Uppeldið út í loftið

Heilaþvottur á börnum Vesturlanda hefur nú skilað sér í því að 16 ára sænsk stúlka gæti verið tilnefnd til Nóbelsverðlauna fyrir aðgerðir sínar "til bjargar loftslagi heimsins", ekkert minna! Aðferðin er sú að skrópa í skóla eða vinnu, fara í verkfall og mótmæla á götum úti.

Ítroðsla frá upphafi

Sú ólöglega markaðssetning í milljörðum króna til barna, sem kom þessu af stað hefur staðið yfir í alltof langan tíma. Tilgangurinn, að kæla heiminn, er löngu gleymdur, en allt gengur nú út á það að úthrópa koltvísýring sem mengun og að láta börnin halda að þau geti stýrt loftslagi heimsins með skattlagningu og skoðanakúgun. Hvatt er í uppeldinu til misklíðar á milli fólks og þjóða vegna þessara kenninga og aðgerða í kjölfarið, sem vægast sagt ná ekki markmiðum sínum.

Spyrjum börnin

Spyrja ætti íslensk börn beinna spurninga: "Teljið þið ykkur geta breytt loftslagi heimsins með því að fá peninga til þess? Hin spurningin væri: Hvort viltu kæla eða hita Ísland?

Svörin yrðu áhugaverð.

 

„2050 verðið þið dauð en ekki við“

Meginþorri Sjálfstæðisfólks gegn 3. orkutilskipun ESB

Furðu vekur að ráðandi ríkisstjórn með VG og Sjálfstæðisfólk í forsvari skuli leggja fram frumvarp um 3. orkutilskipun ESB. Þar eru flokkar sem hafa marg- staðfest andstöðu sína á flokksþingum við framsal valds til ESB. Landsfundur Sjálfstæðisflokksins og langflest flokksfélög hans í Reykjavík hafa lagst gegn þessari innleiðingu, sem stýrð er af embættismanna- kerfinu, gegnsýrðu af ESB og dásamar nú allar sjálfkrafa viðbætur við EES- samninginn gamla.

Sjálfkrafa upplausn

Grasrótin í Sjálfstæðisflokknum er seinþreytt til vandræða, en getur ekki orða bundist nú, með þessari stóru atlögu að fullveldinu. Að sama skapi ætti grasrót VG að gera sér grein fyrir því, að sjálfgefið er að Landsvirkjun verði skipt upp og virkjanir seldar eftir gjörð þessa, þar sem rafmagn verði þá skilgreint sem vara en ekki auðlind og samkeppni við Evrópulönd verði jöfnuð. Raforkuverð til heimilanna rýkur þá upp.

Grasrót gegn kúgun

Af einhverjum orsökum ná þessi sönnu skilaboð ekki inn til grasrótar VG, heldur er Samfylkingar-hluti þess flokks ansi fyrirferðarmikill í umræðum um þessi mál og vill gjarnan þvæla því áfram, þótt staðreyndirnar séu skýrar. Því betur sem tilskipunin er skoðuð, því hærra öskrar kúgunarvaldið á mann. Fáum þingmenn til þess að taka þetta sundurlyndismál af dagskrá þingsins strax.  

 

Frestar orkupakka

Arðinn beint til eigendanna, takk

Landsvirkjun gerir rétt í að greiða niður skuldir og að fjárfesta til framkvæmda, en rangt í því að halda ekki orkuverði lágu til eigendanna, heimilanna í landinu og smærri atvinnurekenda, sem ættu að hagnast á þeirri hagkvæmni sem fylgir orkuvinnslu og -notkun í miklum mæli. Í staðinn stefnir fyrirtækið að arðgreiðslum til pólitíkusanna, sem komast upp á lagið með að nota það fé til hvaða gæluverkefna sem þeim dettur í hug hverju sinni, óháð orkuvinnslu með öllu.

Hagur heimilanna

Heimilin á Íslandi eru með 5% orkunotkun heildarinnar hér og vinnslufyrirtæki önnur en stórnotendur nokkur prósent í viðbót. Landsvirkjun ætti að halda áfram þeirri stefnu sem mörkuð var í upphafi, að láta þessa aðila njóta þeirrar sérstöðu, sem sköpuð hefur verið hér á landi í orkuvinnslu. Þess í stað stefnir stjórn fyrirtækisins á það að hækka verðin að nauðsynjalausu til samræmis við lönd Evrópusambandsins, í allri þeirra orkukrísu. Stefnt er að arðgreiðslum sem markmiði í þessu þjónustufyrirtæki fjöldans. Hagur fólksins sjálfs skiptir öllu meira máli en að ríkið bólgni enn meira út en orðið er.

3. orkutilskipun ESB gegn þjóðarhag

En Landsvirkjun bítur líka höfuðið af skömminni með því að eyða milljarði króna og hluta starfsorkunnar í könnun og áætlanir um rafstreng til Evrópu, eins og Þriðja orkutilskipun ESB gengur út á að gera fært, með yfirstjórn þeirra mála til ESB. Einnig yrði strax krafa um skiptingu og sölu Landsvirkunar ef svo færi. Snarhækkun raforkuverðs til heimilanna og annarra liggur fyrir ef sæstrengurinn yrði að veruleika. Stjórn Landsvirkjunar á ekki að ganga fyrir um þennan útflutning á raforku, sem er allt annað en stofnað var til með fyrirtækinu frá upphafi.

Grunngildi

Þess má geta að samanlagt leiðnitap á endastöðvum sæstrengsins yrði jafnt notkun heimilanna og smærri notendanna. Því færi orkan sú beinlínis út í loftið. Komum í veg fyrir að 3. orkupakkinn verði innleiddur og látum Landsvirkjun standa við upphafleg grunngildi sín.

 

 

Landsvirkjun greiði 3-4 milljarða í arð

Um hrokann

Hér tengist bloggið mitt við rétta frétt, um Donald Tusk:

https://astromix.blog.is/blog/astromix/entry/2230082/

 

„Sérstakur staður í helvíti“

ESB- hrokinn nálgast hámark sitt

Forseti Evrópuþingsins, Donald Tusk, opinberaði hroka- afstöðu ESB gagnvart Bretlandi í dag, þegar til stendur að reyna frekari samninga við Theresu May forsætisráðherra um útgöngu Breta úr ESB. Tusk sagði þá þetta: 

"I’ve been wondering what the special place in hell looks like for those who promoted Brexit without even a sketch of a plan on how to carry it out safely,"

sem útleggst lauslega: „Ég hef velt því fyrir mér, hvernig sá sérstaki staður í helvíti lítur út fyrir þá, sem komu Brexit á framfæri án þess að hafa jafnvel uppdrátt af áætlun um það hvernig það verði framkvæmt á öruggan hátt.“

Afstaða andskotans

Afstaða ESB kemur þarna skýrt í ljós, að við breska aðskilnaðarsinna sé að sakast, ekki meirihluta bresku þjóðarinnar, hvað þá Evrópusambandið sjálft, sem gerði það ómögulegt fyrir Breta að vera í sambandinu vegna valdahroka ESB, sósíalískrar stefnu og óstjórnar fjármála og gjaldmiðils.

Ekki verður samið við ESB, sem er þá 27 ríki, sem stjórnað er af Þýskalandi og Frakklandi.

„Vopnuð nýju umboði og hugmyndum“

Nær rafmagnsbíllinn að klósettinu?

Ferðalög í frostinu geta reynst erfið, nær maður að Jökulsárlóni? Rafhlöður rafdrifinna bíla þola illa mikið frost, eins og komið hefur skýrt í ljós í kuldakastinu í BNA undanfarið. Bloomberg rekur raunir eigenda Tesla og annarra bifreiða, þar sem ending rafhlaðanna skerðist verulega yfir nótt og á leið til vinnu. Þetta sýnir okkur að erfitt getur reynst að treysta á hleðsluna í frostaköflum. Kannski eru tvinnbílar (hybrid) þá lausnin fyrir okkar breiddargráðu, nú eða vetni eins og Toyota veðjar á, enda höfum við rafmagnið til þess að umbreyta vetninu í notanlegt form?

Höldum áfram veginn

En núorðið mengar sprengihreyfillinn svo lítið miðað við fyrri tíma og það, hve skilvirk orkan er, svo að við skulum ekki úthýsa honum og útiloka hann frá því að hjálpa okkur að lifa ljúfu lífi hér uppi á klakanum. Samfelldir sumardagar hér er jú að meðaltali aðeins 10 talsins, samkvæmt almennri vísindalegri skilgreiningu veðurfræðings. Nýtum þær álögur og þá skatta sem lagðir eru á kaup og notkun þessara bíla að fullu til þess að bæta samgöngur með þeim, þannig að sem flestir njóti sem best, í öryggi og hita.

Salernin frosin á Jökulsárlóni

Heimskuheimildir halda áfram

Dagur & Co. halda áfram að reyna á þolrif íbúa Reykjavíkur með því að skattleggja þá sérstaklega og sólunda síðan fénu á einstæðan hátt.  Halda mætti að met Alfreðs Liljuföður í slíkri sóun myndi halda eitthvað til framtíðar, en það er nú ítrekað slegið í burtu af einurð. 

Alfreð sóaði fé borgarinnar í ræktun dýrustu heitsjávarrækju í heimi, fyrr og síðar. Kannski fór hann nálægt Ingibjörgu Sólrúnu, þá borgarstjóra, sem kastaði milljarði í internet- tengingu um rafmagnskerfið, sem aldrei varð. En þessi nýja deild sóunarsinna, sem nú er tekin við, kallar ekki allt ömmu sína í þessum efnum. Ef hugmyndin er nógu arfavitlaus, þá fær hún samþykki hjá þessum hópi. Fjölgun í borgarstjórnar- hópnum, fiskiker og fuglahús á göturnar, hálfs milljarðs braggi, bara að nefna það. Vonandi verður ekki stungið upp á bananarækt eða innflutningi á baðstrandarsandi, því að yrði samþykkt strax.

Á næsta plan

Sér-innflutta braggamelgresið var víst bara forsmekkurinn. Nú er það stækkað í risa- pálmatré, sem flytja skal frá suðurlöndum og reyna að halda lífi í því með ótrúlegri orkusóun beint út í loftið.

Í dag verður skrúfað fyrir einhverjar sundlaugar vegna mikillar heitavatnsnotkunar. En forgangurinn hlýtur að verða að halda lífi í 140 milljóna króna „fjárfestingunni“ með öllum ráðum fyrir milljónir króna á ári, eða allt þar til öllum er ljóst að pálmablöðin í 10 metra hæð hljóta að falla í frostinu og vetrarmyrkrinu efst í plasthólknum, sem flautar á hverfið í rokinu. Pálmastaurarnir standa þá einir eftir, sem minnismerki um þá óstjórnartíma, þegar ofdekraðir miðbæjarkommar réðu lögum og lofum og keyrðu ófæra borgina í þrot með ídealisma sínum.

Vilja endurskoða áform um pálmatré

Umsögn er ekki atkvæðagreiðsla, en þó

Samráðsgátt um tímahringl ríkisins hefur opið á umsagnir, sem fólk virðist skilja sem atkvæðagreiðslu, en það er ekki svo. Líklega verður fjöldi umsagna fylgjandi breytingu notaður sem stuðningur við frumvarpið um breytingu á klukkunni, en það tvennt er ekkert tengt í raun.  Hér er mín umsögn þar inni:

Veljum A, óbreytt tímabelti. Lífsstíllinn á norðurhjara skiptir meginmáli og þá helst tími með manns nánustu, sem er helst eftir nám eða vinnu hvers dags. Núverandi kerfi hámarkar birtu eftirmiðdagsins og inn á kvöldið, frá hausti til vors. Eftir breytingu styttist sá birtutími.

Þunglyndi fylgir breiddargráðum sannanlega á skýran hátt og breytingin er líklegri til þess að gera það verra. Unglingar á Egilsstöðum fara varla hálftíma fyrr að sofa í dag en jafnaldrar þeirra í Keflavík, þótt sólin sé hálftíma fyrr á ferðinni fyrir austan. Instagram- herferð um svefnvenjur hefur mun meiri áhrif á þeirra hegðun en hringl ríkisins með klukkuna.

Stuðningur er við seinkun klukku

Vilja fækka frí- birtustundum

 

Andstæðingar dagsbirtunnar í frítíma Íslendinga láta ekki deigan síga og stofna ráð og nefndir á kostnað okkar allra fyrir þessi hugðarefni sín. Þeir vilja snúa klukkunni þannig að hástaða sólar í Reykjavík verði klukkan rúmlega tólf, í staðinn fyrir rúmlega eitt, eins og allar götur síðan árið 1968, þegar hætt var að hræra í klukkunni.

Heim í myrkri

Breytingin myndi þýða það, að t.d. um jólin sé sólin á lofti frá kl. 10:22 til kl.14:32, í stað kl. 11:22 til 15:32 eins og verið hefur. Að sama skapi, í febrúar og október færist sólarlagið frá því að vera fyrir klukkan 18 í dag í það að verða fyrir klukkan fimm, rétt áður en haldið er út í stíflaða umferð þess dags.

Meiri birtu!

Heillegur frítími flestra á hverjum virkum degi er eftir nám og vinnu. Veturinn í Reykjavík telur sjö mánuði í mínum huga og illt er að fjölga myrkurtímum hans verulega með þessari breytingu.

Látum klukkuna í friði og veljum kost númer eitt í Samráðsgáttinni, ekta vinstri gervi- lýðræðisbatteríinu.

Breyting á klukkunni í samráðsgátt

Þrír dagar í boði borgarstjóra

Áherslur borgarstjórnar- meirihlutans í umferðarmálum Reykjavíkur skila sér í þremur dögum á ári í umferðartöfum. Milljarði króna á ári heldur áfram að vera sóað í að reyna að fá strætó- elítuhópinn sem fer 4% ferðanna, til þess að stækka, en það gerist ekki. Fyrst árangur af því er enginn, þá er bætt um betur og tugir milljarða króna settir í Borgarlínu, sem mun auka tafirnar enn frekar.

Nýlegur bílafloti

Bílafloti Reykvíkinga stækkaði ört og fólk mun ekki skilja nýja bílinn eftir heima næstu árin, hvort sem hann er drifinn áfram af rafmagni eða af öðru. Framlag til vegabóta og aukins umferðarflæðis er skammarlegt á sama tíma, auk þess sem áhersla Dags borgarstjóra er enn á það að hægja á umferð (með frábærum árangri), ekki að hámarka flæði, sem t.d. tölvukerfin geta gert. 

Tafir, tafir

Djöfullinn finnst alltaf í smáatriðunum og nú er að koma í ljós hvernig Borgarlínan er: stærðar svæði tekið undir strætó, hjól og gangstíga, en ein akrein fyrir bíla, sem fara 70-80% ferðanna.

Byggingartíminn verður í mörg ár af umferðarstíflum, en þetta kýs fólk. Okkur öll má svíða fyrir þá sem undir míga. 

Tafir í umferðinni kosta 15 milljarða

Orkutilskipun tilgangslaus fyrir Ísland

Furðulegt má þykja að ráðherra og varaformaður Sjálfstæðis- flokksins verji þriðju orkutilskipun ESB, sem er tilgangslaust valdaframsal til þeirra sem gáfu hana út. Mér fallast hendur við það að sjá þessar stuðningsyfirlýsingar sjálfstæðisfólks við óverjandi málstað vinstri vængsins, sem er sá að þetta sjálfvirka framsal réttinda okkar allra sé í lagi á 100 ára afmæli fullveldisins. 

Látið er eins og um misskilning eða fávísi sé að ræða hjá andstæðingum þessa orkupakka. Öðru nær, flestir sem skoða þetta í þaula sjá að um framsal sé vissulega að ræða, enda er tilgangur Evrópusambandsins sá, að komast í orkuauðlindir landsins. EES- samningur sem gerður var árið 1992 var ekki á þá leið að hvað sem verði síðan til í Brussel á næstu áratugum verði sjálfkrafa samþykkt á Alþingi Íslendinga.

Af hverju? Til hvers? 

Við þurfum bara að spyrja okkur sjálf: af hverju að samþykkja þetta? Ekki: af hverju ekki? Fylgjendur hafa ekki sýnt fram á ábatann, á meðan áhættan á neikvæðri niðurstöðu er veruleg og varla afturkræf. Samkvæmt fræðingum yrði erlendum stórfyrirtækjum frjálst að leggja rafstreng hingað og gætu þá krafist jafnræðis, sem hækkar raforkuverð í landinu og eykur álag á kerfið hér. Einungis leiðnitap flutningsins yrði á við tvöfalda notkun heimilanna í landinu. Hvílík sóun á auðlindum.

Hættum að þrefa um einfalda hluti. Njótum þess að vera ekki í ESB, þar sem hver þjóð verður að samþykkja flaum vitlausra tilskipana. Þessi þriðja er einni of mikið.

Er ekki afsal á forræði auðlindarinnar

Þriðji orkupakkinn er þriðja ríkið

Fundur Sjálfstæðisfélaganna í Valhöll um Þriðja orkupakka ESB var með afbrigðum góður. Þrumandi ræða Styrmis Gunnarssonar um missi sjálfstæðis landsins við samþykki þessara ólaga opnaði hug fólks og aðrir frummælendur studdu einnig þá skoðun með gögnum og ígrundaðri umfjöllun.

Auðlindin til ESB

Það gefur auga leið að yfirstjórn raforkumála í Evrópu drægi taum meginlandsins í orkukrísu, ef rafstrengur yrði tengdur til Íslands. Afarskilmálarnir í tilskipun ESB, sem Stefán Már Stefánsson lagaprófessor í HÍ fór yfir í fyrirlestri sínum eru slíkir, að jafnvel leikmönnum og almenningi hlýtur að blöskra við lesturinn, ef þau kynna sér þetta frumvarp. 

Ábyrga fulltrúa

Alþingismenn, sem kosnir eru af Íslendingum til þess að gæta hags okkar þegnanna, geta ekki verið svo skyni skroppnir að samþykkja sjálfviljugir þetta afsal sjálfstæðis. Fáum hvern og einn þeirra til þess að opinbera skýra skoðun sína strax, áður en það verður of seint og helsta auðlind Íslands er afhent Hinum óþekkta embættismanni í Brussel til sjálfdæmis.

Flokkurinn hafni orkupakkanum

Sorgardagur skipulags og fjármála

Ný borgarstjórn Dags & Lóu, hlæjandi í Breiðholti, greypir mistök síðustu ára í stein og tryggir að þau verði varanleg áfram. Nú geta 80-90% vegfarenda verið vissir um það að enn hægi á ferð þeirra um bæinn næstu árin og að fjármál borgarinnar leyfi ekki nauðsynlegar aðgerðir, sem pólitíkusarnir eru kosnir til þess að sjá um.

Viðreisn sósíalismans

Viðreisn ber ábyrgð á þessari vinstri ídealistastjórn. Þau sem kusu hana mega þá vita það, sitjandi föst í umferðinni að óþörfu, æ drýgri hluta dagsins. Austantjaldsblokkir, bílastæðaleysi og strætó er aðall þessarar nýju stjórnar. Verði ykkur að góðu.

Dagur áfram borgarstjóri

D stærstur á öllu SV-horninu

Sjálfstæðisflokkurinn fékk flest atkvæði flokka í þessum kosningum, á öllu SV- horni landsins til Fljótsdals og Borgarbyggðar. Skilaboð kjósenda eru skýr: stefnan er farsæl og fólkið er traustverðugt. 

 

Skýrt umboð

Niðurstaðan í Reykjavík er skýrt umboð Eyþórs Arnalds til þess að leiða þarfar breytingar, þar sem miðbæjarpólitík Samfylkingarinnar hefur loks runnið sitt skeið. Hverfin ættu öll að byggjast upp og samvinna sveitarfélaga á öllu svæðinu að batna. 

Ef Samfylkingunni tekst samt sem áður að hóa saman vinstri köttum í Reykjavík til þess að halda áfram á ógæfubraut í fjögur ár, þá er það ekki vegna vilja fólksins.

Sjálfstæðisflokkurinn stærstur

Ákjósanleg stjórn: á morgun

Mæting er málið á morgun, ef kjósendur vilja breytingar strax, ekki bara árið 2022. Sjálfstæðisflokkurinn getur helst verið sá flokkur sem leiðir breytta stefnu í borginni. Atkvæði sem honum eru gefin nýtast best til þess að leiða saman hóp þeirra sem vilja betri borg. 

Fjögur ár í viðbót  af núverandi ídealisma og skuldasöfnun í borginni er varla það sem frjálsir borgarbúar vilja.

Sjö flokkar fengju fulltrúa

Heimatilbúin vandræði

Ein örugg leið Dags & Co til þess að ergja borgarana er að takmarka bílastæðafjölda við stóratburði og tvöfalda sektirnar. Laugardalshöllin er þar eitt skýrasta dæmið, þar sem ærnum kostnaði var varið til fækkunar malbikaðra bílastæða á svæðinu, í stað þess að fjölga þeim t.d. með hliðarstæðum á leiðinni niður á höllinni, þar sem aðeins gras er fyrir. Ekki er einu sinni leyft að leggja á grasið, heldur kostar sá glæpur 10.000 krónur í sekt.

Auðleyst: fleiri stæði

Viðkvæðið er síðan að nóg sé af stæðum hálfan kílómetra í burtu. Ég leyfi mér að efast um það, fyrir utan það að til stendur að fækka þeim frekar. Laugardalshöllin er íþróttamannvirki með feikinógu rými í kring um sig, en rúmar aðeins brot af þeim bílum sem fólk notar til þess að mæta á atburði staðarins.  Fyrir vikið leggur maður bílnum úti í næstu hverfum, eins og mun gerast á Landsfundi Sjálfstæðisflokksins í næstu viku. Þá hlakkar í Degi og Hjálmari, ef nógu margir eru rukkaðir til þess að borga niður hallann á borginni sem þeir bjuggu til. 

Meira liðið sem Reykvíkingar kjósa yfir landsmenn á leið í Höllina.

„Aldrei séð eins slæmt ástand“