Athafnir yfir til annarra!

Tvíeykið Dagur og Hjálmar er ákveðið í því að ýta iðnaði og athafnafyrirtækjum yfir í nágranna- sveitarfélögin, þannig að tekjur Reykjavíkur minnki. Fyrirtækin hafa ekki endalausa biðlund gagnvart þessu teymi, sem lætur anda köldu til þeirra, á meðan nágrannarnir bíða með opinn faðminn. Þar við bætast allar tekjur af flugvallarstarfsemi, sem skuldaparið vill út strax. 

Rótgróin þjónustufyritæki inni í Reykjavík mega sæta því að borgin tekur takmarkað athafnasvæði þeirra undir hjólastíg. Fáir kusu Dag & Hjálmar, en allir Reykvíkingar sitja uppi með það að þeir teikni sósíalíska sýn sína yfir líf borgarbúa, sem halda skuldunum en missa tekjurnar. Breytum þessu í vor.

Þrýsta á byggingu nýrra hverfa

Sterkur listi stormar af stað

Gaman var að sjá samkenndina í fólkinu á framboðslista Sjálfstæðisflokksins til borgarstjórnar 2018 á fundinum í Valhöll í gær. Nú mega Dagur & Co. sannarlega vara sig! Frambjóðandinn í 36. sæti (Í.P.) er ánægður með sína stöðu, þegar hann sér þetta fólk framar á listanum! Smellið á myndina.

„Velur ekki bara stjörnur“

Nú taka þau birtuna líka

Sósíalistar vilja ekki að við græðum á daginn og núna heldur ekki að við grillum á kvöldin. Hafa skal af Íslendingum síðdegis- og kvöldbirtuna svo að 4% þeirra sjái betur niðurgreidda strætóinn sinn koma aðvífandi á morgnana. En fórna skal öryggi og lífsgleði barnanna í eftirmiðdaginn og á kvöldin, vor og haust, þegar mest á reynir.

Njótum aftansins áfram

Birtustundir frítímans verða líka færri ef hádegi (hæsta sólarstaða dagsins) í Reykjavík er fært frá kl. hálf- tvö til hálf- eitt. Fólk rembist nú þegar við það að koma sér heim úr skóla og vinnu til þess að njóta einhverrar birtu dagsins. En þá vilja þessir þvingunarsinnar taka klukkutíma af lífi okkar!

Fjær Evrópu

Kerfi sem virka vel í áratugi án vandræða á ekki að breyta. Ef klukkunni er breytt, fjarlægjumst við Evrópu í stað þess að vera alltaf á Greenwich- tíma eins og nú.

Öfgar norðursins

Hér á norðurhjara eru öfgar árstíðanna miklar, nær aldimmt um jól en bjart á Jónsmessu. Valið stendur því ekki um ákveðna stund morguns eins og suður í álfum, heldur einfaldlega hvort við viljum hafa meiri birtu í eftirmiðdaginn eins og nú, eða snemma að morgni eins og Svandís Svavarsdóttir & Co vilja að við gerum. Ég mæli frekar með björtum kvöldum.

 

 

Leggja til að klukkan verði færð

Borgarlína er bilun

Góður fundur viðskiptafræðinga, Frosti fór á kostum í gagnrýni sinni á nýjustu bilun borgaryfirvalda. Borgar- lína sig? Alls ekki, hún tekur fé frá bráð- nauðsynlegum vegaframkvæmdum í áframhaldandi tilraun að herferð, sem kostar 900 m.kr. á ári til þess að auka hlutfall strætófarþega úr 4% ferða en er samt fast í 4% eftir mörg ár af þeirri sóun. Hin 96% fólksins mega bara borga og brosa.

Rangar spár

Nú á síðan sama fólkið og gerði kolrangar umferðarspár en hundsaði niðurstöðurnar að fá umbun fyrir það með því að gera aðrar vitleysuspár og hundraðfalda fjárausturinn í strætó, kallað hann Borgarlínu og þvinga bílnotendur til þess að taka hana inn, svo að sósíalísk nauðungarmódelin gangi upp hjá þeim. Ef þetta væri einkafyrirtæki væri löngu búið að reka hverja einustu manneskju sem héldi áfram í þessa átt.

Ástand vega versnar

Meirihlutanum í Borgarstjórn er alvara með það að keyra þessa þvingun í gegn, þótt ekki standi steinn yfir steini þegar allt er skoðað almennilega. Sömu króninni verður ekki eytt tvisvar: sem fer í að laga og bæta vegina strax eða er kastað í Borgarlínu Draumalandsins.

Nú er komið nóg, á skal að ósi stemma.

 

Tekist á um grundvallaratriði borgarlínu

Ísbirnir bjarga sér

Ein helsta bábilja BBC og annarra í Hópi um heimshlýnun af mannavöldum er sú, að ísbjörnum sé að fækka. En þar sem ekki er rétt að fullyrða það, þá er það gefið í skyn með því að benda á líkamlegt ástand ísbjarna á einu af nítján svæðum þeirra undirtegunda á norðurheimskauts- svæðinu. Sannleikurinn er sá, að heildarfjöldi ísbjarna hefur staðið í stað í áratugi og þeir blómstra á sumum stöðum.

Veiðin ræður

Það sem hefur helst ráðið fjölda ísbjarna er veiði og veiðikvóti. Noregur og Manitoba- fylki Kanada banna slíkar veiðar, en annars staðar halda frumbyggjar norðursins áfram veiðum undir eftirliti. En ímyndin sem BBC og Co. heldur á lofti, er í Youtube- myndbandinu af fárveikum ísbirni við dauðans dyr að leita sér fæðis, við það að falla úr hor. Þannig næst að halda þeim þætti réttrúnaðarins á lofti með villandi frásögnum af einhverjum hörmungum, sem er bara náttúran að hafa sinn gang.

 

Hungrið sverfur að hvítabjörnunum

Valdníðsla í þéttingu byggðar

Yfirgangur Dags & Co í þéttingu byggðar er með ólíkindum, þar sem íbúar hverfanna ráða engu. Nú er Eikjuvogur rakið dæmi, þar sem vilji íbúanna er hundsaður að vanda og Borgarráð treður stórri byggingu beint sunnan við nágrannann, svo að sólar nýtur lítið mestallt árið og daginn, sem veldur depurð. Að auki er bílastæðavandamáli bætt við.

Réttur til birtu

Það er lágmarkskrafa að skipulagsyfirvöld virði rétt fólks til þess að njóta birtu í húsum sínum, sem byggð voru hér á norðurhjara með ákveðnum forsendum í skipulagi, enda eru skuggar langir. Vinstri meirihlutinn býr viljandi til stórvandræði á þennan hátt og tekur nákvæmlega ekkert tillit til vilja þeirra sem hverfið byggja.

Við búum á 64° norður

Nógu vitlaust er að hanna heilu nýju hverfin eins og þau séu á breiddargráðu Kaupmannahafnar, en að troðast inn í gróin hverfi með þennan yfirgang er ekki í lagi og á ekki að líðast. Borgin skapar sér skaðabótaskyldu með valdbeitingu sinni, sem við sem heild þurfum að eiga við í réttarsölum síðar, algerlega að nauðsynjalausu. Byggingar á auðum lóðum eiga að fylgja nákvæmlega sömu forsendum og aðrar í nágrenninu.

Íbúarnir kusu þennan yfirgang yfir sig, en hafa tækifæri til þess að breyta því í vor.

Borgarráð samþykkir umdeildar byggingar

Borgarstjóra með breytingar

Leiðtogi Sjálfstæðisfólks í borginni þarf að standa fyrir breytingum sem bæta líf borgarbúa. Kjartan og Eyþór stefna á það, án þess að sóa fé í Borgarlínu, leggja niður Reykjavíkurflugvöll, ganga gegn Landsfundar- samþykktum flokksins eða að framfylgja óbreyttu Aðalskipulagi vinstri meirihlutans í Reykjavík. Valið stendur á milli þessara manna, sem gætu leitt Sjálfstæðisfólk til sigurs í vor. 

Val á milli tveggja kosta

Þörf er á verulegri ákveðni til þess að taka á sjálfsköpuðum vandamálum Dags borgarstjóra í borginni og strengjabrúðu hans,  Jóni Gnarr þar á undan. Það gerist ekki með þjónkun við þann vinstri meirihluta sem komið hefur borginni á kaldan klaka svo að um munar. Eyþór eða Kjartan geta og vilja taka á þessu. Hvor þeirra er líkegri ræðst af atkvæði þínu. 

 

Kosning hafin í leiðtogakjöri Sjálfstæðisflokksins í Reykjavík

Að bæta heiminn en klúðra málunum heima

Endurtekin mengunarmistök borgaryfirvalda halda áfram, sérstaklega klóakið sem flæðir enn í Skerjafjörð. Fólk heldur að því sé lokið, en öðru nær, allt fram streymir endalaust. Við bætast síðan annars konar mistök borgarinnar, nú varðandi fyrirbyggjandi eftirlit með neysluvatni og tilkynningar um frávik.

Markvissar aðgerðir

Þar ætti að bregðast við um leið og eitthvað er að, láta vita um hvaða gerla er að ræða og í hvaða magni. Tilkynningar um þetta koma seint og síðar meir, eru villandi og aðgerðirnar ómarkvissar. Fullvissan um hreint vatn er verulega skert og ímyndin sködduð vegna tómlætis. Enn vitum við ekki um hvaða gerla er að ræða og í hvaða magni í sýnunum. Það skiptir reginmáli varðandi mótaðgerðir, ef einhverra er þörf.

Klóakið flæðir

En klóaksmálið er ekki bara eitthvert slys. Það er uppsafnað ástand, jafnvel árum saman, en nær svo hátindi þegar dæla bilar. Þótt fimm til sex flutningaskip séu ekki látin fljóta í Skerjafjörð í einu í dag eins og þá daga, þá flýtur augsýnilega vel út í fjörðinn nær daglega. Það nær kannski að halda rottufaraldrinum við, hver veit? Allavega líkar 300 mávum það ágætlega.

Borgarstjórinn er bara upptekinn við að kæla loftslag heimsins.

 

Engin vísbending um E-coli

Stóra skrefið afturábak

Frosti Sigurjónsson bendir réttilega á fáránleika Borgarlínunnar. Ekki sé ég glóru í því að amk. 80% vegfarenda fórni fé og tíma í það að 5% fjöldans nái tvöföldun, sem kosti 100 milljarða króna og tap í viðbót á hverju ári eftir það. Augljós hugsanavilla felst líka í því að nokkrar mínútur líði á milli vagna, þar sem fjöldi notenda þyrfti að vera verulegur svo að sæmileg nýting fengist, en sú eftirsóknar- sprengja er ekkert á leiðinni. 

Allt fyrir hugsjón Dags

Dagur Bergþóruson Eggertsson borgarstjóri ætlar að ná hugsjóna- markmiðum sínum með því að þvinga bíleigendur inn í strætó á leið frá A til B, í stað þess að laga vegi fyrir umhverfismilda bíla, sem fara skjótt á milli staðar A, B, C og að sjálfsögðu D! Þessum svimandi upphæðum Borgarlínunnar yrði betur varið í að bæta flæði og öryggi vegakerfisins, sem gefur þá líka færi á því að stuðla að hagkvæmum ferðum almenningsvagna, ekki í einhverju aflóga dínósórakerfi.

Vonast er til að fólk fari að skera á þessa Borgarlínu, áður en hún breytist í hengingaról.

Ekki á leið í pólitík

Vanhugsuð aðgerð

Jólagjöf flugvirkja Icelandair til fjölskyldna, vina og erlendra ferðamanna hlýtur að teljast vanhugsuð aðgerð, enda er útkoman eins og þar sé skortur á mannkærleik og skilningi að notfæra sér jólavertíðina til þess að taka jóla- viðskiptavinina í gíslingu gagnvart vinnuveitandanum. 

Allir tapa

Hver ímyndaði sér í sínum villtustu fantasíum að hann myndi græða á þessu verkfalli? Gamla reglan í viðskiptum er sú að kúnninn segði 6 manns frá reynslu sinni, en um er að ræða 10.000 manns á dag sem lenda í klóm flug- spellvirkjanna. En með tilkomu Fésbókar og Tvítanna (og t.d. þessu bloggi) er hægt að margfalda þessa tölu enn frekar, sérstaklega þegar illa gengur að leysa úr vandræðum fólksins. Svo þegar netið fékk að heyra launin sem reynt er að hækka með þessari þvingun, þá nálgast samúðin alkul.

Úrelt aðferð

Verkfallsrétturinn er úrelt vopn, sérstaklega í fluginu. Kjaradómur sem fallist er á fyrirfram er hentugasta lokasvarið, enda verða aðilar aldrei ánægðir. Verkfallsaðgerðir geta rústað framtíð þeirra sem um ræðir, jafnvel aðilanna sjálfra, þar sem stærri skoðanir véla færast (eða hafa færst) augljóslega til samkeppnishæfari útlanda, auk þess sem fjöldi kúnna færa sig annað. En að velja jólaumferðina til þessara hluta er óverjandi.

Þetta verkfall verður vonandi það síðasta sem tengist flugi á Íslandi.

Erfitt ástand og snertir marga illa

BBC er RÚV Bretlands

Furðleg tilhneiging er þetta hjá MBL.IS að lepja upp álit og fréttir BBC ómeltar, hvað þá um Bandaríkin eða Trump forseta. BBC hefur sannað sig ítrekað að fara nærri jafn vinstri- frjálslega með fréttir í túlkunum sínum eins og RÚV gerir alla daga.

Auk þess er BBC með sömu þráhyggju og RÚV með flóttafólk, þróunaraðstoð, ESB, kolefnismál og t.d. kynferðislega áreitni, en gegn Trump, Brexit, Evrópskum "popúlistum" (sem eru víst bara til hægri), bankafólki og tekjuháu fólki yfirleitt.

Bandaríkin um Bandaríkin

En af hverju ætti að leita til BBC um það hvernig róttækar skattkerfis- breytingar koma út fyrir Bandaríkin? Aðalfréttin er sú, að samkeppnishæfi bandarískra fyrirtækja stórbatnar við það að fyrirtækaskattar verði lækkaðir úr 35% í 20%, sem ætti að færa ýmis stórfyrirtæki heim til USA og vera mikill hvati fyrir smærri fyrirtæki. Svo verður allt að 68% hærri skattafrádráttur til miðstéttarinnar en nú er og líka t.d. til einstæðra mæðra. Ný ríkisstjórn Íslands mætti læra margt af þessu.

Ekki vitna í BBC

Vitrænna væri að kíkja á Wall Street Journal eða amk. andstæða póla þegar fjallað er um Bandaríkin. BBC ætti ekki að styrkja frekar en RÚV, það úrelta batterí sem enginn þorir að fara með í endurvinnslu.

 

Meiriháttar skattkerfisbreytingar

Ekki viðræður frekar en við ESB

Vinstri græn vilja mörg hver leiða viðræður um stjórnarmyndun gerólíkra flokka, þar sem myndun vinstri stjórnar tókst ekki. En eðlilegast er að rétturinn til stjórnarmyndunar sé færður formanni Sjálfstæðisflokksins vegna útkomu kosninganna. Undanfærslur Forseta Íslands frá því að afhenda Bjarna Benediktssyni umboðið eru orðnar hjákátlegar og sýna vel hvernig vinstri hallinn er kominn á Bessastaði. 

Tilgangslausar viðræður

Maður talar ekkert andstæð sjónarmið á málefni saman í stjórnarmyndun, frekar en að Ísland verði talað inn í ESB með viðræðum, þrátt fyrir andstöðu kjósendanna við þær. Beinast liggur fyrir að mynda stjórn um borgaraleg málefni, þar sem Sjálfstæðisflokkur, Miðflokkur og Framsóknarflokkur stilla sína strengi saman og Flokkur fólksins styður þá stjórn með ákveðnum skilyrðum, það yrði farsælast. En til þess þarf að afhenda Bjarna Ben umboðið, annars verður ekkert nema innantómt hjal og einhver hjaðningavíg.

Vinstri græn hlutu ekki réttinn til þess að prófa vinstri, svo áttavillt og svo eitthvað kókómalt. Látum meirihluta kjósenda úr Alþingiskosningum ráða, ekki úr kosningum til Forseta Íslands.

PS: Myndin mín hér (tekin 7. nóv. 2017) sýnir Íslands- Tetris yfir Bessastöðum. Smellið aftur á hana til stækkunar.

 

Þrjár ástæður til að hefja viðræður

BDMF í burðarliðnum?

Framsóknarflokkurinn sá skýrt þegar á reyndi að Pírötum væri ekki treystandi. Þar að auki voru óþægilegu málin ekki útrædd strax. Hvernig er hægt að semja við Pírata sem vilja gjörbylta stjórnarskránni og jafnvel ganga í ESB?

Stríðsöxin grafin

Nú liggur beint við að framsóknarflokkarnir Framsóknarflokkur og Miðflokkur grafi stríðsöxina, enda stefna þeir samsíða með Sjálfstæðisflokki að mjög mörgu leyti. Flokkur fólksins fær sitt fram að mestu, en þó er gott að þau yrðu flest umfram-þingmenn, þar sem óvissan er líkast til meiri varðandi þau hvert um sig heldur en hjá BDM flokkunum.

Gangið nú hreint til verks, BDMF flokkar og ræðið í þaula hvernig taka skuli á hverju stóru málanna. Þetta verður að halda.

Stjórnarmyndunarviðræðum slitið

Með Svarta Pétur í spilastokknum

VG og Framsóknar- flokkurinn gætu hugsanlega náð saman, en að taka ESB- Samfylkinguna inn og bæta fjórum Pírata- ólíkindatólum við og treysta á það að enginn þessarra 32 þingmanna víki af stefnunni á fjórum árum er hámark bjartsýninnar. 

Óvissuspil

Fráfarandi stjórn hafði amk. eitt óvissuspil (wildcard) í sínum spilastokki, Björt Ólafsdóttur úr Bjartri framtíð, sem sýndi það strax að hún gæti verið Svarti Pétur í stokknum eða flokkur hennar. Nú láta Píratar vita að þeir muni ekki endilega verða leiðitamir. Á meðan þegir Samfylkingin þunnu hljóði um eina málið sem sérgreinir hana, ESB- umsóknina. Það er gamla ESB- aðferðin, að ýta helstu ágreiningsmálum á undan sér en verða sammála um fjölda smærri þátta sem ekki skipta máli í stærra samhengi. Samfylkingin í heild gæti verið einn stór Svarti Pétur í þessari ríkisstjórn vegna helstu stefnumála sinna, sem eru í grunninn andstæð Framsóknarflokknum og Vinstri Grænum að hluta. 

BDMF yrði stöðugri

Framsóknarfólk og sjálfstæðismenn kusu langflest þrjá flokka í þessum kosningum: Sjálfstæðisflokkinn, Framsóknar-flokkinn og Miðflokkinn. Þau eiga öll eðlilega samleið, eins og Sigmundur Davíð staðfesti núna, að hann vildi vel vinna með Sigurði Inga úr Framsókn. Að viðbættum Flokki Fólksins (sem Samfylking gæti varla unnið með vegna afstöðu til hælisleitenda) þá er þessi BDMF- hópur málefnalega og persónulega margfalt stöðugri eining til þess að stjórna landinu og að setja vitræn landslög heldur en Katrínar- hópurinn sem Forseti Íslands fann sig knúinn til að styðja vegna uppruna síns. Viðreisn passar hvorugum megin inn vegna ESB- þráhyggju sinnar og einangrast smám saman vegna þess.

Fjölmiðlar ekki til bjargar

Nú er helsta vonin sú að fjölmiðlar forði þjóðinni frá því að upplifa þessa ídealistastjórn Katrínar VG, með því að vera aðgangsharðir í spurningum sínum hvað hver flokkur muni gera ef beygt er í vinkilbeygju af stefnu hans, eins og Samfylking með ESB og Píratar með stjórnarskrá eða kerfisbreytingar. En líkurnar á því að þetta aðhald verði fyrir hendi frá t.d. RÚV eru nær engar.

Þetta yrði því vinstri stjórnin sem RÚV kom á með milljörðum króna frá okkur. Þvílík örlög.

 

Fyrsti formlegi fundurinn

Nú reynir á hlutleysi forsetans

Forseta Íslands er í sjálfsvald sett hvort hann réttir valdakeflið til vinstri eða til hægri í stöðunni í dag. Nú reynir á það hvort vinstri bakgrunnur hans sé ráðandi eða að hann hafi náð að tileinka sér hlutleysi í embætti eins og forveri hans náði að mestu. 

Tilfinningin er sú að Guðni forseti láti Katrínu Jakobsdóttur reyna fyrst. Þá gleðst góða fólkið yfir að hafa kosið hann.

Tveir valkostir fyrir forsetann

XD vöfflurnar vinsælar

Valhöll iðaði af lífi í dag, þar sem kjósendur komu í kaffi og með því hjá Sjálfstæðisflokknum. Hér fylgja nokkrar myndir í mynda- albúmi hér til hliðar, en ég kvaddi snemma þegar húsið tók að fyllast um tvöleytið. Svo er um að gera að mæta á kosningavöku í kvöld laugardag á Grand Hotel Reykjavík (Gullteig) eftir kl. 21:00.

Kjósum!!!

Myndatengill: (hér). Smellið tvisvar á hverja mynd til þess að stækka hana.

 

Kjörsókn fer betur af stað