Kolröng þýðing: ESB ræður ríkjum

Jafnvel mbl.is getur klikkað: Fréttinni um drottnunar- ESB áætlun Sarkosys er snúið á haus og sagt á mbl.is- vefnum: „Ræða forsetans er sögð leggja grunninn að umdeildri áætlun sem miðar að því að veita Evrópuríkjum meira svigrúm til að stýra eigin fjármálum.“ Öðru nær!!!

Reuters segir þarna: "A plan that would give the European Union more control over national budgets" eða "áætlun sem færir Evrópusambandinu aukna stjórn yfir fjármálum hvers ríkis". Enda ætla Sarkosy og Merkel að leggja fram plön sín um ESB- yfirráð Evrulanda þann 9. desember næstkomandi. Þar með geta Jóhanna og Össur ekki lengur haldið því fram að við myndum ráða sem nokkru næmi yfir ríkisfjármálunum eftir að Ísland væri komið inn í ESB og með Evruna frægu.

Franskir bankar skulda óheyrilegar upphæðir og lenda hvað verst út úr falli Grikklands, en nú þegar er hlutafé í helstu grískum bönkum afskrifað um 80%. Sarkosy rær lífróður í því að draga Seðlabanka Evrópu inn í fall Frakklands. Áætlunin framundan mánudagsins miðar að því að öll Evrulöndin og raunar ESB beri ábyrgð á Suður- Evrópska harmleiknum. Íslendingar verða að forða sér úr ESB- aðlöguninni á meðan kostur er.

Sarkozy: Óttinn lamar

Sjálfstæðisflokkurinn: stöðva ESB- „viðræður“

Landsfundi Sjálfstæðisflokksins lauk með þeim jákvæðu fréttum að hartnær allir voru á því að stoppa ESB- „viðræðurnar“  strax. Umræðan var alls ekki lengur um inngöngu í ESB: augljóst fylgi gegn inngöngu í ESB er afgerandi í flokknum. Fyrrum ESB- aðdáendur virðast hafa lesið aðra fjölmiðla líka í viðbót við Fréttablaðið sitt, því að þau sjá hvað er að gerast hjá aðlögunarstjóranum ESB og vilja stöðva „viðræðurnar“ án tafar.

Að gera hlé er að stöðva

Nú opnast skýr leið fyrir meginþorra þjóðarinnar, fólkið sem vill ekki aðild Íslands að ESB og vill að þessar „viðræður“ stöðvist nú þegar, til þess að kjósa flokk sem fylgir sannfæringu þeirra um sjálfstæða þjóð.  Hinir kjósa Samfylkinguna, yfirlýsta ESB- flokkinn, eða Steingrím J., fylgifisk hennar líkt og í borgarmálunum, þar sem Gnarr er drepfyndni fylgifiskurinn. Baldur og Konni blikna í samanburðinum.

Forysta með allt á hreinu

Bæði formaður Sjálfstæðisflokksins og varaformaður hafa á þessari helgi margítrekað að þessar viðræður beri að stöðva strax og að ESB- aðild komi ekki til greina eins og orðið er.  Formaðurinn fer heldur ekki í grafgötur með það hver vilji flokksins er eftir þennan landsfund. Hanna Birna stóð sig vel og sýndi hve frambærileg hún er, að ná 45% gegn sitjandi formanni. Hún myndi sóma sér vel í næstu ríkisstjórn, kærði hún sig um það.

 

 

Hitt er svo annað mál að ég vildi ganga lengra vegna ESB (eins og venjulega!): Aðlöguninni að ESB á að slíta til langframa og reyna að afgera það reglugerðaveldi sem eina sanna vinstri stjórn Íslands hefur innleitt á örskömmum tíma til tjónkunar við ESB- báknið.

Ræðan sem aldrei var flutt

Hér er ræða mín sem aldrei var flutt vegna tímaskorts í ræðustóli:

„Ég mæli með tillögu Elliða um að hætta aðlögun að ESB. Það er reginmunur á því hvort hlé sé gert á þessu eða að því verði slitið.

Ég hef stundað útflutning sjávarafurða, aðallega á rækju, síðastliðin 27 ár. Fríverslunarsamningar koma mér verulega við í starfinu. Við Íslendingar höfum ærlega notið þeirrar gæfu að samningamaður Íslands vegna EFTA samningsins árið 1972 laumaði inn 0% tolli á íslenska rækju. Heilu byggðir landsins og raunar þjóðin öll hafa notið þeirrar gjaldeyrissköpunar síða, eftir að sú grein komst verulega á legg hér á landi.

Við samþykkjum hér að sækjast eftir fríverslunarsamningum við nokkur stór ríki, þ.á.m. Kína. Fríverslunarsamningar Íslendinga við Kína gengu mjög vel og voru nær í hendi þegar daðrið við ESB hófst, en þá setti Kína samningsdrögin í neðstu skúffu og læstu henni, þar sem ESB kemur fram sem einn samningsaðili gagnvart Kína og væri þá íslenski samningurinn marklaus, þar sem Ísland er í aðildarferli við ESB. Það sama má segja vegna Indlands og annarra stórra landa.

Ef svokölluðum viðræðum við ESB er slitið, þá er þeim dyrum lokað og því tímabili í lífi okkar lokið. En þá opnast aðrar dyr: fríverslunarsamningar við Kína og önnur lönd koma aftur sterklega til greina. En ef einungis hlé er er gert á viðræðunum, þá er dyrunum bara hallað aftur og ekkert gerist.

Helen Keller orðaði þetta vel:

„Þegar einar dyr lokast opnast aðrar, en við horfum oft svo lengi og með svo mikilli eftirsjá á dyrnar sem lokuðust að við tökum ekki eftir öllum þeim dyrum sem standa opnar.“

Harðlínuöfl ofan á

Spennan eykst: Slíta ESB, velja formann

Landsfundur Sjálfstæðisflokksins  er bara nokkuð góður núna. Það grillir í að talað verði hreint út um það hvort slíta beri ESB- aðildarferlinu strax eða hvort enn megi ekki minnast á beinagrindina í skápnum eins og á Landsfundinum árið 2006, þegar miðjumoðslausnir urðu til sigurs Samfylkingar og ESB- armsins sem leiddi þessa vegferð til sjálfskaparvítis , aðildarviðræður við Evrópska Skuldabandalagið.

Hvernig virkar lýðræðið?

En manni verður oft hugsað til þess hvernig lýðræði virkar yfirleitt. Með nýjum fundarsköpum flokksins, sem ákveðin voru af Miðstjórn, þá verða tillögur að berast skriflega fyrir lok fundar viðeigandi nefndar á föstudeginum.  Um 70 af 1600 (4,4%) fulltrúum voru á fundi Utanríkisnefndar, þar sem vel var mætt af ESB- klappliðinu. Varla þarf því nema 40 manns (2,5%) til þess að fella eða samþykkja breytingartillögur við drögin sem sköpuð voru áður í tiltölulega fámennum nefndum. Fundurinn í aðalsalnum í lokin tekur síðan á þessu, en þar getur virst að almennt fylgi sé fyrir viðhorfi sem einungis fáir studdu, en náðu að fylgja eftir í viðeigandi nefnd. Hafi einhver áhuga á tvennum eða fleirum óskyldum málum, þá nær hann ekki að fylgja þeim eftir, þar sem tillaga hans öðrum megin hlýtur óblíðari meðferð ef flutningsmanns nýtur ekki við. En tugþúsundir sjálfstæðisfólks, hinn risastóri þögli meirihluti, nær sjaldnast að láta heyrast í sér nema í kosningum.

Afgerandi afstaða

Bæði formannsefnin, Bjarni Ben og Hanna Birna hafa staðfest að þau munu fylgja samþykktum flokksins. Ástæða þótti til þess að ítreka þennan þátt til þess að forðast aðstæður eins og „ískalda matið“ vegna Icesave- málsins. Hanna Birna, sem stóð gegn Icesave, gegnur skrefið til fulls og segir að slíta beri ESB- viðræðum án tafar. Meir að segja ESB- sinnar sem ég þekki eru það raunsæir að þeir vilja setja umsóknina á ís um sinn á meðan Róm og restin af Evrulandi brennur.

Hanna Birna líkleg

Afstaða Hönnu Birnu ein sér ætti að nægja henni til forystu, þar sem fylgi flokksins hefur jafnan styrkst þegar talað er afdráttarlaust gegn ESB. En einnig virðist hún líkleg til þess að sameina ólík öfl til þess að taka á erfiðum málum eins og hún gerði sem borgarstjóri og tók á skuldamálunum, virkjaði allt kerfið sem fyrir var og lét það ganga upp (þótt Samfylkingin og Gnarr-fylkingin hafi verið fljót að rústa því aftur).

Með þjóðinni

En formannskosningin er á sunnudaginn. Í dag, laugardag verður spennandi að sjá hvort fá megi skýrar afstöður til helstu þátta sem máli skipta, þannig að vinna fjöldans að betra þjóðfélagi skili sem mestum árangri í næstu kosningum.Þá ná sem flestir að fella þessa óheillastjórn sem nú ræður ríkjum með höftum sínum, hindrunum og sköttum.

Ég hvet alla áhugasama til að fylgjast með á netinu: T.d. fyrirspurn Yours Truly til forystunnar, nú á videóinu, (25. mínúta):

http://www.xd.is/landsfundur-2011/upptokur#vimeo.com/32318531

Svör Bjarna Ben og Ólafar Nordal á 33. og 40. mínútu.

 

 

Tillögur tóku breytingum

Já eða nei?

Nú þarf að fara í sömu þrautagöngu og áður með Bjarna Benediktsson, að fá afgerandi svar frá Hönnu Birnu hvort hún vilji slíta ESB- aðlögunarferlinu án tafar.

Annars fer hún klassísku leiðina, að láta kjósa sig út á loðnar setningar og fer síðan eftir ísköldu hagsmunamati eða sannfæringu sinni, sem getur hentað Samfylkingunni vel í að viðhalda stöðnuðu þjóðfélagi í Evrópu- sósíal- demókratískum anda.

Hanna Birna og Bjarni, já eða nei við slitum ESB- aðlögunarferlis?

Snýst um líklegan sigurvegara

Þið fáið ekki eitt Evru- sent!

Sarkozy Frakklandsforseti segir Grikki ekki fá eitt cent af „björgunar“- pakka nema að þeir fari eftir hrunsamningi Þýskalands og Frakklands um Grikkland, sem fól í sér að sú þjóð nái aldrei vexti til þess að greiða skuldirnar upp.

 

Nú finna Grikkir verulega til öryggisins í faðmi Evrunnar, í skjóli Evrópusambandsins og með Evrópska seðlabankann (ECB) að bakhjarli!  Enginn virðist enn spyrja hvort góður hluti björgunargreiðslanna fari ekki bara í afborganir og vexti af lánum.

 

Af hverju á grískur almenningur að staðfesta samning sem tryggir ævarandi áþján, svo að franskir og þýskir bankar lifi?

 

Ef ég væri Grikki, þá segði ég „Nei“.

Ræða vanda Grikklands

Haustmaraþon FM: nokkrar myndir

Hér líða maraþonhlauparar hjá tímunum saman í Haustmaraþoni FM. Ég dáist að þessu þrautseiga fólki og tók nokkrar myndir sem fylgja í þessum tengli:

https://picasaweb.google.com/107972936124078389294/MarathonIcelandOct2011?authuser=0&feat=directlink

 

Með hverjum standa íslensk stjórnvöld nú?

Á meðan lífsbardagi grísks almennings við stjórnmálamenn sína, ESB, AGS og þýska og franskra banka geisar, hvar stendur þá íslenska vinstri- ríkisstjórnin, málsvari lítilmagnans? Alþýðubandalagið endurborið. Tekur hún undir rödd fjöldans, að fólkinu beri að bjarga, en leggja ekki á það slíkar byrðar að það geti ekki dregið vagninn? Aldeilis ekki, hún þegir þunnu hljóði, þar sem ofangreindir aðilar undir forystu ESB eru ákveðnir í því að mjólka grískan almenning til þess að bjarga Evrunni og ESB, þótt markaðurinn meti 96% líkur á greiðslufalli Grikklands innan fimm ára og ávöxtunarkrafa tveggja ára grískra skuldabréfa sé um 60%!

 

Ekki minnst á vandann

Evru- pólítíkusar lifa í slíkum ídealistiskum draumaheimi núorðið, að raunverulegu hætturnar eru ekki einu sinni ræddar. Fjármálaráðherrar Evrulanda hittust um sl. helgi. Eftir það staðfesti fjármálaráðherra Írlands við Bloomberg fréttaveituna að hugsanlegt greiðslufall Grikkja hafi ekki komið til umræðu! Össur Skarpéðinsson utanríkisráðherra sómir sér vel í slíkum hópi, þar sem erfiðar ESB- staðreyndir eru ekki ræddar eða þeim snúið á haus.

 

“This debt is unpayable”

Þessi skuld Grikkja verður ekki greidd. Greiðslufall er óumflýjanlegt, skv. Mario Blejer, sem stýrði seðlabanka Argentínu eftir hrun þeirrar þjóðar. Það verður að gerast af alvöru (t.d. helmings- afskrift skulda) og alls ekki að litlum hluta, það er verst af öllu.  Hrynji Evran, ESB eða franskir bankar verður svo að vera, því að fölsku hagkerfi verður ekki viðhaldið til eilífðar. Þetta risa- Icesave Grikkja má ekki staðfesta, eigi þjóðin að eiga sér viðreisnarvon.

 

En stuðningur Jóhönnu Sig., Össurar og Steingríms J. verður við ESB og IMF  í þessu máli. Það heimtar sölu ríkiseigna Grikklands og að ógreiðanlegar skuldir verði greiddar af buguðum grískum almenningi.

 

Frá Bloomberg:

Mario Blejer, who managed Argentina’s central bank in the aftermath of the world’s biggest sovereign default, said Greece should halt payments on its debt to stop a deterioration of the economy that threatens the EU.  “This debt is unpayable,” Blejer, who was also an adviser to Bank of England Governor Mervyn King from 2003 to 2008, said in an interview last week in Buenos Aires. “Greece should default, and default big. A small default is worse than a big default and also worse than no default.” Greece’s debt is about 140 percent of its economy, according to data compiled by Bloomberg.

Íhuga þjóðaratkvæði um evruna

Krísa Evrulanda er pólítísk

Krísa Evrulanda er pólítísk krísa, ekki aðeins fjármálaleg. Skuldir Grikkja eru ekki sjálfbærar, það er óumdeilt, enda 98% líkur á greiðslufalli ríkisins. Öll leggjast þau á eitt að þröngva haftaaðgerðum upp á grísku þjóðina, ESB, AGS, EFSF, þjóðhöfðingjar Evrópusambandsríkja og nú Bandaríkjastjórn. En grískur almenningur veit að hann getur aldrei greitt þessar skuldir og t.d. þýskur og finnskur almenningur telur sig ekki eiga að greiða þær. Samtvinnað valdakerfi ESB og bankanna ætlar að þröngva þessum aðgerðum í gegn þrátt fyrir allt.

Botnlangann af?

Grikkir hafa enga leið út úr Evrunni og verða að fá að skera niður skuldir eins og Íslendingar gerðu. Markaðirnir tækju því líklega vel að skera þennan botnlanga af og losa um óvissuna, en stjórnmálafólk í Evrópu tekur það ekki í mál og ætlar að bjarga öllum sínum bönkum, ekki bara þeim kannski 2/3 hluta sem er viðbjargandi.  Grísk bylting sem endar í Ný- Drökmu er því eina lausnin fyrir Grikkina sjálfa.

Lausnin: Meira FIAT

Nýjustu samhæfðar aðgerðir seðlabankanna eru endurtekning frá 2008 bankakrísunni, þar sem ýmsir Evrópskir bankar eiga í vandræðum með útvegun lausafjár. Bandaríkin koma til bjargar með aukna fiat- platpeninga ef í harðbakkann slær, en þá næst aldrei að taka á raunverulegu vandamálunum, uppsöfnuðum ofurskuldum og ofgíruðum fjármálagerningum sem færðust frá einkageiranum yfir á ríkin. Federal Reserve seðlabankinn er því núna seðlabanki heimsins og viðheldur Bandaríkjadollar sem heimsgjaldmiðli í viðskiptum.

Lausnin: Evrópuskuldabréf?

Evrópuskuldabréf (Eurobonds) má slá út af borðinu.  Samkvæmt mbl.is (eftir euobserver.com) sagði Angela Merkel, kanslari Þýskalands, sem öllu ræður: „Evruskuldabréf væru alger mistök. Til þess að hafa sameiginlega vexti þá þarftu að búa við hliðstæða samkeppnishæfni og hliðstætt fjárlagafyrirkomulag,“ . Nær algert valdaframsal í yfirstjórn fjármála til ESB er forsenda Evruskuldabréfa. Bandaríki Evrópuríkja er ekki í uppsiglingu.

Ofurskuldug Evrulönd

Skoða þarf þær upphæðir sem Evrulönd skulda og vilja nú bæta vel við þær skuldir, þótt álag fari hækkandi. Ítalía ein skuldar 1,9 trilljón Evra, um þrjú hundruð þúsund milljarða íslenskra haftakróna. Ítalía er þriðja stærsta hagkerfi Evrópu og er því í raun greiðandi að Grikkjaskuldunum, en ítalskir bankar eru þar stórir skuldareigendur. Stærstir þeirra eru þó franskir bankar í öðru stærsta hagkerfi Evrópu. Þeir eiga mest af skuldum Grikkja, sem verða nær örugglega skornar niður, nema franskur almenningur og öll hin 17 Evrulöndin samþykki að styrkja Grikki með öðrum risastórum gjafapakka sem fer mest í að greiða frönskum og þýskum bönkum!

Hagvöxtur að hætti Jóhönnu

Nýjar hagtölur sýna að hagkerfi ESB hefur staðnað (vex ekki). Evrópusambandið leyfir ekki að þjóðir taki upp Evru nema með ESB- aðild og aðhaldi skv. Maastricht reglum, ef einhver þjóð fyrirfinnst sem ganga vill í Evrópska Skulda- Bandalagið núna.

Evrusinnar: Allir í laugina!

Jóhanna Sig., Steingrímur J., Þorgerður Katrín ofl. Evrusinnar vilja að við hendum okkur út í djúpa enda ofangreindrar Evrópuskulda- sundlaugar með skuldbindingum sem verða ekki aftur teknar til baka. Við buslum frekar í grunnu Íslandslauginni áfram, heldur en að fara í djúpu laugina með alvöru skuldurunum.

Við þurfum aðeins að fá stjórn sem hugsar um annað en aðild að stærsta vandamálapakka heimsins.

Tækifæri fyrir ESB í norðri með aðild Íslands

Danir í vanda

Nú er Dönum vorkunn: helmingaskipt þjóðin fær núna yfir sig vinstri stjórn að hætti Jóhönnu Sig. með höftum og hærri sköttum, en slakar á einu, þ.e. innflytjendastefnunni.

Helle Thorning- Schmidt þarf þó að smala enn fleiri köttum en Jóhanna og eiga við enn fleiri „Þráinn Bertelsson- týpur“, skv. niðurstöðu kosninganna. Vandræði Íslendinga virðast hjóm eitt!

„Sigri fylgja skyldur“

Út úr Evrópska Skulda- Bandalaginu?

Nú þegar Grikkland rambar á barmi gjaldþrots, þá ákveða þeir samt að halda sig í Evrulandi. En Þjóðverjar ráða þessu og tala skýrt:  Samningur var gerður. Ef hann er rofinn, þá verður ekki um aðra greiðslu að ræða. Þar með geti Grikkir ekki haldið sig innan Evrunnar. Ný- Drakma verður æ líklegri með stórri gegnisfellingu frá Evrunni.

Þrot

Tölurnar eru ekki gæfulegar:  Ávöxtunarkrafa 10 ára grískra ríkisskuldabréfa er yfir 20% en á tveggja ára  bréf er hún yfir 60%! Síðan eru líkurnar á gjaldfalli yfir 90%, enda skuldatryggingin á yfir 30% (þ.e. það kostar yfir 3 milljónir dollara að tryggja grískt 10 ára, 10 milljóna USD bréf í eitt ár).

Suðrið allt

Franskir bankar falla hratt vegna þess hve grísk lán eru stór hluti af körfu þeirra stærstu. Einn þeirra stærstu hefur helmingast í virði á árinu. Portúgal og Ítalía halda vandræðum sínum áfram.

Norðrið sterkara

Á meðan suðrið riðar til falls styrkist norðrið: Ríkisskuldabréf í Þýskalandi, Hollandi og Finnlandi eru met- sterk í dag með mjög lága ávöxtunarkröfu. Aðskilnaður suðurs og norðurs er því að verða að veruleika, þar sem Þjóðverjar verða allsráðandi í Evrunni eða Norður- Evru og raunar í fjármálum þeirra ESB-  aðildarríkja. 

En Ísland sækir samt um!

Ríkisstjórn Íslands vill sækja um aðild að sósíalistaklúbbnum í Evrulandi eins og hann átti að verða í upphafi, ekki eins og hann er. Aðild að Evrópska Skulda- Bandalaginu (ESB) og Evrulandi er hrein firra eins og málin hafa þróast.

Allt gert til að hindra greiðslufall

11. sept. á Íslandi

Hér eru myndir sem ég tók 11. sept. 2011 og minna á atburðina forðum. Þyrla kom einmitt inn á eina myndina og ljósið stefnir að turnunum. Hafnarfjörður er í baksýn. Tunglið er fullt. Smellið oft á myndirnar til stækkunar.

Nokkrir grunaðir um hryðjuverk

Aðgerðaleysi? Aldeilis ekki

Á að dæma Geir H. Haarde fyrir skuldasöfnun fyrirtækja og banka upp á 25.000 milljarða króna? Helst virðist ákært fyrir aðgerðarleysi frekar en rangar aðgerðir. Þá er mér spurn, var þessi einstaka aðgerð, neyðarlögin, ekki einmitt það sem gerði okkur fært að létta nokkur þúsund milljarða króna skuldum af okkur yfir á erlenda banka? Þá telur eflaust  einhver Besserwisserinn að Geir hefði átt að úthúða íslenska bankakerfinu áður en að þessum tímapunkti kom. En hefði hann gert það, þá hefði hann verið talinn sá sem felldi einmitt kerfið, orsakamaður Hrunsins.

Orsökin

Mörgum var orðið ljóst árið 2007 að útþenslubólan í bankakerfi heimsins var orðin nær óstöðvandi. Núna er smám saman að koma í ljós hve nokkur amerísk fjárfestingafélög höfðu endalausan aðgang að peningum Federal Reserve, ameríska einkaseðlabankans. Þessar flóðgáttir opnuðust bönkum út um allan heim og enginn mannlegur máttur gat stöðvað þetta offramboð peninga þótt hann vildi. Þetta minnir mig á sandvirkin í fjörunni í Skerjafirði  sem maður reisti forðum: flóðið tók þau alltaf, sama hve mikill sandur var borinn í virkin.  

Kutinn í bakið

En að draga fyrir dóm í sakamáli vegna meints aðgerðarleysis virtasta stjórnmálamann síðari tíma, sem 70% þjóðarinnar treysti best til þess að halda á stjórnartaumunum, er fáheyrð mannvonska.  Hver stóð svo helst að þessari aðgerð og greiddi því atkvæði að aðrir ráðamenn í réttum flokki slyppu við þennan áralanga ófögnuð? Nú auðvitað Jóhanna Sigurðardóttir, slakasti forsætisráðherra í minni elstu manna. Hún hafði margföld tækifæri til þess að koma í veg fyrir þessa ósanngjörnu aðgerð gagnvart samstarfsaðila sínum, en brást trausti alls sómakærs fólks með því að beita þessum kuta í bakið þegar leitin að þessum blóraböggli var eina leið hennar til þess að forðast ábyrgð í hundraðasta sinn.

Fáum frið

Mér er stórlega til efs að Jóhanna Sig. hefði staðið keikari en Geir H. Haarde í þessum stormi þegar hann gekk yfir í september og október árið 2008. Hún hefði heldur kosið að halda áfram að reikna út bætur í Tryggingastofnun Ríkisins, herbergi 13c, sem opið er á fimmtudögum á milli kl. 14:00 og 16:00, til þess að taka við kvörtunum, rituðum á form B135 í fjórriti.

En okkur hin á hún að láta í friði svo að við getum átt við afleiðingar alþjóðlegs efnahagshruns.

Óljós málatilbúnaður

Reykjavíkurmaraþon 2011: myndir

Hér er tengill á myndir úr Reykjavíkurmaraþoni 2011 í blíðunni í Skerjafirði, um miðbik og síðari hluta keppninnar, ekki allir keppendur, bara til gamans. Keppendur eiga þarna um 10 kílómetra eftir í hitanum og logninu. Álíka og hlaupið mitt þá um morguninn!

Myndaskráin fór óvart inn á myndaskrá mína frá Vormaraþoni 2011. Byrjið bara á þessari mynd nr. 167 og á góða veðrinu! Athugið að ein síða er eftir í viðbót neðst til hægri. Látið mig vita ef þið viljið einhverja mynd burt.

Smellið þrisvar á neðstu myndina hér til þess að stækka hana. Mér finnst hún nokkuð flott, hraðbátar og allt!

http://ivarpals.com/koparmyndir/displayimage.php?album=14&pos=166

A link to some of my photos from Reykjavik Marathon in Iceland in August 2011. This is from the full Marathon only.

Metþátttaka í maraþoni

Maraþonröð

Hið ágæta Reykjavíkurmaraþon átti erfiða byrjun í Laugardagshöllinni í eftirmiðdag föstudagsins. Skipulagið var svo undarlegt í þetta skipti að metfjöldi fólks sem höfðu skráð sig á netinu þurftu að hanga í röðum tímunum saman til þess eins að fá afhent gögnin sem voru tilbúin. Óþarfa klúður sem verður vonandi aldrei endurtekið. Sem betur fer var ég í nýskráningu en þar var bara hálftíma röð.

Í ofanálág voru fá bílastæði laus vegna þessa fyrir utan en bílastæðavörður á fullu að rukka!

Metþátttaka í maraþoni

Evrusvæðið: efnahagslegur samruni framundan

Evrópska skuldabandalagið (ESB) stefnir núna hraðbyri í Sameinaða Evrópu, samkvæmt tvíeykinu Merkel og Sarkozy, sem ráða örlögum ESB þessa dagana. Mörkuðum líst ekki á fyrirheitna landið þeirra, þar sem lausnin er að ráðskast til um fjármál hinna ESB –ríkjanna, auk þess sem skattlagning á fjármálagerninga er nýja lausnin.Sarkozy sagði að framundan væri meiri efnahagslegur samruni Evrusvæðisins.

Heldur einhver ennþá að heppilegra sé að Þýskaland og Frakkland ákveði framtíðarmöguleika Íslendinga heldur en að við gerum það sjálf? Eða að betra sé að synda í skuldakeri Evrópu heldur en að eiga aðeins við okkar eigin skuldir?

Vinsamlegast færið Jóhönnu Sig. þýðingar af heimsfréttunum í einangrunarklefann sem hún hlýtur að vera stödd í, fyrst hún heldur umsókn Íslands að ESB til streitu.

Viðbrögðin voru vísitölufall

Besti flokkur máva, njóla og fífla

Hirðuleysi borgaryfirvalda sýnir sig enn, núna í mávunum. Ég horfi á mávagengi vaða uppi óaáreitt, t.d. ofsækja endur með unga sína hér í fjöru Skerjafjarðar, þar sem tvö pör með 8 unga alls voru fljótt komin niður í tvo unga, en önnur andapör ungalaus.

Mávaplágunni er ekki haldið niðri frekar en fíflum eða njólum, en borgarstarfsmenn eða verktakar sáust hvergi þegar sú plága óx úr sér fyrr í sumar. Nú eru ýmsir ofnæmisvakar í hámarki, vegna þess að borgin lét hjá líða að halda sér í lagi.

Hvað er næst? Þarf rottuplágu til þess að hreyfa við fólki? Ætlar Gnarr þá að spila á flautu til þess að (G)narra  þær út úr Reykjavík, út á Seltjarnarnes?

Mávur réðist á kanínu