Sama fylkingin vill flugvöllinn burt

Samfylkingin nær áfram að stjórna borginni með því að halda uppi vanhæfum borgarstjóra og hans gengi, en ekki síður með dyggum stuðningi Gísla Marteins Baldurssonar & Co, sem styður jafnan hverja Skandinavísku- reiðhjóla- sósíalista tillöguna af annarri sem upp kemur, eða býr þær til. Þannig viðhelst vanhæfis- fyrirkomulagið í stjórnun borgarinnar, þar sem ekki þykir fínt að vera með skipstjóra á skipinu eða að aka bílum á götum borgarinnar. Machiavelli hefði verið stoltur af þessum stjórnarháttum.

Landsfundur og borgin

Bara það að nefna Löngusker sem flugvallarkost upplýsir um þann uppátroðslu- ídealisma sem tröllríður borginni og áður landsmálunum. Þremenningarnir sem taka þátt í þessum farsa ættu aðeins að hugsa mál sitt betur. Hvað um afgerandi Landsfundarsamþykkt Sjálfstæðisflokksins um flugvöllinn? Skiptir hann ekki máli frekar en í Icesave?

Stefna hvers? 

Hvað þarf Gísli Marteinn að gera til þess að fólk sannfærist um þá staðreynd að stefna hans og Samfylkingar (og þar með Besta flokksins) sé ein og hin sama? Nú tekst honum, Áslaugu og Þorbjörgu Helgu kannski að tryggja að þessi aðalskipulags- hörmung verði að raunveruleika, sem við þurfum síðan að berjast við næstu áratugina.

Vaknaðu, kjósandi! 

Vonandi vaknar hinn venjulegi kjósandi til athafna (en ekki bara upp við vondan draum) og lætur heyra í sér um þetta aðalskipulag. Fyrst þremenningarnir beita ísköldu mati, þá verður að beita því á móti. Ekkert elsku mamma.

 

 

 

Fagna tillögu að aðalskipulagi

Áfangasigur, en þó...

Ánægjulegt er að heyra að vegferðin til ESB verði stöðvuð strax. Ráðuneytin frelsast þá til alvöru athafna til aðstoðar þjóðinni. En það er tvennt við þetta sem veldur samt trega: Að ferlið verður „stöðvað“ (annað orð yfir hlé, en því ekki slitið strax) og að „hins vegar“ verði útfærslan kynnt, sem bendir til þess að tilslakanir til ESB-sinna eigi sér stað. Annars væri hún ekki „hins vegar“.

Stefnt að... 

Útfærslan er þá líkast til á þá leið að „stefnt verði að“ þjóðaratkvæðagreiðslu innan tveggja ára um framhald viðræðna, í stað þess að slíta þessari illa studdu aðlögun strax og hefja hana ekki aftur nema að aflokinni þjóðaratkvæðagreiðslu sem styddi viðræður með afgerandi hætti, þannig að íslenskir viðsemjendur hefðu nægilegt bakland. 

En, mjór er mikils vísir!

Aðildarferlið verður stöðvað strax

Slippurinn þarf að fara

Starfsemi Slippsinns passar engan veginn við mannvænt umhverfi hafnarinnar eins og það er orðið. Ótrúlega hávær háþrýstispúlun af baneitruðum málningarmenju- örveruúða getur t.d. aldrei samræmst hótelarekstri eða veitingasölu innan seilingar. Engin leið er að samræma þetta. Raunveruleikinn er í hróplegri andstöðu við þessa rómantísku ímynd. Léttir bátar og starfsemi í kring um þá hæfir raunveruleikanum, en slippurinn þarf að vera fjarri mannabyggðum til þess að geta stundað starfsemi sína eðlilega, án kvartana. Hljóðmengun, loftmengun og mengun hafnarinnar fylgir starfsemi slippsins og hann þarf að færa strax á viðeigandi stað. 

Aðgreining er nauðsynleg

Aðgreining svæða vegna mismunandi starfsemi er sjálfsögð vegna mismunandi eðlis starfseminnar. Óviturlegt er að valda vandræðum nær vísvitandi með lélegri skipulagshugsun, þar sem breytt er til þess að breyta, í stað þess að fylgja friðsamlegri þróun mannlífsins. 

Bílfjandsamleg skipulagsstefna borgarinnar heldur áfram, þar sem ógerningur verður að finna stæði fyrir bílinn í heimsókn á svæðið eða fyrir íbúana.  

Blönduð byggð er málið

Raforkan skert, sæstrengur út í hött

Skert orkuöflun okkar ágætu lóna sýnir fáránleika sæstrengs til Evrópu. Landsvirkjun selur ákveðið orkuöryggi, en neyðist til að skammta raforku til stórnotenda við þessar aðstæður. Sæstrengur krefðist stöðugt notkunar hans, þegar við megum ekki missa meira úr landi.

Kaffi til Brasilíu? 

Þá segði einhver að við gætum keypt orku hingað, en það yrði á uppskrúfuðu verði miðað við markaðinn hér og eflaust þyrfti Landsvirkjun að blæða, þar sem hún semur um ákveðið orkuöryggi til orkukaupenda eins og Alcoa.

Löng dauð tímabil 

Sæstrengur gengur ekki upp: hann býr til vandræði á Íslandi. Uppbygging hans og rekstur gætu aldrei byggt á sölu umframorku á einstaka tímabilum, enda væri nær að bjóða hana hér til vaxtar þeirra fáu sem geta nýtt hana. Dauður tími hjá sæstrengnum, sem getur verið á löngum tímabilum eins og nú, er hreinn kostnaður og afskriftir, sem enginn með viti vill taka þátt í. Ríkið ætti amk. aldrei að taka það í mál.

Sæstrengs- stjórnir úti? 

Vonandi svæfist þetta sæstrengs- mál með fráfarandi stjórn. Þó er skilgetið afkvæmi hennar núverandi stjórn Landsvirkjunar að langmestu leyti, þannig að sæstrengurinn kraumar áfram eins og miltisbrandur. 

Verri staða en spár ráðgerðu

Smá- mál sem hliðrast til?

Nú þegar Sigmundur Davíð heldur pönnukökunum og mjólkinni sín megin (á mynd mbl.is) en Bjarni vinnur á tölvunni og skuldsett heimili eru í deiglunni, þá er hætt við að ESB-umsókninni verði stungið undir stól á meðan, í stað þess að draga hana til baka strax og hefja ekki aðlögun aftur við þá stórbændur í Hruna nema að undangenginni þjóðaratkvæðagreiðslu. 

ESB í dvala? 

Þögnin um ESB- málið veldur manni trega, því að þá er enn ein miðjumoðslausnin látin yfir okkur ganga, að Össurar-hlé sé gert á aðlöguninni, sem heldur áfram á bak við Potemkin- tjöldin í 2-3 ár til þess að friða hægri Krata sem kusu annan hvern flokkinn í þeirri von um að þetta reddist allt að ESB-hætti með Lissabon- aðferðinni. Ef svo færi, þá segði Bjarni að annað hafi ekki verið hægt í þröngri stöðu en að gagna á bak Landsfundar- samþykktinni um slit strax. Sigmundur Davíð má allt núna og hefur alla góða með klóroform- púða á þetta mál þar til Evran er sprungin og slitin eru sjálfgefin. 

Kerfið mallar 

En á meðan heldur tjónið af ESB- aðlöguninni áfram. Svo vakna upp spurningar, t.d. hvort pólítíkusum, nærri því hvar sem þeir standa, líki ekki bara mætavel þessi miðlæga Rómar-Kremlar búrókratía sem færir öllu kerfinu völd og festir þau í sessi og fólkið sem þar vinnur. Ráðuneytin eru ekki endilega skilvirkust að hætti ESB, heldur allt eins hvernig þau þróuðust í gegn um tíðina hjá okkur með breyttum háttum. Núna efast maður um ráðherravaldið sjálft, þar sem allt úir og grúir af nefndum og ráðum en ótal ólíkir málaflokkar tilheyra hverju ráðuneyti. Arfleifð Jóhönnu verður erfitt að afmá, þar sem beinar upplýstar ákvarðanir með skýra ábyrgð ráðherrans eru torfundnar.

Kannski verða nýir ráðherrar með bein í nefinu.

 

  

Ræða einföldun á skattkerfinu

Vinstri- handar náðarhögg í lokin

Tjónið sem hlaust af fráfarandi vinstri stjórn á fjórum árum jókst í veldi sínu núna í lokin. Steingrími J. leist ekkert á það að byggðir landsins reyndu að bjarga sér með rækjuveiðum og fyrirskipaði á síðasta degi stöðvun úthafsrækjuveiða þann 1. júlí nk., um há- bjargræðistímann.

Vestur, norður og norðvestur 

Rækjuvinnslurnar á Grundarfirði, Ísafirði, Hólmavík, Hvammstanga, Sauðárkróki og á Siglufirði treysta helst á innlenda rækju núna þegar Norðmenn kaupa sína eigin og Kanadarækju með uppskrúfuðum olíugjaldeyri. Útgerðir á Íslandi reyna að láta það borga sig að veiða rækjuna og loksins þegar það gæti verið að ganga upp, þá kemur vinstri- handar náðarhöggið, áður en vitræn stjórn tekur við.

Spíral- fræði

Níðingsverkin eru auðvitað í nafni náttúruverndar að hætti (hrunda) hússins, líkt og á alræmdu skrifborði Svandísar Svavarsdóttur, þar sem samþykkt áætlun um virkjun neðri- Þjórsár beið til eilífðar.  Rækjukvóti upp á 5000 tonn er bara bleyttur fingur upp í loftið til þess að segja til um veðurfar, ekki nákvæm fræði. Rækjan er svo neðarlega í keðjunni að allt fyrir ofan hana hefur megináhrif á stofnstærð. Það ætti þá að veiða meira af þorski ef menn vilja bjarga rækju, sem raunar bjargar sér sjálf. Aðalástæða snarlækkaðs kvóta síðustu ára var efnahagslegs eðlis, þar sem annað borgaði sig betur. Þessi aðgerð hefur spíraláhrif, eins og svangur maður sveltir sig meir til þess að eiga nógan mat.

Meira latte

Það liggur við að maður fari með veggjum, verandi í hópi menntamanna í Reykjavík 101, þar sem „latte-lepjandi-vitringar“ hringsúast um tölvumódel sín um hagi náttúrunnar, koltvísýringslosun og hvaðeina og gefa síðan út ófrávíkjanlega ráðgjöf til stjórnvalda út frá uppljómun sinni um það hvernig loka megi aðgangi að þessari viðkvæmu náttúru út um land og sæ, sem afar okkar og ömmur nýttu til þess að skapa okkur góða tilveru.

Vonandi tekur stjórnarmyndunin sem fæsta daga. Við megum engan tíma missa í að bæta skaða síðustu vikna.

Rækjuveiðum hætt 1. júlí

D+B með 60% þingmanna

Líkur á sterkri stjórn hafa aukist verulega með sigri Sjálfstæðisflokks og Framsóknarflokksins, með 38 þingmenn af 63 alls. Nú verður spennandi að sjá hvernig embætti dreifast. Sigmundur Davíð yrði góður fjármálaráðherra. Hanna Birna gæti orðið utanríkisráðherra, en er vafalítið meira á heimavelli í að stýra verkefnum hér heima. 

Þetta voru erfið fjögur vinstri ár fyrir Ísland!

BBC birti frétt um niðurstöðu kosninganna hér:

 http://www.bbc.co.uk/news/world-europe-22320282

Stjórnarflokkarnir tapa tæpum 28%

Takið Úllen-dúllen-doff- prófið

Óákveðnir kjósendur ættu að taka Úllen-dúllen-doff- prófið: það virkar! En fyrst er útilokunaraðferðin, þar sem ESB-flokkar detta út og þeir sem eyða atkvæðinu vegna 3% reglunnar. Þá eru eftir Sjálfstæðisflokkur, Framsóknarflokkur, Vinstri græn og Píratar. Úllen dúllen doff, kikke lane koff, koffe lane bikki bane, úllen dúllen doff. Svarið er komið. 

En kannski fengu Vinstri græn of langan séns (og sóttu hvort eð er um inngöngu í ESB) og detta því út. Tökum þá prófið á þeim þremur sem eftir eru: Sjálfstæðisflokkur, Framsóknarflokkur og Píratar. Svarið er þarna.

Sumir vilja kannski ekki rússnesku rúlletuna í Pírötum, þar sem skot er í öllum hólfum. Þá eru eftir Sjálfstæðisflokkur og Framsóknarflokkur. Takið úllen-dúllen-doff á það og svarið er ljóst.

Drífðu þig svo að kjósa! 

Landsmenn ganga að kjörborðinu

Framsókn opin til vinstri

Framsóknarflokkurinn er opinn fyrir vinstra samstarfi. Leiðin áfram yrði þá glæsileg með Samfylkingunni, Vinstri grænum og kannski krydduð með sérframboðum sem leita að oddaaðstöðu. Sterk stjórn og markviss, með skýra stefnu eftir vindi dagsins.

Allt fyrir atkvæðin.

 

Opinn fyrir vinstra samstarfi

Fern sett?

Fern sett eru orðin til í kosningunum 2013: Framsókn/Sjálfstæðisflokkur, Samfylking/Björt Framtíð, Píratar/Vinstri Græn og Allir hinir undir 5%.

Kosin er þá í réttri röð: uppbygging, ESB- stöðugleiki, umbylting eða óreiða.

Framsókn eykur forskotið

Freistnivandi Framsóknar

Freistnivandi Framsóknar verður meiri eftir því sem sól hennar rís hærra. Ef hún hækkar frekar gæti Framsókn freistast til þess að taka samtíning framboða með sér í stjórn í stað þeirrar styrku stjórnar sem Framsóknarflokkur og Sjálfstæðisflokkur væru líklegastir til þess að mynda eftir næstu kosningar.

Hvaða flokkur annars? 

Samfylkingin sannaði vanhæfni sína ærlega og aðalstefnumálið er ekki á dagskrá hjá flestum Íslendingum. Vinstri græn náðu að setja brennimark sitt á Ísland, svo að undan svíður. Fjöldi annarra framboða næði ekki að smala köttum til athafna frekar en Samfylkingin gerði. Þau vonast eftir oddaaðstöðu, hvert fyrir sig. Þannig gætu týpur ráðið á örlagastundu eins og Þráin Bertelsson og Þór Saari gerðu á núliðnu þingi.

Hvert leita hópar? 

Athyglisvert er hvert áhrifamikill hópur leitar, en það er HMHH: Hámenntaðir- Miðaldra- Hátekjukarlar á Höfuðborgarsvæðinu. Þessi hópur er einn sá áhrifamesti, aðhyllist ESB og sérstaklega Evru. Stærstu félögunum eins og SA,SI og Viðskiptaráði er stjórnað af þessum hópi. Síðustu ríkisstjórnir voru þeim að skapi, með Evrópumálin ofar öllu. Þeir fyrtust við staðfestu Landsfundar Sjálfstæðisflokksins gegn ESB- umsókninni, en sækja hart á fyrir kosningar. Kannski leita þeir að lokum yfir í Framsókn, eða þar til Sigmundur Davíð segist munu slíta ESB-viðræðum strax? En varla gerir hann það, þar sem Framsókn líkar fylgisaukningin. 

Framsókn með 28,5%

Kýpur- Evra með gjaldeyrishöftum

Á Bloomberg var bent á að Evra í höftum, eins og núna á Kýpur, er í raun annar gjaldmiðill, fyrst hann er ekki nýtanlegur og skiptanlegur að vild. Hann fær því annað gengi í raun, þar sem eftirspurnin er langt umfram framboðið. Kýpur- Evra er þá orðin staðreynd.

En skuldirnar eru núna greyptar í stein í gjaldeyri, því að þrenningin (AGS/ECB/ESB) náði að þröngva banvænum björgunarpakka upp á Kýpur, áður en landinu bæri gæfa til að koma með neyðarlög að íslenskum hætti, sem var að vísu mjög erfitt þar sem þau höfðu ekki sinn eigin gjaldeyri. Þannig að þó að Kýpur færi út úr Evrunni núna til að bjarga sér, þá eru skuldirnar fastar í rammþýskri Evru.

Miðlarar halda því fram að Evran, sem er á gengi um 1,28 USD/EUR núna sé tvennslags. Annars vegar Norður- Evra með gengi um 1,70 og síðan Suður- Evra með gengi um 0,90 USD/EUR og fallandi. Bilið er alltaf að breikka og er óbrúanlegt.

Sá samruni bankamála Evrulanda sem koma á kerfum þeirra 17 landa til bjargar verður æ fjarlægari sósíalistadraumur eftir því sem nær dregur í þeirri aðgerð. Krafist er sameiginlegrar fjárlagagerðar Evrulandanna að auki, þannig að fyrir liggur að núverandi Evra á sér ekki framtíð í því formi sem hún er. Þörf er algerrar umbyltingar á grunni Evrunnar, en það yrði pólitískt sjálfsmorð ríkisstjórna Evrulanda.

Vonast eftir betri efndum á Kýpur

Erfitt að afgera 4 ár

Ný ríkisstjórn þarf drjúgan tíma í að afgera afglöp ídealistanna sl. 4 ár, sérstaklega snilli þessa síðustu daga, þar sem lagahnoði er þröngvað í gegn um Alþingi með hrossaprangi í framlengingu. Ef Samfylking eða Vinstri græn komast aftur í að kjötkötlunum í maí, þá mun sá flokkur (báðir komast ekki að) gera allt til þess að verja þessar lagalufsur sem til urðu á þessum síðustu dögum. Fyrir utan það er aðlögunin að ESB- bákninu gengin fulllangt og tekur enn lengur að vinda ofan af þeirri áþján í ráðuneytunum.

Þannig að áður en gengið er af stað í fjallgönguna miklu til þess að sjá vítt til vegar, þá þarf aðstoð fólksins til þess að tæma grjótið úr bakpokunum, sem hlaðið var í þá sl. fögur ár. Kjósum með þetta í huga eftir mánuð. 

Loks hillir undir þinglok

Fólkið fái loksins að ráða

Gott upphaf kosningabaráttu XD var í fullum sal á Nordica í morgun, hjá Bjarna, Hönnu Birnu og stórum samstæðum hópi Sjálfstæðisfólks. Áherslan er rétt, að setja mál í forgang sem rjúfa kyrrstöðudoða sósíalismans og að eyða óvissunni sem heldur öllu í lás. Gaman að sjá kynnt allt þetta kraftmikla athafnafólk alls staðar að af landinu, tilbúið til athafna um leið og eymdar- stjórnin er farin frá.

Þjóðaratkvæðagreiðslu 

Evrópumálin eru á hreinu: Fólk fái að kjósa um það í þjóðaratkvæðagreiðslu hvort „samið“ verði við ESB um aðild eður ei. Vinstri stjórnin sveik Íslendinga um þennan rétt á meðan allir þingmenn Sjálfstæðisflokksins kröfðust hans fyrir hönd þjóðarinnar. 

Stjórnarskrárbreytingar: ekki á hlaupum 

Stjórnarskrármálin eru líka á hreinu: Unnið verður í þeim á réttum tíma og á skilvirkan hátt, ekki hlaupandi á göngum Alþingis í uppbótartíma eftir fjögurra ára hringlanda. Meir að segja Forseta Alþingis blöskraði aðfarir stjórnarflokkanna.

Hagur atvinnuvega og heimila 

Hagir atvinnuvega og heimilanna eru þétt samtvinnaðir sem mikilvægasta málið sem brennur á. Skattaánauðin fer líka að verða eins og og hjá Hollande ofursósíalista Frakklands. Nú er þessi samstæði hópur Sjálfstæðisfólks sem kosinn var, kominn af stað. Ég vona að fólk taki þeim vel og ræði um raunhæfar aðgerðir sem skipta máli strax og í náinni framtíð, frekar en að draga fram rispaðar Jóhönnuplötur með uppáhaldslögunum „Hér varð hrun“ eða t.d. „Einkavæðingin 2004“, sem RÚV hefur spilað svo oft að jafnvel stafræna útgáfan verður slitin!

Kjósum að fólkið fái að ráða. Sjálfstæði.

 

 

Enginn skattlagt sig úr kreppu

Lýðskrumið ríkir

Hvað hræðast nær allir þingmenn svo mikið, að þeir samþykkja umorðalaust tugmilljarða sóunaraðstoð af íslenskum láns-gjaldeyri til spilltustu kúgunarríkja í heimi? Er sú hræðsla komin á það stig að jafnvel Sjálfstæðisflokkurinn tekur undir þetta Samfylkingarhjal án mótatkvæða? Vigdís Hauksdóttir þarf að standa ein úti á víðavangi til verndar hrjáðum Íslendingum, þegar þingmenn hoppa nær allir sem einn í lýðskrums- julluna og vilja ekki rugga henni fyrir kosningar. Þetta minnir á Icesave3, þegar krosstrén brugðust líka. 

Fólk forðast umræðuna um þennan fjáraustur til óþurftar, þar sem hver vatnsdropi upp úr brunni endar með að kosta vigt sína í gulli og hver skólaganga á við Harvard-vist. Verst er að kerfi eru fóstruð sem viðhalda þeirri spillingu sem skóp ástandið þar sem peningunum er eytt.

Spyrjið fólk sem hefur unnið í þessu í áratugi. Kynnið ykkur málin, t.d. að 8% upprunalegu fjár- upphæðarinnar hjá SÞ endar hjá þeim börnum sem hjálpa átti. Ríkið sendir Íslendinga til vistar í löndunum með milljóna- skattfrí laun, kokk og hvaðeina. Kerfið er fyrir löngu farið að fóstra sig sjálft, til viðhalds sjálfu sér og þeim úrelta grunni sem það byggði á í ídealísku upphafi sínu.

Deildu um afstöðu Vigdísar

Carl Bildt í ESB og flotta sænska krónan

Carl Bildt utanríkisráðherra Svíþjóðar hélt ágætan fyrirlestur í Norræna Húsinu í dag um ESB við mikinn fögnuð ESB- sinna, enda bar hann lof í trogum á sambandið. Ég spurði hann um sænsku krónuna (SEK): Fyrst svo vel hefur gengið með SEK í Svíþjóð í þessi 20 ESB- ár Svíþjóðar og fjárfestar flykkjast núna úr Evru yfir í SEK, er það þá ekki hið besta mál að halda því áfram?

Árangur með sænska krónu

Carl Bildt forðaðist spurninguna að mestu (að mínu mati) með því að tala um það hve hvikult fé flestra fjárfesta er. Hann ítrekaði síðan Evru- ást sína. Það er þrátt fyrir velgengni Svíðjóðar með sína krónu og það hve sjálfstæðið er þeim mikilvægt, þegar Evru- löndin 17 hræra sig saman í eina skuldasúpu, en Bildt hafði engar áhyggjur af því. Pólitíkin virkar þannig, sagði hann, að t.d. utanríkisráðherrarnir greiða aldrei atkvæði á fundum sínum, heldur ræða sig að niðurstöðu. Ætli hún sé fyrirframgefin?

EES: engin áhrif á lagasetningu 

Bildt sagði EES-samninginn góðan til síns brúks, að færa Ísland nær ESB í reglum osfrv. (enda stóð hann að gerð samningsins). En stóri munurinn ef til aðildar kemur er sá að Ísland hefur þá áhrif á lagasetninguna sjálfa innan ESB! Trúlegt.

Fleiri aðildarlönd, Tyrkland velkomið 

Sænski utanríkisráðherrann vill fleiri meðlimi í ESB, bara betra! Hann tók sérstaklega fram að Tyrkland ætti að fá aðild, en það hefur beðið á bekknum í áratugi. Þar búa 75,6 milljónir manna og 99,8% þeirra eru múhammeðstrúar. Ef það hefur ekki áhrif á stjórnunarhætti í ESB, af hverju ættu 0,32 milljónir Íslendinga að breyta einhverju þó að þeir séu 236 sinnum fleiri en við?

Engin þörf á Evru 

Ein aðalástæðan fyrir löngun Já- ESB sinna í „öryggið“ í Brussel er Evran sem ekkert fær haggað. En Carl Bildt og Svíþjóð eru sönnun þess að ef ríki lagar til í fjármálunum hjá sér (sem er skilyrði inngöngu), þá þarf ekki að gangast undir afarkosti Sambands Evrulanda með Evruna. Svo færa Bretar sig eflaust yfir til okkar í EES- samning!

Norðurslóðamál í deiglunni