Katla: Upplýsingastreymi ábótavant?

Jarðskjálftahrinan í Kötlu sl. nótt sýndi okkur hve öryggið er lítið í því upplýsingastreymi sem á að eiga sér stað vegna jarðhræringa í Kötlu. (Sjá aths. neðst: Vefurinn á Vedur.is slökkti á öllu streymi um jarðhræringar um leið og skjálftahrinan á milli kl. 02:00 og 03:00 átti sér stað í nótt). Upplýstir vegfarendur sem vilja ekki taka áhættuna á því að lenda í margföldu vatnsmagni Amazon- fljóts á Mýrdalssandi eða í fjallgöngu á Fimmvörðuháls fá hvergi upplýsingar um skjálftana, því að eina veitan er Veðurstofan, sem slekkur bara á þeim hluta vefsins sem sýnir jarðhræringar.

Vefurinn virðist bregðast vegna álags um leið og jarðskjálftahrina hefst. Ég fann enga aðra leið er til þess að nálgast skjálftaupplýsingarnar. Miðla ætti tækniupplýsingunum sjálfkrafa til annarra aðila líka til þess að kerfið bregðist ekki.

Líkur eru á því að næst þegar Katla gýs, þá verði engar upplýsingar að fá sem varað gætu við hættunni á komandi gosi í tæka tíð til þess að geta forðað sér af nánasta áhrifasvæði gossins, eða hreinlega ekki farið þangað. Atburðirnir sl. nótt staðfestu þá skoðun. 

 

Skjálftahrina í Kötlu

Stórar tölur, alveg billjón

Milljarður er þúsund sinnum meira en milljón. Flestir skilja stærðina milljón: nokkurra ára smábíll í krónum, laun í 1-4 mánuði eða hve oft maður segir krökkunum að hirða fötin af gólfinu. En milljarður er þúsund sinnum meira: þúsund smábílar, laun í 83 til 333 ár osfrv. Þess vegna kúpla langflestir heilanum úr sambandi þegar stórar tölur birtast, jafnvel í viðskiptafréttum fjölmiðla. Allt í einu er hægt að byggja lestarkerfi í Skandinavíu fyrir andvirði íbúðar Jóns Ásgeirs á Manhattan, eða andvirði tapsins á Fréttablaðinu. Lestarkerfið sem Kínverjar vilja byggja upp (Osló-  Gautaborg-  Kaupmannahöfn) myndi kosta 1580 milljarða (eða 1,58 milljón milljónir). Smá munur þar.

Eins er með ríkisfjármál eftir hrunið. Þýskir bankar lentu t.d. í yfir 3000 milljarða tapi á Íslandi, sem færðist ekki á fólkið (eins og hins vegar var gert í Grikklandi eða á Írlandi). Þetta eru laun allra vinnufærra Íslendinga í uþb. 50 ár. Það munar því um það fyrir ríkið, fyrir hönd þegnanna að standa á sínum rétti gagnvart kröfuhöfum, ekki gefa eftir.

Auk þess legg ég til að viðskiptaumræða í upphæðum verði að Amerískum hætti: Milljón, billjón, trilljón osfrv. Latína, 1-2-3, upp þúsundfalt í hvert sinn. Það er lógískara en ruglingur Evróskra vísindamanna sem kalla amerísku trilljónina billjón. Auk þess er talað um billjón (milljarð) á langflestum fjölmiðlum um heiminn. Bandaríkin skulda 14,3 trilljónir dollara. Ekki 14,3 billjónir.

Kínverjar hafa núna 3,2 trilljónir dollara tiltækar í lausafé til fjárfestinga. Ekki bara billjónir. Jóhanna Sig hefur kannski haldið það þegar hún neitaði að hitta Kínverjana í gær.

Kínverjar vilja byggja lestarkerfi í Skandinavíu

Lágir vextir í Evrulöndum: hugarburður

Jóhanna, taktu eftir þessum fréttum:  Grikkland 30%, Írland 20%. Það eru vextir 2ja ára skuldabréfa þessarra Evrulanda núna. Lágir vextir í Evrulöndum er þvílík mýta að engu tali tekur. Ítalía fer hækkandi, en þar munar um hvert prósent: Ítalska ríkið er skuldugra en Grikkland, Írland og Portúgal samanlagt. 

Hvert skuldabréf hjá hverri  þjóð hefur sitt skuldatryggingaálag og ávöxtunarkröfu. Markaðurinn ákvarðar raunvexti á hverjum stað, t.d. miðað við aðgerðir stjórnvalda. En það er þar sem markaðirnir eru „hreinir“. Nú er talað um „skítuga“ markaði eins og í ESB þar sem búast má við feikna- inngripum pólítíkusa hvenær sem er. Platpeningum er safnað í fjallháa bjargráðasjóði til bjargar jaðrinum, með þeim skilyrðum að þau lönd svelti skattpínd til eilífðarnóns. En fyrir vikið hækka vextir skuldabréfanna,  sem tryggir að þjóðirnar eigi ekki fyrir afborgun skuldanna.

Skortur á sameiginlegri yfirstjórn fjármála Evruríkjanna er vandamálið sem plagar Evruna og er í raun óyfirstíganlegt. Engar líkur eru á því að einstök ríki afsali yfirstjórn  ríkisfjármála til ESB, enda er yfirstjórn alls sem máli skiptir þá komin til Brussel, sem er borg í ríki án stjórnar, Belgíu.

Vandamál jaðarríkja Evrópu hafa færst inn að kjarnanum og nú skerpast línurnar: Frakkland átti að heita innsti kjarni Evrulanda með Þýskalandi, en nú breikkar bilið á milli þeirra tveggja, þar sem Frakkland fylgir Suður- Evrópu í skuldafargani. Eftir stendur Þýskaland með meirihluta þjóðar sinnar á því að Þýska markið verði tekið upp að nýju, í stað þess að moka í bjargarsjóði hrundra ríkja (eins og þýskur almenningur sér þetta). Það vill gleymast að uppruni skuldavandræðanna er einmitt hjá þýskum bönkum, en þeim tókst ætlunarverk sitt, að færa ábyrgðina á skuldunum yfir á einstakar þjóðir með hjálp IMF og ESB.

Ítalir láta reyna á skuldabréfasölu

ESB: „75% af fiskistofnum okkar eru ofveiddir“

Nú birti ESB nýja fiskveiðistefnu en staðfestir að sú gamla brást. Sameiginleg fiskveiðistefna ESB hefur verið í gildi í 28 ár, en Maria Damanaki, sem fer með  sjávarútvegsmál í framkvæmdastjórn ESB kveður stefnuna hafa brugðist.  Hún segir:

„Um ofveiði er að ræða: 75% fiskistofnanna eru ofveiddir og samanburður við aðrar þjóðir í þessum málum kætir okkur ekki. Við verðum að breyta okkar háttum. Ég tala hreint út- við höfum ekki efni á að halda lengur áfram eins og ekkert hafi í skorist, vegna þess að fiskistofnarnir hafa virkilega hrapað.“

 

Samkvæmt ESB- framkvæmdastjórninni, þá eru fiskistofnar Miðjarðarhafsins ofveiddir um 82%, en 62% í Atlantshafi.

Tillaga Damanaki er að veiðiflotum verði tryggður framseljanlegur kvóti í amk. 15 ár og brottkast verði bannað.

 

Trúir einhver Íslendingur því að ESB geti núna haldið aftur af stærstu ofveiðiþjóðum sínum (eins og Spáni, sem er í römmum efnahagsörðugleikum), frekar en sl. 28 ár? Í ESB myndi kvóti Íslendinga líklega skiptast á 29 þjóðir, en fiskistofn þeirra sjálfra er hruninn skv. framkvæmdastjórninni sjálfri!

 

En við fengjum þó alltaf möguleika á því að greiða í björgunarsjóð Evruríkja, til bjargar Grikklandi, Portúgal og Írlandi, sem þáðu „björgun“  en eru öll komin í ruslflokk.

 

Sá eða sú sem leggur enn til að Ísland gangi í ESB núna, fylgist ekki með erlendum fréttum, að hætti forsætisráðherranns ykkar.

Sissú

Sigþrúður Pálsdóttir (Sissú) systir mín og aldavinur lést nýlega af krabbameini. Útförin hennar verður frá Hallgrímskirkju fimmtudaginn 7. júlí kl. 15:00. Hér birti ég í myndaalbúmi nokkrar myndir úr lífi hennar, en fjölga þeim von bráðar.

Hér er gömul videókveðja frá Sissú á Skagaströnd.

Hér er tengill á www.sissu.com (ath.Flash Player gengur ekki í Apple- vörur). Stillið síðan á fullan skjá neðst til hægri í reitnum.

Hér er tengill á UMMIS kynningu á Sissú.

Hér er tilkynning:

Ástkær móðir mín, amma okkar, systir og mágkona

Sigþrúður Pálsdóttir – Sissú myndlistarmaður,
sem lést fimmtudaginn 30. júní, verður jarðsungin frá Hallgrímskirkju fimmtudaginn 7. júlí kl. 15:00. Blóm og kransar eru vinsamlegast afþakkaðir, en þeim sem vildu minnast hennar er bent á reikn. 137-26-2254 kt. 221154-4449.

Sunna Guðrún Eaton, Frosti Eaton, Freyja Eaton, Freyr Eaton og Max Rúnarsson.

Hlöðver (Jack) Hills	Cindy Hills
Stefán Pálsson	Guðrún Jónsdóttir
Sesselja Pálsdóttir
Páll Arnór Pálsson	Ragnheiður Valdimarsdóttir
Signý Pálsdóttir	Árni Möller
Þórunn Pálsdóttir	Þorsteinn Pétursson
Anna Heiða Pálsdóttir	Hilmar Ævar Hilmarsson
Ívar Pálsson	Gerður Thoroddsen

Jóhanna Sig, martröð Jóns Sig.

Jóhanna Sig. telur að hún geti látið draum Jóns Sigurðssonar rætast, á meðan hún vinnur að martröð hans, ósjálfstæði Íslands. Yfirleitt velur hún 17. júní  til þannig myrkraverka. Árið 2009 reyndi hún að halda upprunalega Icesave-  þjóðarafsalinu leyndu fyrir Alþingi og þjóðinni, en tókst ekki.  Árið 2010 kom hún því til leiðar að ESB samþykkti á 17. júní að hefja „formlegar viðræður“  við Ísland um aðild að ESB, þannig að martröð Jóns Sig. yrði raunveruleg.

 

Enn er hún að

Núna í ár þá heldur Jóhanna sig við sinn keip um þetta leyti: Fyrstu kaflarnir í „samningaviðræðum“ ESB og Íslands verða opnaðir innan nokkurra daga. Forsætisráðherra Íslands, sem aðhyllist stjórnarskrá ESB, Lissabon- „samkomulagið“,  telur viðeigandi að minnast á Jón Sigurðsson og draum hans um stjórnarskrá Íslands, eins og hún stefni að þeim draumi.  Öðru nær, aðalástæðan fyrir stjórnarkrárbrölti Jóhönnu Sigurðardóttur er sú að hún vill gera framsal fullveldis mögulegt, en það stenst ekki núverandi stjórnarskrá. Því vill hún fella niður stjórnarskrárbundnar fullveldisvarnir Íslands til þess að ESB geti sett vald sitt ofar öllu íslensku valdi. Síðan vogar hún sér að minnast á draum Jóns Forseta, þegar vegferð hennar er martröð hans holdi klædd.

 

Gleðilega þjóðhátíð, Íslendingar! Látum þessa ekki verða þá síðustu.

„Þjóðin er ekki til handa embættismönnum sínum, heldur eru þeir handa henni...“ 

Jón Sigurðsson, “Hugvekja til Íslendinga“  1848.

Draumur Jóns um stjórnarskrá

Myndir frá Maraþoni í slyddunni

Nokkrar af myndum mínum frá Vormaraþoni Félags Maraþonhlaupara í slyddunni morgun fylgja hér til vinstri í albúmi (Reykjavik Spring Marathon photos). Bleytan gerði manni erfitt fyrir, vegna hræðslu við að bleyta vélina, en takið viljann fyrir verkið!  Smella þarf aftur á hverja mynd til þess að stækka hana, jafnvel oft. Ég bæti svo smávegis inn í viðbót með tímanum.

Allar myndirnar eru síðan í öðru albúmi, en erlendu (með erlendu niðurhali, en léttar myndir). Athugið að ef fletta þarf á næstu síðu, þá er það neðst til hægri í valmyndinni.

Allur réttur er áskilinn vegna myndanna (ÍP).

Órólega deildin

Rólegheitaferð?: Marokkó, Alsír, Túnis, Líbýa, Egyptaland, Gaza/Palestína, Ísrael, Jórdanía, Saudi- Arabía, Írak, Sýrland, Líbanon, Tyrkland, Grikkland.

 

Allt á suðupunkti.

 

(Smellið þrisvar á kortið fyrir fulla stærð)

Sprenging í Marokkó

Fullreyndar samningaleiðir

Stundum er ekki hægt að vinna í sátt með málin. Fullreynt er hjá Hönnu Birnu, faglegri sáttamanneskju Íslands nr. 1, að hjálpa þessum bráðfyndna brandarahópi að reka höfuðborgina með sæmd. Borgarkerfið getur tekið ýmsum áföllum, en ekki Gnarr &Co sem leiddir eru af Samfylkingu fram af björgum.

Óhamingju Íslands verður allt að vopni, með þetta fólk yfir borginni. Nóg er með ríksstjórnina svokölluðu. Hvað þarf til þess að koma þessu gengi frá þannig að fólk njóti eðlilegs lífs?

Hættir sem forseti borgarstjórnar

Evrukrísan magnast við finnsku úrslitin

Sigurvegarar finnsku þingkosninganna, „Sannir Finnar” með Timo Soini í fararbroddi, valda ESB og Evrusinnum verulegu hugarangri með því að rúmlega fjórfalda sitt fyrra fylgi. Sannir Finnar aðhyllast hefðbundin gildi, varkárni í innflytjendamálum og ákveðni gegn útbreiðslu Múhammeðstrúar. En helsta fylgisaukningin og það sem veldur ESB áhyggjum er staða Sannra Finna gegn Evrunni, ESB- ofstjórn og „björgunar“- lánum ESB sem Grikkland og Írland hafa fengið og til stendur að lána til Portúgal og auka upphæðirnar til allra þriggja. Finnland getur beitt neitunarvaldi sínu til þess að stöðva svona bjargráð fyrir aðrar þjóðir, þar sem finnska þingið verður að samþykkja slíkt til þess að það megi fram ganga.

 

Miðjan tapar, and-ESB sækir víða á

Mjótt er á mununum, þetta veltur kannski allt á einu prósenti hvort Sannir Finnar verða efstir eða næst- efstir í þingkosningunum. En Miðflokkurinn (ESB- sinnar) tapar langmestu. Fyrir liggur að hreyfingin er í þessa átt. Þjóðernissinnaðir flokkar vaxa í Danmörku, Svíþjóð, Hollandi, Belgíu, Austurríki, Ítalíu og Frakklandi. Líka á Íslandi. Þjóðirnar sem best standa  koma helst til með að greiða þessa „björgunarpakka“ í Evrulöndum. Þær standa því gegn pökkunum og ESB- sósialdemókratískir miðjuflokkar missa fylgi vegna þessa. En Grikkland og Írland, þjóðirnar sem pökkum bankanna er þröngvað upp á eru ekki hrifnari og felldu þær ríkisstjórnir sínar sem kölluðu þau ósköp yfir þær.

 

Útleiða leitað

Vinstri ESB- ríkisstjórn Jóhönnu Sigurðardóttur hefur ítrekað reynt að þröngva þjóðinni til þess að taka ábyrgð á einkabankaskuldinni Icesave en tókst ekki. Hún vill samt enn þröngva okkur inn í ESB með öllum ráðum á meðan Evruþjóðir flykkjast að brunaútganginum í stórbruna falsvonanna. Tökum ómakið af hollenska fjármálaráðherranum sem vill hafna umsókn Íslands að ESB og krefjumst þess öll sem eitt að þeirri vitleysu linni nú þegar.

 

PS: Stöð 2 greindi frá finnsku kosningunum en sagði einungis að Sannir Finnar stæðu gegn innflytjendum! Augsýnilega er stórsigur ESB- andstæðinga ekki vinsæll á þeim bæ!

Ítarlegra lesefni á ensku og á sænsku:

http://www.rte.ie/news/2011/0417/finland.html

Europe watches as Finland goes to polls

http://www.guardian.co.uk/world/2011/apr/15/eurosceptic-true-finns-contender-finnish-election

Eurosceptic True Finns party surprise contender in Finnish election

http://www.bbc.co.uk/news/world-europe-13107620

EU bail-out nerves as Finland holds general election

http://www.aftonbladet.se/nyheter/article12896193.ab

"Vi är valets stora segrare"

 http://www.ft.com/cms/s/0/aeed63d4-68d6-11e0-9040-00144feab49a.html#axzz1JoUxorlZ

Finnish poll turns on anti-euro feeling  (ATH: FT krefst innskráningar)

 

Úr Guardian- fréttinni 17/4/2011:

“The campaign has highlighted the impact of the year-long crisis of the euro single currency sparked by sovereign debt emergencies among the weakest of its 17 members. The euro crisis has felled two governments – in Ireland and Portugal, sapped support for chancellor Angela Merkel in Germany, and triggered bailouts of Greece, Ireland, and Portugal to the tune of €270 bn (£239bn). Soini has run a popular campaign threatening to block the Portuguese bailout, sparking alarm in Brussels and elsewhere. The National Coalition party, tipped to supply the next prime minister, voiced confidence on Friday that Finland would not veto the Portuguese rescue. But Soini has won support by regularly insisting that hard-working Finnish taxpayers should not be shelling out to prop up failing economies elsewhere in the eurozone.”

FT 17/4/2011:

Concern has mounted in recent weeks that a strong showing by the True Finns could disrupt efforts to tackle the eurozone debt crisis because Finland, unlike most eurozone countries, requires approval from its parliament to take part in EU bail-outs.

FT 15/4/2011:

As we’ve chronicled in the FT for several months, the once safely pro-EU Scandinavian country has seen an incredible surge in support for the populist True Finns party, which has run on an avowedly anti-euro and “no more bail-outs” platform. A victory for the party, led by MEP Timo Soini, could throw a huge wrench into EU efforts to rescue Portugal.

Ljóst að við höfum sigrað

Skýrt svar frá Bjarna Ben.?

Nú þegar mistökin með Icesave (sem Forsetinn bjargaði fyrir horn) eru að baki, þá kemur stóra spurningin sem ég mun spyrja Bjarna Benediktsson formann á fundi Sjálfstæðisflokksins í Valhöll á eftir: Munt þú berjast fyrir því strax að aðlögunarferli Íslands að ESB verði hætt og umsóknin dregin strax til baka? Ef svarið er nei, af hverju í ósköpunum ekki?

 

Skýrt svar vantar

Ástæður þess að svona er spurt eru m.a. þessar: Á Icesave- fundum (líka Icesave 1) spurði ég og fleiri Bjarna Ben. hvort hann myndi hafna samningunum í samræmi við landsfundarályktunina. Ekki fékkst hann til þess, eins og kom berlega í ljós síðar. Á álíka fundum hef ég og aðrir spurt formanninn hvort aðildarumsóknin að ESB yrði dregin til baka ef Sjálfstæðisflokkurinn kæmist að. Ekki fékkst hann heldur til þess að staðfesta það, þótt ljóst sé að langflestum flokksmönnum þyki þessi vegferð ekki tímabær lengur og Bjarni jánkar því raunar líka.

 

ESB- aðlögun að vandræðum

En af hverju þá ekki að hætta þessum ESB- eltingarleik strax, sem er langt frá því að hafa stuðning þjóðarinnar og meir að segja varla þingsins, með allan sinn Euro- sósíalisma? Þarf frekari vitnanna við? Nóg um öll vandræðin hér. Er ekki nóg að sjá ávöxtunarkröfu grískra 2ja ára ríkisskuldabréfa ná 18% í gær? Eða að sjá Moody´s fella Írland um tvo flokka í lægsta fjárfestingarflokk? Eða vexti á 10 ára ríkisskuldabréf Portúgals um 9%? Hver heldur að þessi þrjú ríki nái að borga skuldir sínar? Enginn, ef svona heldur áfram.

 

Evran: Myllusteinn um háls jaðarlandanna

Skjólið í Evrunni er minna en af blæösp í stormi. Grikkland sker sig niður við trog og selur allt sem hönd á festir, símafélög, orkumiðlanir, gasfélög,  flugvelli, spilavíti og hvaðeina. Evrópusambandið vill ekki hleypa Grikklandi í niðurskurð skulda, því að annars verður keðjuverkun í brothættu umhverfi bankakerfisins á Evrusvæðinu, eins og Olli Rehn orðaði það. Hann var eitt sinn stækkunarmálastjóri ESB en er núna Commissioner í gjaldmiðlum og peningastefnu. Smá tilvitnun í hann hér frá því í fyrradag:

Commissioner Olli Rehn - The Brookings Institution - Washington, 14 April 2011

"The euro is not just a technical monetary arrangement, but rather the core political project of the European Union.  As such, it is a symbol of our political will and determination to work together for our common good. That is a further reason why it is worth taking Europe seriously when we say that we are ready to do whatever it takes to defend the euro and financial stability in Europe."

http://ec.europa.eu/commission_2010-2014/rehn/index_en.htm

 

Stýrivestir ESB miðast við stóru vaxtarlöndin, aðallega Þýskaland og eru því hækkandi, til varnar gegn verðbólgu þar. Niðurstaðan er hrun smærri jaðarlandanna.

 

Íslenska leiðin er eina leiðin

 

Íslandi hefði aldrei verið leyft að setja neyðarlögin og skera burt amk. 7000 milljarða króna bankaskuldir ef við hefðum verið í ESB, hvað þá með Evruna sem gjaldmiðil. Stærstu bankar Evrópu, ESB- pólitíkusar og stjórnmálamenn 27 Evrópulanda hefðu sameinast um að hengja okkur í hæsta gálga einkabankaskulda sem alvarleg aðvörun um það hvað gerist ef einhver þjóð óhlýðnast og vill reyna að hysja upp um sig og bjarga sér sjálf eftir að buxurnar eru komnar niður á hæla, heldur en að beygja sig bara fram.

Nú fer ég að fara á fundinn í Valhöll. Meira um Evruna og ESB fljótlega.

 

Hér eru nýjar greinar til umhugsunar:

Euro Doesn't Fly With All the Voters

http://online.wsj.com/article/SB10001424052748703983104576262853895806300.html

Strong currency threatens Ireland, Portugal

http://online.wsj.com/article/SB10001424052748704547804576260852091216660.html

Greece outlines five- year austerity plan

http://online.wsj.com/article/SB10001424052748704628404576264621263907828.html?mod=WSJEurope_hpp_MIDDLTopStories

Moody‘s downgrades Ireland

http://online.wsj.com/article/SB10001424052748704628404576264094193235416.html?mod=WSJ_article_MoreIn_Europe

Moody‘s cuts Irish ratings two levels as government stuggles to plug gap

http://www.bloomberg.com/news/2011-04-15/moody-s-cuts-irish-rating-two-levels-as-government-struggles-to-plug-gap.html

Germany floats Greek restructuring as Papandreou pushes cuts

http://www.bloomberg.com/news/2011-04-15/germany-floats-greek-restructuring-as-papandreou-pushes-cuts.html

Tvöfaldur hausverkur af aðild Íslands að ESB

SIF & Co. í ESB-flokk

Sif Friðleifsdóttir hefur núna gegnið alveg út á plankann í ESB- ást sinni. Ýmsir Sjálfstæðisflokks- kjósendur hugleiddu að kjósa Framsókn vegna Icesave- framgöngu Bjarna Ben & Co, en afstaða Sifjar og félaga kemur helst í veg fyrir flæði óánægjukjósenda frá XD í XB.

ESB- sinnar fást ekki yfir í einn flokk nema með kosningum. Í kosningum síðustu ára var fólk látið halda að hægt væri að „sjá hvað er í ESB- pakkanum“ en nú sjá það flestir og að ESB- flokkurinn er Samfylkingin sem tapar fylgi til jafns við hrun sósíalemókradíska Evrópumódelsins.

Kosningar myndu skerpa línurnar sem þörf er á, svo að við getum öll undið okkur í það sem máli skiptir á Íslandi. Sif, Þorgerður Katrín & Co mynda þá líklegast ESB- flokkinn sem koma mun til bjargar með Evruna af krafti eins og á Grikklandi, Írlandi og í Portúgal!

Eru Siv og Guðmundur á útleið úr Framsókn?

Forsetinn fremstur

Hreykinn horfði ég á Bloomberg- sjónvarpið í morgun. Hér er lýsingin.

Ömurleg frammistaða Moody's

Forsetinn snýr vörn í sókn

Forseti Íslands, Ólafur Ragnar Grímsson, stóð sig enn eins og hetja gegn villandi Icesave- upplýsingum á Bloomberg- viðskiptasjónvarpsrásinni klukkan níu í morgun. Þessi talsmaður Íslands númer eitt gerir sannarlega sitt til þess að lágmarka þau neikvæðu áhrif sem ummæli og upplýsingar Jóhönnu Sig. og Seðlabankastjóra hafa haft út á við í viðskiptaumhverfi  Íslands. Sem fyrr reyndi spyrilinn að mála skrattann á veginn (að hætti forsætisráðherrans), en Forseti vor stóð keikur til varnar.

Ef kaupa þyrfti álíka varnarauglýsingu þá væri verðið í tugum milljóna króna. Embættið borgaði sig amk. fyrir árið, bara í morgun.

 

 En Jóhanna Sig. forsætisráðherra sagði í fyrrakvöld:

“This matter will now be settled in the European Free Trade Association’s court,” Prime Minister Johanna Sigurdardottir said in comments broadcast by RUV, immediately after the first results were published. “We will, of course, defend Iceland’s interests vigorously in this matter. I fear a court case very much.”

Vonsvikinn vegna Icesave

Hvað eiga þeir sameiginlegt?

Ben Ali, Mubarak, Gaddafi og Gbagbo eiga eitt annað sameiginlegt en að vera „miklir“ leiðtogar: Allir hafa þeir reynt að hanga á völdum eins og hundur á roði. Þjóðir þeirra mega grillast eins og grís, hægt yfir eldinum  á meðan þeir kría út annan dag við völd, sama hvernig ástandið er.

Þetta gæti aldrei gerst á Íslandi, eða hvað?

Þora ekki í kosningar

2 á móti 1 í XD og XB

Tveir á móti einum kjósendum Sjálfstæðisflokks og Framsóknarflokks ætla að hafna Icesave III (skv. skoðanakönnun Fréttablaðsins birtri 8.apríl 2011). Þetta gerist þrátt fyrir útspil forystu Sjálfstæðisflokksins. Vinstri græn virðast ætla að fórna málstaðnum með Steingrími J. með 73,8% jái til þess að halda Samfylkingar- ríkisstjórninni gangandi í einhverja daga enn.

Samkvæmt skoðanakönnuninni virðist því Sjálfstæðisfólk og Framsóknarfólk trútt sannfæringu sinni, óháð undanbrögðum sumra forystumannanna, en kjósendur Vinstri grænna gáfust upp á hugsjónunum og siðfræðinni upp til hópa, líklega til þess að halda Steingrími „J.-beygju“ við völd.

Samfylkingin? ESB er stefnan, Icesave- samþykki er viðeigandi lykill til þess að opna hliðið að ósamstæðasta þjóðaskuldabatteríi sögunnar, ESB. Þitt er valið í dag.

 (Smellið þrisvar á myndir til þess að ná fullri stærð þeirra)

 

Mjög mikill kjörsókn