjálfstæðisfólk í borginni til þess að leitra skýrra svara hjá frambjóðendum. Tal um „þéttingu byggðar“, „fleiri valkosti“ „og rúm fyrir aðrar skoðanir“ er notað í stað þess að segja að það vilji flugvöllinn burt og að Samfylkingar- útópían verði ofan á í skipulagsmálum. 

Nýtum tækifærið 

Samningurinn um flugvöllinn má ekki slá ryki í augu þeirra sem vilja halda Reykjavík góðri samgönguborg. Ef andstæðingar vallarins eru kosnir til valda núna, hvar í flokki sem þeir standa þá verður hann ólíklegri til þess að endast og við sitjum áfram uppi með Skandinavíu- ídealistana!

 

 

Gjörbreytt staða í Reykjavík

Friður og samstaða?

Ef gæfan verður hliðholl Sjálfstæðisflokki í komandi sveitarstjórnakosningum hlýtur Borgarstjórinn í Reykjavík að fylgja þeim 92% Sjálfstæðisfólks sem vilja láta flugvöllinn vera í friði. Borgarskipulagið sem skilar amk. núverandi bílum á sína áfangastaði þrautalítið hlýtur líka að fá að vera í friði, enda meginþorri fólks sem kýs þann ferðamáta. En Þorbjörg Helga Vigfúsdóttir virðist ekki vilja verða þannig borgarstjóri sátta, heldur virðist hallast að afleitu borgarskipulagi SamBesta 101 Latte - hópsins og þar með að Reykjavíkurflugvöllur verði færður við fyrsta tækifæri.

Sjálfstæðisflokkurinn sameinar ólík sjónarmið, en það eru nokkur meginþema sem kalla má grunngildi og gera verður ráð fyrir að næsti borgarstjóri aðhyllist, þegar hann eða hún er Sjálfstæðismanneskja. Gísli Marteinn sá sína sæng upp reidda þegar hann virtist ætla að ganga áfram gegn þessum grunngildum, sem varð til þess að hann dró sig úr slagnum. Í landsmálunum fór þannig að lokum fyrir ESB- sinnum líka, sem gengu gegn landsfundarsamþykktum Sjálfstæðisflokksins og langflestum flokksmönnum.

Gera verður ráð fyrir því að frambjóðendur til oddvitasætis flokks fari eftir grundvallarstefnu og samþykktum þess flokks, ella er það ekki vænlegt til friðar eða samstöðu, nema við núverandi borgartrúða.

Þorbjörg Helga sækist eftir oddvitasæti

Leyfið vetrardekkin (sem eru negld)

Fjöldi fólks vill láta setja vetrardekkin undir á þessum tíma, en reglurnar gegn nagladekkjum hamla því, þannig að október er skyldu- slysamánuður. Nú bíða því nýleg nagladekkin í bílskúrnum á meðan slétt sumardekkin valda hættu fyrir borgarana, með valdboði að ofan til 31. október. Við sem ökum líka norður og vestur af og til vegna vinnunnar megum búast við því að fá 20.000 króna sekt fyrir að vera með rétt búin ökutæki nálægt heimskautsbaug að hausti.

Hvaða líkur skyldu vera á því að Borgartrúðurinn veiti undanþágu frá dagsetningunni ef færðin reynist slæm í október? Hverfandi, tel ég. Okkur er ætlað að ferðast um á reiðhjólum, stunda hrísgrjóna- og bananarækt og berjast gegn hlýnun jarðar. Semsagt hvað það sem fólk um miðbaug hnattarins tekur sér fyrir hendur.

Alhvít jörð og ófærð í Reykjavík

Línurnar skýrast í borginni

Niðurstaða skoðanakönnunar um flugvallamálið hefur eflaust átt þátt í ákvörðun Gísla Marteins um að hætta í stjórnmálum. Borgarskipulagið er líka heldur ekki í anda Sjálfstæðisstefnunnar, en hann studdi hvorttveggja, á meðan 92% Sjálfstæðisfólks vill láta völlinn vera í friði og langflestir kjósa að vera á bíl og geta lagt honum einhvers staðar nálægt áfangastað.

Rými fyrir Sjálfstæðisfólk 

Nú verður til rými fyrir frambjóðendur sem eru tilbúnir að fylgja stefnu Sjálfstæðisfólksins í landinu og í borginni, eins og fram kom á réttum vettvangi, landsfundi Sjálfstæðisflokksins. Þetta er ekki eins flókið og fólk heldur, að fulltrúar Sjálfstæðisflokksins fylgi þeirri stefnu sem Sjálfstæðisfólk setur því.

Ræður Latte- hópurinn? 

Nú er von til þess að fulltrúarnir fylgi markaðri stefnu, en enn streitast borgarfulltrúar flokksins við það að hlusta á þessi 8% sem vilja völlinn burt. Komandi prófkjör mun þá taka á því, nema að Facebook- lýðræði 101 Latte- SamBesta gengisins nái að koma sínum reiðhjólandi fulltrúum að, í stað þess að vera fulltrúar allra Reykvíkinga í öllum hverfum borgarinnar, sem þurfa að stunda sitt nám og sína vinnu bílandi og eiga jafnvel líf utan miðbæjarins. 

Hver er fulltrúi RÚV? 

RÚV greip gjarnan til Gísla Marteins sem fulltrúa Sjálfstæðisflokksins, enda skoðanir hans vel nálægt RÚV, Samfylkingunni og Besta flokknum. Líkt og Þorsteinn Pálsson og Ólafur Clausen voru jafnan kallaðir til í ESB- málum í nafni flokksins, þótt Sjálfstæðisfólk upp til hópa væri gegn ESB- aðild. Hverja skyldi Gísli Marteinn nú tala við sem fulltrúa flokksins? Það verður athyglisvert. 

Gísli Marteinn hættir í borgarstjórn

Léttur, hlaðinn auka- farsími

Frábært hjá Landhelgisgæslunni að bjarga manninum með því að miða út GSM. Þetta minnir mig á reglu sem ég held gjarnan í heiðri, að ferðast með auka- einfaldan, ódýran, hlaðinn farsíma í þéttum plastpoka, helst innan á mér vegna öryggis, en aðallega vegna kuldans á batteríið. Snjallsímavæðingin gerir það að verkum að ekkert verður kannski eftir af því álagsbatteríi snjallsímans þegar eitthvað kemur upp á, en hinn er bara til þess að tala í eða láta miða sig út.

Gott er að eiga frelsiskort í auka- símann, sem nýtist vel þegar hann er öllu jöfnu heima í eldhúsi, en þá geta krakkarnir og vinir hringt í það númer t.d. frítt hjá Nova án þess að eiga inneign. Svo er gott að hlaupa með létta símann til öryggis, maður finnur ekki fyrir honum.

Maður lendir í ákveðnum vítahring á fjöllum með snjallsímann: Gott er að hafa 112- appið og ýta á græna takkann  þegar lagt er í hann frá bíl og á lykilstað, en ekki læt ég GPS-ið verða virkt vegna batteríseyðslu. Kannski dugar að gera það virkt og svo óvirkt aftur, en í það ferli fer tími og batteríiseyðsla.

Alla vega, kaupið ykkur léttan, ódýran farsíma og frelsiskort. Ég er ekki á prósentum þarna!

Gæslan miðaði síma mannsins út

Fimm ára ferli

Fimm ár frá hruni í augum Íslendinga er eflaust nk. 6. október um kl. 16:12 þegar setningin var sögð: „Guð blessi Ísland“.   David Bowie gerði gott lag forðum, „Five Years“ sem er hér í tengli og textinn fyrir neðan. Þar er fimm ára örlagadómur jarðar og hvernig brugðist er við honum.

Lehman Brothers fallið er núna fimm ára. Heimurinn náði að fresta hruninu í fimm ár (en ekki við nema að hluta!).

Hlustið og horfið á David Bowie hér. Lagið hefur seiðandi mátt.

http://www.youtube.com/watch?v=louXPUW7tHU 

David Bowie:   Five Years

Pushing thru the market 
Square
So many mothers sighing
News had just come over, 
We had five years left to cry in

News guy wept and told us 
Earth was really dying
Cried so much his face was wet
Then I knew he was not lying

I heard telephones, opera house, favourite melodies
I saw boys, toys electric irons and T.V.'s
My brain hurt like a warehouse
It had no room to spare
I had to cram so many things 
To store everything in there
And all the fat-skinny people, and all the tall-short people
And all the nobody people, and all the somebody people
I never thought I'd need so many people

A girl my age went off her head
Hit some tiny children
If the black hadn't a-pulled her off, I think she would have killed them

A soldier with a broken arm, fixed his stare to the wheel of a Cadillac
A cop knelt and kissed the feet of a priest
And a queer threw up at the sight of that
I think I saw you in an ice-cream parlour
Drinking milk shakes cold and long
Smiling and waving and looking so fine
Don't think you knew you were in this song

And it was cold and it rained so I felt like an actor
And I thought of Ma and I wanted to get back there
Your face, your race, the way that you talk
I kiss you, you're beautiful, I want you to walk

We've got five years, stuck on my eyes
We've got five years, what a surprise
We've got five years, my brain hurts a lot
We've got five years, that's all we've got

Sérstaða fjármálaþjónustunnar

Spjaldtölvur barna eða fuglahús?

Á íbúafundi um Hofsvallagötuna benti einn ágætur maður frá Melaskóla á það, að spjaldtölvuvæðing skólans væri vænlegri en fuglahús, fánar og blómakerin í götuna. Hve margar spjaldtölvur fyrir börnin fást t.d. fyrir fuglahúsin og flöggin bráðnauðsynlegu upp á 3,5 milljónir króna, eða þá fyrir alla upphæðina?

Ég held að fylgismenn breytinganna ættu að hugsa um hvernig „Betri borg“ verður raunverulega til.

Breytingar á Hofsvallagötu dýrar

Vandamálaframleiðsla á færibandi

Nýja línan hjá borgaryfirvöldum er: bílinn burt. Í skipulaginu nú eru íbúðabyggingar sem rúma ekki þann bílafjölda sem þeim fylgir. Þar með skapast vandamál á svæðinu, en þar er núverandi borgarmeirihluti sérfræðingarnir, með aðstoð sumra úr minnihlutanum.

Fyrir utan það að íbúarnir hafa ekki nægilega mörg bílastæði, þá verður þjónusta á jarðhæð sem ekki er hægt að heimsækja, auk þess sem bílastæði þau sem voru fyrir á byggingarstaðnum hverfa. Arkitektar fá þá skipun frá borgarskipulagi að bílastæðum skuli fækkað, án hugsunar um það hvert bílarnir eigi að fara. Götur með bílastæðum eru leystar upp í frumeindir sínar eins og Hofsvallagatan með örfáum stæðum úti á miðri götu á meðal blómakassanna á heimskautsbaugnum.

Bílastæðum stúdenta er fækkað um mörg hundruð, en það dugir ekki til þess að hreyfa við þeim í að andmæla þessarri kúgunarstefnu.

Það hljóta að vera takmörk fyrir því hve mikil vandræði við leyfum þessum mistæku pólitíkusum að skapa langt inn í framtíðina. Andmælum þessari árás á samgönguval okkar hvar sem hún finnst, en aðallega í borgarskipulaginu sem núna liggur fyrir til samþykktar.

Hundruð íbúða rísa við gamla Slippinn

Íbúarnir fengu nóg

Fundurinn í dag um Hofsavallagötu- ævintýrið tók aðeins í hnakkadrambið á þeim sem ráða borginni núorðið og hafa lýst yfir stríði gegn bílandi þegnum sínum. Íbúarnir hafa strax fengið nóg af þessu tugmilljóna króna tilræði gegn öryggi borgaranna og umferðarflæði sem þessi vanhugsaða tilraun er. Framkvæmdin öll er lýsandi dæmi um það hvernig stjórn borgarmála á ekki að fara fram, allt frá svokölluðu samráði (sem ekkert er) til skortsins á skilvirkni, markmiða og sanngjarns tilgangs í aðgerðunum.

Facebook- lýðræði? 

Á Hofsvallagötunni kristallast baráttan á milli ídealistanna sem ráða en voru aldrei í raunverulegu kjöri eða kosningabaráttu (ss. Páll Hjaltason skipulagsstjóri) og íbúanna hins vegar, sem vilja fá frið fyrir þessum tilraunum Besta flokksins, Samfylkingar og Gísla Marteins & Co. Ráðist er á flest það sem virkar vel, án hugsunar um afleiðingarnar. Hofsvallagatan, bílastæði, bílaflæði, flugvöllur osfrv. Til hvers var þetta fólk (ekki) kosið? Er þetta afleiðing Facebook- lýðræðisins, þar sem hvaða Lúkasar- della sem er getur rokið upp, eignast sjálfstætt líf og jafnvel endað með óhæfri borgarstjórn eins og við sitjum uppi með í dag?

Umferðarflæði verður að haldast 

Samgöngustjóri rakti tölurnar, sem tala sínu máli: 10.000 bílar fóru um Hofsvallagötu án vandræða fyrir þessar breytingar. Um 72% fólksins í Vesturbæ sýndist mér ferðast á bílum til athafna sinna, en 5,9% á reiðhjóli, sem er óvenju hátt hlutfall. Þetta voru einmitt hlutföllin á fundinum, eftir klappinu og undirtektunum að dæma. Þessi þvingun snars minnihluta á ferðamáta stærsta hluta íbúanna væri jafnvel í lagi ef framkvæmdirnar væru síðan vitrænar. En af ótal ástæðum eru þær út í hött eins og margoft hefur verið rakið.

Glatað aðalskipulag 

En ofangreindir aðilar ætla ekki að sitja auðum höndum við það að tefja borgarbúa til frambúðar, minnka öryggi, auka stress og ala á andúð manna í milli: nei, þessi skandinavíski umhverfis- fasismi á víst að vera varanlegur um alla borg eftir 16. september 2013, þegar fresturinn til andmæla við glataðar aðalskipulags- tillögurnar rennur út.

Komum í veg fyrir að þessi ólög verði staðfest út um alla borg og frestum öllum meiriháttar aðgerðum til kosninganna næsta vor. Það er eina vonin til þess að eitthvað vit verði í breytingum á skipulagi borgarinnar, ef einhverjar ættu að vera.

 

 

 

 

Hitafundur um Hofsvallagötuna

Styðjum þá sem merkja matvæli vel

Loksins þegar góðar merkingar birtast á matvælum þá hrekkur fólk í kút og heldur t.d. að ákveðið sushi sé slæmt vegna merkinganna. En því er einmitt öfugt farið: þeir aðilar sem merkja innihald matvæla nákvæmlega hjálpa neytandanum við ákvörðun sína, en hinir sem gera það ekki eru yfirleitt að nota álíka efni en nefna þau kannski ekki. Sushi-ið sem vitnað er í í fréttinni er nokkuð gott.

Gæðavara (nema wasabi og soja) 

Sushi-ið sjálft sem um ræðir er líklega gæðavara, en wasabi og soja eru ótrúlega samsettar vörur, með endalausi innihaldi ýmissa efna. Ráðlegt er að takmarka notkun þeirra fyrir þá sem viðkvæmari eru fyrir ákveðnum efnum, eins og t.d. ég fyrir MSG, sem laumast inn víða án þess að vera getið.

Merkja hvert sérstaklega 

Merkingar á sushi- pakkanum sem um ræðir væru betri þannig, að innihald hvers fyrir sig væri rakið, þannig að neytandinn vissi hvað ætti að forðast. Þegar ég sá MSG- merkinguna á þessum pakka, þá velti ég fyrir mér hvaða stykki gæti verið með það.  Gjarnan er það í krabbalíki (Surimi), sem er samsett vara. Ég kaupi svona sushi áfram, en fæ mér ekki auka- wasabi og aðeins smá- sojasósu, ef einhverja. Laxinn er yfirleitt íslensk hágæðavara, en heitsjávarrækja í sushi er ekki merkileg hollustuvara, margfryst og efna- meðhöndluð.

Tökum almennilegum merkingum fagnandi. Upplýstir neytendur eru góðir neytendur. 

Varað við litarefnum í mat

10 km 2013 myndband

Hér er Youtube vídeó sem ég tók áðan af 10km hlaupurum í Reykjavíkur maraþoninu við uþb. 1,5km. Að vísu ekki af fyrstu keppendum, en mjög margir sjást á þessu 10 mínútna myndbandi. Ekki hlaða því upp í gegn um símareikninginn!

http://www.youtube.com/watch?v=PhBApcbTZx8&feature=youtu.be 

En hér er fyrri hlutinn, með hraðari hlaupurum, 36 sekúndur. 

http://www.youtube.com/watch?v=TVnFp08Y5Vc&feature=youtu.be 

Athugið: Hægt er að smella á „Settings“- hringinn á Youtube, smella á bestu 720p upplausn og síðan til hægri í „Full screen“, þá greinast andlitin þokkalega.

Kári Steinn og Helen fyrst í mark

Kvótinn í hendur þeirra sem ekki veiða

Núna á elleftu stundu fyrir upphaf næsta veiðiárs í rækjunni kemur ráðherra loksins upp með vísbendingu um fyrirkomulag kvóta í rækjunni, eftir að Steingrímur J. hafði rústað sumrinu með rækjuveiði- lokun sinni frá 1. júlí 2013, en það olli mörgum verulegum búsifjum, algerlega að þarflausu.

Óþurft Steingríms og gamli kvótinn 

Því miður ógilti Sigurður Ingi Jóhannsson sjávarútvegsráðherra ekki fyrirskipun Steingríms J. og rústaði þá hálfu sumrinu. Nú bætir hann svo í ófarnaðinn með því að halda við gamla kvótafyrirkomulaginu að 70% leyti, þar sem langstærsti hluti þess kvóta var í höndum þriggja stórra útgerðarfélaga, sem stunda ekki rækjuveiðar og hafa ekkert með þennan kvóta að gera núna. Sum höfðu fengið þennan kvóta í uppbót fyrir langalöngu vegna falls annarra tegunda.  

Miðjumoðslausn í stað uppstokkunar 

Þessi ráðstöfun er miðjumoðslausn, þar sem þeir sem hafa stundað rækjuveiðar sl. 3 ár í frjálsum veiðum og eru náttúrulegustu þegar nýs kvóta, fá einungis 30% kvótans, en það þýðir að hjá flestum þeirra borgar sig ekki að veiða eigin rækjukvóta, því að hann nægir ekki til rekstrarins. Því liggur fyrir að margir þeirra sem lögðu út í rækjuveiðar t.d. í fyrra eða í hitteðfyrra hafa tapað sinni fjárfestingu og þurfa annaðhvort að leggja út í kaup af gömlu kvótaeigendunum eða að játa sig sigraða.

Óarðbært 

Niðurstaða alls ofangreinds er líka sú, að rækjuverksmiðjurnar, sem eru meginstoðir nokkurra byggðarlaga, munu ekki fá nægilegt magn af íslenskri rækju inn til sín, eða amk. verður það enn óarðbærara að vinna rækju nú en áður, sem var þó tæpt fyrir. Samkeppnisaðstaða Kanada og Norðmanna eykst fyrir vikið, en Ísland líður fyrir þessar mistæku aðgerðir stjórnvalda.

Rækjukvóti á ekki við 

Síðan er það annar kapítuli, að kvóti í rækjuveiðum við þessar aðstæður, þegar veiðimagnið er aðeins 10% af því sem það var þegar það var mest, er alger mistök. Hafrannsóknarstofnun viðurkennir að lítið sé vitað um stöðu rækjunnar, enda skorti rannsóknir, en dæmir síðan út frá þeim lágu tölum, sem veldur því að ráðamenn telja sig gera rétt að fylgja þeim. Rækjan er lágt í fæðukeðjunni, ekki er hægt að geyma hana í sjónum í formi kvóta og afrán þorsks ræður mestu um stofnstærð, eins og rannsóknir hafa sýnt.  Veiðum meiri þorsk og höldum rækjunni uppi.

Nýr kafli upplausnar 

Nú hefst því annar kafli í rækju- kvótasögunni, þar sem útgerðaraaðilar verða að giska á útkomuna og hvort þetta fyrirkomulag haldist. Enginn er ánægður í raun, sem er aðall miðjumoðslausna, að reyna að fara milliveg sem er bara eins og á milli skips og bryggju. Annað hvort heldur maður sig í höfn eða siglir, annars fer maður beint í sjóinn.

  

 

Fá 30% fyrir frjálsar rækjuveiðar

Gnarrræðislegar ákvarðanir

Hér er tengill á grein mína áðan vegna Hofsvallagötunnar og þess gerfi- lýðræðis sem haft er uppi við svona gerræðislegar ákvarðanir.

http://astromix.blog.is/blog/astromix/entry/1309102/ 

Næstum hver einasti skrifar undir

Besti í bílastríði við borgarana

Besti flokkurinn og Gísli Marteinn, einn af jörlum hans, hafa blásið til bardaga við þá borgara sem voga sér að eiga og nota einkabílinn sinn áfram. Gerfi- samþykktarfundir eru haldnir til þess að láta eins og samþykki borgaranna liggi fyrir eftir þá fundi. Fundurinn á Hótel Sögu um árið vegna Hofsvallagötu ofl. átti að sýna fram á það að breytinga væri þörf á Hofsvallagötu en afar skiptar skoðanir voru um hjóladellubreytingar Gísla Marteins, enda var ekki hugsað um helstu vegfarendurna, íbúana á einkabílum sínum.

Verkefnið að stífla flæði 

Umferðarfræðingur sýndi t.d. að ákveðinn fjöldi bíla (um 7.000-10.000 á dag?) færi þarna um og yrði þá beint annað eða gerði umferð tregari, með vinnutapi og stressi. En bílfjendurnir voru ekki af reiðhjólabaki dottnir, heldur lýstu almennri samstöðu íbúanna í Vesturbæjarblaðinu og víðar. Síðan bættu þeir um betur og tóku bílastæði burt, á sama hátt og hjá stúdentum og í Borgartúni, hvar sem mikil þörf er á stæðum. Dýra (en góða) búðin sem við eigum að nota, Melabúðin, fær ekki lausnir á bílastæðavanda sínum eða íbúarnir þar í grennd, heldur er alls kyns fánastöngum raðað út á götuna endilanga. Íbúarnir fá þar á sig umferðarteppur, bílastæðaskort og ónæði að þarflausu, sem er eins og Jóhanna Sig. hefði fundið það upp. 

Aðalafsökunin fyrir þessari sólundun á peningum, tíma og orku íbúanna frá Bestu borgaryfirvöldum er að umhverfið verði vistvænna. Endurhugsa þarf (mis)notkun þessa orðs. Væn vist fyrir íbúa staðarins er að geta notið lífsins á þann hátt sem það kýs án þess að valda öðrum ónæði eða miska. Það kýs kannski að skjótast hingað og þangað um borgina að vild og við eigum að gera umferðarflæði þess áreynslu- og hættuminna. Í staðinn er þessum borgaryfirvöldum alveg fyrirmunað að aðstoða borgarana á þennan hátt, heldur beinlínis að þvinga þá til athafna sem teiknaðar eru upp í miðborgum Norður- Evrópu, þar sem ögranirnar eru allt aðrar. Hámark þvingunarstefnunnar birtist síðan í fyrirliggjandi Aðalskipulagi, þar sem bílastæði og bílaumferð eiga sannarlega ekki upp á pallborðið. 

Snaraukin hætta 

Aðförin að Hofsvallagötu minnir á Suðurgötu næst miðbænum, þar sem ökuleiðin inn í bæ var tekin af og settur hjólastígur í staðinn. Einnig var merkt fyrir hjól í malbikið í hina áttina og gangstéttin breikkuð. Þegar ég hef hlaupið þarna síðan á gangstéttinni, þá nota hjólreiðamenn hana, á meðan hjólastígurinn er auður. En umferðin beindist inn í örþrönga Tjarnargötuna, fram hjá leikskólanum og með bílum lagt á báða vegu. Hættan margfaldaðist og ónæðið jókst fyrir alla.

Hlutverk borgarfulltrúa er að vera til þjónustu fyrir íbúana, ekki að þvinga þá til eins eða neins. Þessi síðasta borgarstjórn verður vonandi sú síðasta af þessu tagi, þar sem sósíal- ídealisma er troðið upp á fólk allan daginn og leiðtoginn er trúður.

 

 

Boða íbúa á fund vegna Hofsvallagötu

Mútunum linnir

Nú þegar undið er ofan af ESB- aðildarferli VG/Samfylkingar er erfitt fyrir styrkþega að fá ekki 3.700 milljónir „að gjöf“ frá ESB. Þjóðin stefndi hraðbyri í betli- múturs- kerfi að Afríkönskum hættti þar sem fundin voru upp alls kyns verkefni sem ESB myndi borga, en það er einmitt batteríið sem aldrei heldur sig innan fjárlaga.

IPA- styrkir fyrir umsóknarlönd að ESB er eins óeðlileg ráðstöfun fjár annarra eins og hugsast getur. Það ferli fóstrar pólitíska spillingu og styrkja- hugsanahátt sem afbakar hagkerfin. Loksins skrúfast fyrir vitleysuna.

Semja um IPA í haust

Grunnur að traustum banka?

Ef kínverskir fjárfestar kaupa hlut Glitnis í Íslandsbanka verður kannski til banki eins og þeir verða bráðum, með alvöru eignastöðu og bakhjarla, ekki bara skuldugustu pappírstígrar sögunnar. Bönkum framtíðarinnar á ekki að leyfast að vera með lægsta hlutfall eiginfjár allra fyrirtækja. Kínverskir fjárfestar eru gjarnan með alvöru fé og framkvæmdavilja. Rammskuldugir skriffinsku- valdasinnar óttast slíkt mest og vilja að pólitíkin sín ráði.

Kínversk- íslenskur banki á Íslandi er jákvætt skref fram á við. ESB og Bandaríkin eiga eftir að horfast í augu við skuldir sínar og peningaprentun. Þörf er á alvöru peningum í djúpum vösum. Kannski koma þeir frá Kína.

Kínverjar vilja kaupa Íslandsbanka