CO2 kvótinn er verri en hinn kvótinn

Nú birtist nýja kvótaskrímslið með öllu sínu óréttlæti. Áður var það hafið okkar, núna er það loftið. Ég varaði við þessum ófögnuði síðast í lok júní í grein minni hér, en Blaðið birti frétt í dag um ætlaða skiptingu CO2 kvóta Íslands til ársins 2012. Ég veit að þetta er óspennandi, en ekki hætta að lesa. Enn er tími til þess að beita ráðamenn hér þrýstingi til þess að kveðja þennan Kyoto- pakka svo að Ísland geti um frjálst höfuð strokið. Í byrjun desember 2007 verður þetta síðan allt geirneglt á Balí í Indónesíu og þá verður ekki aftur snúið í vitleysunni. Nákvæmari úttekt mín er tilbúin og birti ég hana von bráðar.

Skipting loftsins: kvóti til stórfyrirtækjanna 

En hugsum um það á meðan hvaða réttlæti er í þessu. Búið er að breyta loftinu í verðmæti, sem ráðuneyti skipta upp á einstök fyrirtæki, engin lítil sprotafyrirtæki. Heildarkvótinn er þegar of lítill, af því að Ísland var of hreint árið 1990. Ekkert rúm er fyrir nýja starfsemi. Þau stórfyrirtæki sem voru með starfsemi eða eru að byrja á þessum lykilárum fá kvóta. Einungis þau fyrirtæki sem fá kvóta geta í raun keypt kvóta, því að þau deila heildarkvótaverðinu niður á allan kvóta sinn, eins og stóru sjávarútvegsfyrirtækin með fiskkvótann. Fyrirtæki sem hljóta mesta náð fyrir nefndinni fá mestan kvóta. Verðmæti kvóta mun ákveða verðmæti fyrirtækja. Svona heldur þetta áfram. Þegar milljarðatuga hagsmunir eru komnir í hendur einstaklinga í ráðuneytum, þumallinn upp eða niður í stað þess að hagkvæmni, samkeppni og skynsemi ráði, þá erum búin að vera.

Frá umhverfissinnum til erlendra álfyrirtækja

Umhverfissinnar fóstruðu þetta skrímsli, en munu ekki vilja kannast við það þegar það kemst á táningsárin og sönn ásjóna þess kemur í ljós. Gleypir allt, heftir framfarir og eykur spillingu í algeru tilgangsleysi. Byltingin étur börnin sín. Tilgangurinn er víst að kæla heiminn, en það er deginum ljósara að hann kólnar ekki við þetta, enda á hann ekki að gera það. Á skal að ósi stemma.  Hjálpumst öll að við  það að  kveða þennan draug niður.

Losunarheimildir verða ókeypis

Grikklandsmyndir

Myndir og fleira vegna Grikklandsbrunanna er hér í fyrra bloggi mínu.

Dregur úr eldunum í Grikklandi

Grikkland brennur

Það er sárt að sjá Grikkland brenna. Við hjónin heimsóttum það í hitteðfyrra þar sem ég tók þessa mynd af friðsælu eyjarþorpi.

 

 

 

 

 

 

 

 

Nú eru viðlíka þorp í suðurhluta landsins að fuðra upp í skógareldunum miklu, ss. Makinos á þessari mynd.

 

 

 

 

 

Umfang brunanna er með endemum mikið. Hér sést dreifing eldanna og reykurinn, séð frá gerfihnetti NASA.

 

 

 

 

 

 

 

Eldarnir hafa gjarnan kviknað á nóttunni, sem gæti verið ein meginástæðan fyrir umræðunni um hryðjuverk.

 

 

 

 

 

Á einum sólahring kviknuðu 79 eldar. Íkveikja er því líkleg þar.

 

 

 

 

 

 

 

Vonlítið er að berjast við eldana vegna ógnarþurrka, hita og vatnsleysis.

 

 

 

 

 

 

 

Tjónið er yfirþyrmandi.

 

 

 

 

 

 

 

Á augabragði hverfur skógur sem er eflaust á við margfalda alla skógrækt Íslendinga frá upphafi og næstu áratugina.

 

 

 

 

 

 

 

Þessi mynd okkar hér að neðan frá Grikklandi er ekki óskýr vegna reyksins, heldur er sólkrem á linsunni (sem betur fer?).

 

 

 

 

 

 

 

 

Í asnaskap mínum tel ég að atburðir eins og Grikklandseldarnir og reglulegir skógarbrunar af mannavöldum  Indónesíu séu af þeirri stærðargráðu að tilburðir okkar Íslendinga til kolefnis- þetta og koltvísýrings hitt séu bara eins og miga upp í vindinn. Það rýkur allt í andlitið á manni.

 

Fullt tungl í Fiskamerki

Tunglið er fullt og flott, færir sig í Fiskamerkið kl. þrjú í nótt 28/8. Ég tók þessa mynd kl. 22:40 í Skerjafirði með stafrænni vél í gegn um stjörnukíki. Það þurfti ekki að slökkva á bænum, þetta var skýrt. Best að fara út að spangóla.

Klikkið tvisvar á myndina til þess að ná fullri stærð.

Greinasafn um banka og krónu

Greinarnar mínar um banka og krónu eru fullmargar, 22 talsins. En aðal- réttlætingin er sú að reynt er að benda á þá þætti sem bankafólk og fréttafólk vill ekki taka almennilega á. Margt hefur síðar reynst rétt sem þar er sagt, en enn hvet ég aðra til þess að skoða slík mál vökulum augum, svo að almennileg umræða skapist. Sérstaklega á þetta við núna þegar von er á frekara gengisfalli, fasteignafalli og verðbólgu. Ég lofa þá að reyna að vera stuttorðari!

Greinar um banka, krónu og efnahagsmál frá upphafi bloggsins: 

6/3/2007 Fall Íslands http://astromix.blog.is/blog/astromix/entry/139240/

9/3/2007 Hver borgar vextina? http://astromix.blog.is/blog/astromix/?offset=48

11/3/2007 30.000 krónur á mínútu allt árið http://astromix.blog.is/blog/astromix/entry/145566

19/3/2007 2006 gaf þeim 3 milljarða http://astromix.blog.is/blog/astromix/entry/151005/

29/3/2007 Háa vexti og framkvæmdaleysi http://astromix.blog.is/blog/astromix/entry/161305/

3/4/2007 Augljóst hvert Moodys stefnir http://astromix.blog.is/blog/astromix/entry/165985/

11/4/2007 Enn of örlátt, segja Bretar http://astromix.blog.is/blog/astromix/entry/173588/

13/4/2007 628 milljarðar. Bilun. http://astromix.blog.is/blog/astromix/entry/175941/

16/5/2007 Vextir lækka ekki  http://astromix.blog.is/blog/astromix/entry/212149/

25/5/2007 Stöðugt ástand?  http://astromix.blog.is/blog/astromix/entry/221080/

27/6/2007 Nóg komið af Jenum? http://astromix.blog.is/blog/astromix/entry/249630/

5/7/2007 Allir bankar ánægðir  http://astromix.blog.is/blog/astromix/entry/255606/

20/7/2007 Bankadómínókubbar http://astromix.blog.is/blog/astromix/entry/266832/

27/7/2007 Áhættuflótti heimsmarkaðar hefst fyrir alvöru http://astromix.blog.is/blog/astromix/entry/271726/

5/8/2007 6% fall krónu er góð byrjun  http://astromix.blog.is/blog/astromix/entry/278321/

10/8/2007 10% gengisfall veldur verðbólgu  http://astromix.blog.is/blog/astromix/entry/283751/

15/8/2007 Áhættan jókst fjórfalt http://astromix.blog.is/blog/astromix/entry/286908/

16/8/2007 Jenið styrkist um 25%  http://astromix.blog.is/blog/astromix/entry/287930/

16/8/2007 Eru veð bankanna traust? http://astromix.blog.is/blog/astromix/entry/288142/

17/8/2007 Staðfest hvað stýrir krónunni http://astromix.blog.is/blog/astromix/entry/288913/

17/8/2007 Efnahagsmál af viti http://astromix.blog.is/blog/astromix/entry/289096/

21/8/2007 Upphaf afleiðinga http://astromix.blog.is/blog/astromix/entry/291536/

Upphaf afleiðinga

Nú stendur ekki steinn yfir steini lengur í vaxtamunarviðskiptum. Áhættuflótti, gríðarflökt gjaldmiðla og snarhækkaður kostnaður valda því að pappírar í ætt við krónubréf verða ekki endurnýjaðir. Nýja Sjáland, sem er með næsthæstu stýrivexti (8,25%) á eftir Íslandi í hópi Aaa flokkaðra þjóða, lenti núna í því að fjárfestar færðu sig úr "krónubréfum" þeirra yfir í annað öruggara. Við erum í sama báti og andfætlingarnir hvað þetta varðar, en íslenski markaðurinn virðist enn hanga á því vonar- hálmstrái að endurnýjun muni eiga sér stað á örlagadögunum í september, þrátt fyrir það nú sé deginum ljósara að allur hagnaður sé farinn úr þessum viðskiptum og líkur á tapi íslensku bankanna vegna þeirra séu jafnvel verulegar.

Eignir falla, vextir hækka

Kaupendur að skuldabréfum fyrirtækja finnast varla og hefur lausafjárskortur valdið eignasölu, sem kemur af stað verðfalli eignanna. Útlánaöfgarnar voru það miklar, að pendúllinn á heljar- baksveiflu eftir áður en hann nær hinum öfgunum, algerri áhættufælni. Þótt fréttir berist okkur jafnhratt og öðrum þjóðum, er samt jafnan einhver töf á því að íslendingar almennt horfist í augu við ástandið. Vextir bankanna hækka, en allt kemur fyrir ekki. Enn seldust almennar fasteignir hér á uppsprengdum verðum nýlega. Því hlýtur að vera lokið núna, þegar flettist ofan af afleiðingunum.

Glitnir hækkar vexti á íbúðalánum

Efnahagsmál af viti

Þau ykkar sem hafa áhuga á vitrænum samræðum um efnahagsmál ættu að fylgjast með þessu fólki á viðskiptasíðu malefnin.com, helst Jóhannesi Birni en einnig eru þar t.d. Salka, Gangleri, Vinni og Gordon Gekko. Gegnumgangandi umræðan um "Áhættusjóði á hálum ísi" finnst mér yfirleitt áhugaverðust, sérstaklega núna, þótt sumum þyki hún full- tæknileg. Eitt sinn var þar rætt um fáranlega villu í skrifum mínum, sem ég leiðrétti ekki fyrr en nokkru síðar þegar ég sá þá umræðu þarna. Vandamálið er það hve fáir koma með athugasemdir um þessi mál á Moggablogginu. Kannski er ég t.d. að vaða í villu og svíma um eitthvað sem vekur áhuga minn, en þau sem þekkja etv. betur láta mann bara reika um heiðarnar, án þess að leiða mann til byggða. Vonlaust er að fá bankafólk til athugasemda, enda eru þau í bransanum. Aftur á móti fékk einn góður Moggabloggari yfir 30 athugasemdir um ryksugu!

Ég hvet alla til þess að skoða efnahagsmál frá sem flestum sjónarhornum og koma með athugasemdir sínar á Moggablogginu.

Staðfest hvað stýrir krónunni

Glitnir banki birtir grein í Morgunkorni Glitnis 17/8/2007 um gegni krónunnar og annarra hávaxtamynta, þar sem ljóst þykir að krónan fylgir hinum nokkuð náið. Þar með er staðfest að gengi krónu stýrist aðallega af vaxtamunarviðskiptum, en síður af innlendri eftirspurn í klassískum skilningi, sem Seðlabankinn hefur aðallega farið eftir í verðbólgumarkmiðum sínum. Seðlabankinn eykur því skammtíma- krónueftirspurn með hækkuðum stýrivöxtum, eins og stöðugt fleiri hafa verið að benda á.

Málið er einfalt: ef Seðlabankinn  lækkar stýrivexti, þá minnkar heimseftirspurn eftir krónunni. Verðbólgumarkmiðin passa ekki lengur. Lækkum stýrivextina.

Eru veð bankanna traust?

Krónan féll verulega, en fall annarra hávaxtagjaldmiðla jókst verulega þegar  bankar og sjóðir þar rembdust við að greiða af skammtíma- dollaralánum sem höfðu verið notuð til kaupa á áhættusömum veðbréfapökkum, líkt og í Bandaríkjunum. Veruleg vanhöld hafa verið á því erlendis að mat á virði bréfa hafi staðist og er það nú víða í rannsókn.

Verðbréfaeftirlit hér á landi ætti að gagna úr skugga um það strax að slíkt sé traust hjá okkar bönkum, til þess að forða okkur frá auknu fári hér.  Það væri undarleg lukka ef eini staðurinn á Jörðinni sem allt væri á hreinu væri á Íslandi.

Krónan veiktist um tæp þrjú prósent í dag

Jenið styrktist um 25%

Flóttinn frá krónu, ástralska dollarnum, nýsjálenska dollarnum og öðrum hávaxtamyntum í falskri stöðu er alger í dag. Fyrri lýsingar mínar eiga nú vel við. Japanska vaxtamunaverslun heimsins snarminnkar og hefur valdið 25% falli krónu nú þegar þetta er skrifað, sl. 24 daga gagnvart Jeni. Bankar í erfiðri stöðu vegna þessa og annarra mála eru að neyðast til þess að selja eigur sínar með miklum afföllum. Krónubréf á gjalddaga verða tæpast endurnýjuð í þessu umhverfi. Raunar er líklegast að framvirkum samningum gegn slíkum viðskiptum verði lokað vel fyrir gjalddagana. Því er stóra fall krónunnar líklega ókomið, þrátt fyrir 25% gengisfellingu gagnvart jeni. Leiðréttingin sem hefur átt sér stað er aðeins úti í heimi. Okkar 800 milljarða leiðrétting er líkast til enn eftir, amk. er ekki ljóst enn hvað ætti að stöðva þessa þróun.

Matsfyrirtækin héldu vitleysunni uppi

Moody's og önnur matsfyrirtæki hafa haldið þessu sjónarspili okkar með krónuna (og raunar hlutabréf) gangandi allt of lengi með sínum ofurháu mötum, þar sem áhætta er nær hunsuð. Nú er ESB loks komið í spilið með rannsókn á starfsemi þeirra.  Fyrirtæki eins og Moody's eru ekki hlutlausir matsaðilar, þar sem tekjur þeirra koma aðallega frá fjármögnun (e. structured finance) fyrir skjólstæðinga sína. Mat þeirra er því ávallt málum blandið.

Inngrip seðlabankanna til lítils

Seðlabankar heimsins hafa keppst við að dæla lausafé inn á markaðinn í trilljónum með litlum árangri, enda eru engir refsivextir eða höft á þessu auðfengna fé. Okkar litli útkjálka- Seðlabanki verður að hanga á sínum fáu krónum eins og hundur á roði ef við eigum að geta tórað hér með krónuna. Ef stýrivextir hækka eða jafnvel standa í stað, þá erum við komin í hringavitleysu ofurvaxtanna fyrir alvöru, en ef þeir verða lækkaðir, þá eykst flóttinn, gengisfallið og síðan verðbólgan. Þessa þversögn fangans kaus Seðlabankinn með því að fara svona hátt með stýrivextina í eltingaleik sínum við verðbólgustig. Davíð, "I told you so".

Ýmsir tenglar í dag: 

 

Yen Gains to Highest Since 2006 as Investors Exit Carry Trades

http://www.bloomberg.com/apps/news?pid=20601087&sid=a7BVwXGUK.8E&refer=home

Yen surges as carry trades unwind

http://www.ft.com/cms/s/d7dc639e-4bd9-11dc-b67f-0000779fd2ac.html

Yen Rises to 5-Month High Against Dollar as Carry Trades Exited

http://www.bloomberg.com/apps/news?pid=20601087&sid=a2AW8hucC_24&refer=home

FT Yen surges as carry trades unwound

http://www.ft.com/cms/s/d7dc639e-4bd9-11dc-b67f-0000779fd2ac.html

Carry traders dash for the exit

http://www.ft.com/cms/s/dfc994e4-4b5e-11dc-861a-0000779fd2ac.html

Global Stocks Tumble; Deutsche Bank, BHP, Macquarie Bank Fall

http://www.bloomberg.com/apps/news?pid=20601087&sid=aVhNE2eKjF8Y&refer=home

Run on U.S. Treasury Bills Spurred by Subprime Paper Contagion

http://www.bloomberg.com/apps/news?pid=20601087&sid=ahzoJRnX63dg&refer=home

Subprime-Infected Funds Drive Demand for Dollars (Update2)

http://www.bloomberg.com/apps/news?pid=20601109&sid=aaN4z4qY.gMg&refer=home

European market gripped by fear

http://www.ft.com/cms/s/47122c40-4bbb-11dc-b67f-0000779fd2ac.html

Share sell-off sweeps through Europe

http://www.ft.com/cms/s/47122c40-4bbb-11dc-b67f-0000779fd2ac.html

Rating agencies hit by subprime probe

http://www.ft.com/cms/s/d27da730-4b5e-11dc-861a-0000779fd2ac.html

Wall Street hit by late sell-off

http://www.ft.com/cms/s/e4425d20-4aa6-11dc-95b5-0000779fd2ac.html

FT Credit rating agencies

http://www.ft.com/cms/s/073280b4-4b63-11dc-861a-0000779fd2ac,Authorised=false.html?_i_location=http%3A%2F%2Fwww.ft.com%2Fcms%2Fs%2F073280b4-4b63-11dc-861a-0000779fd2ac.html&_i_referer=http%3A%2F%2Fwww.ft.com%2Fhome%2Feurope

 

Krónan hefur veikst um 12,6% á tæpum mánuði