Músíkin á Titanic

ESB er hætt að koma manni á óvart í áratuga- framundan- stefnumörkun sinni að bæta heiminn á meðan nærumhverfið og nútími þess er í fjárhagslegri rúst. Orðið „metnaður“ kemur alltaf fyrir þegar tilkynningum ESB um fyrirmyndarríkið er varpað um heiminn og minni kolefnislosun er eitt aðalatriðanna sem drottnunarsamsteypa ídealistanna leggur áherslu á.

Barist gegn hlýjum vindum

Sannarlega eru það ekki fjármál, samkeppnisfærni, skilvirkni, frelsi þjóðanna og afkoma einstaklinganna sem mestu máli skipta fyrir ESB, enda dalar það hjá þeim, heldur skal minnka varmaukningu heimsins um 2°C með góðu eða illu. Skiljanlegra væri ef barist væri gegn mengun, en svo herfilega er búið að rugla umræðuna að kolefnislosun er gjarnan kölluð mengun, sem hún er ekki.

Valdatækið kolefnislosun 

Evrópusambandið beitir þessu valdatæki sínu, kolefnislosun, til þess að handstýra því hvaða aðildarþjóð fær að vaxa eða hver skal dala. Pólverjar verða t.d. gjarnan undir í þeirri baráttu og niðurskurði á orkuframleiðslu og -notkun þar er beitt grimmt, á meðan Þjóðverjar auka kolanotkun sína en loka kjarnorkuverunum og Frakkar nota sín á fullu með 3/4 raforkuframleiðslunnar frá kjarnorku.

Verstir sjálfum sér 

Síðast þegar ég athugaði þá voru 17% kolefnislosunar heimsins undir stýringu, aðallega ESB, á meðan hin 83% voru hindrunarlítið hjá öðrum ríkjum sem njóta helst hagvaxtar. ESB er verst sjálfu sér en heldur samt áfram að spila sömu músíkina á meðan fjármál þeirra stefna beint á ísjakann.

Samþykkja að draga úr losun

Fundurinn gegn lokun bar árangur

Fjölmennur fundur Hjartans í Vatnsmýri gegn áformum Dags & Co um að leggja niður neyðarbraut Reykjavíkurflugvallar bar strax árangur. Umhverfis- og skipulagsráð hélt sinn fund í fyrradag og frestaði ákvörðuninni sem til stóð að taka. Síðan hefur Hjálmar Sveinsson formaður ráðsins komið fram og talað um misskilning og gönuhlaup, en ekkert slíkt er í gangi. Skýrt stendur í skipulaginu að það sé meginforsenda Hlíðarendabyggðar að neyðarbrautin fari. Ef götur ofl. að þessum blokkum eru samþykktar, þá þýðir það að brautin heyrir sögunni til. Of seint er að andmæla þá.

Allan sannleikann fram 

Stöðva ber Dag B. Eggertsson og borgarstjórnarmeirihlutann í þessari vel þekktu aðferð þeirra að lauma samþykktum og staðfestingum að þangað til allt er orðið of seint fyrir andstæðingana. Það tókst að stöðva stórgallaða Hverfisskipulagið með rödd fjöldans og svo núna með neyðarbrautina. En skipulags- skriðdrekinn er samt kominn á fullt að rústa rétti íbúanna til eigna sinna, frelsis í umferð um borgina og sérstaklega öllu varðandi flugvöllinn. Fylgja þarf eftir þessum málum, að ná sannleikanum út í tíma þannig að laumuskipulagið verði ekki að veruleika.

Engin áhrif á neyðarbrautina

Fólkinu er ekki sama

Dagur B. Eggertsson borgarstjóri,sem var áheyrandi á þessum fjölmenna fundi um Reykjavíkurflugvöll og sérstaklega neyðarbrautina, getur ekki leitt hjá sér hvílík samstaða er hjá mörgum Reykvíkingum gegn því að leggja niður brautina, sem óbeint stendur til hjá Umhverfis- og skipulagsráði á morgun, miðvikudaginn 22. október 2014. Eftir þennan góða fund er ég sannfærður um að meirihluti ráðsins getur ekki verið svo pólitískt skyni skroppinn að staðfesta framkvæmdaleyfi fyrir Valsmenn á Hlíðarenda, en sú byggð krefst þess að neyðarflugbrautin fari. 

Slær hann til? 

En ef meirihluti ráðsins og síðan Borgarstjórn láta samt skripla á skötu með þetta og samþykkja, þá getur hann bókað það að eiga ekki jafn náðuga daga og í aðdraganda síðustu borgarstjórnarkosninga, þegar fólk í flestum flokkum mátti vart vatni halda yfir snilli orðræðunnar. Flugvallarmálið (ásamt neyðarflugbrautinni) í heild sinni er slíkt yfirgnæfandi hagsmunamál Reykvíkinga og landsmanna allra, að þegar sýnt er fram á það lið fyrir lið eins og á þessum fundi, þá hlýtur það að hafa áhrif allt inn í dýpstu afkima 101, þar sem latte- froðan flæðir mest.  

Skipulag í höndum fólksins 

Ljóst er að skipulag borgarinnar kemur ekki heilagt og fullskapað úr höfði Seifs eða einhverju Samfylkingar- höfðinu, heldur ætti það að vera tekið þannig fyrir að íbúarnir hafi eitthvað um það að segja, ekki bara 18% þeirra eins og í gervikosningunni um flugvöllinn forðum, sem mörg okkar hundsuðu. Látum í okkur heyra. Helst vildi ég sjá rafrænar kosningar þar sem hver einasti kjósandi á landinu fengi kóda sendan til sín og kysi í símanum sínum.

En sjáum núna til hvort Hjálmar og Dagur blási til orrustu þessa vikuna! 

Alvarlegar athugasemdir hunsaðar

Lýðræðið dagaði uppi

Neyðarfundurinn í kvöld vegna neyðarbrautarinnar er boðaður vegna þess að Dagur B. Eggertsson hundsar vilja þorra íbúanna og raunar landsmanna allra. Ég hvet ykkur til þess að koma og kynna ykkur það hvernig lýðræði er fótum troðið í borginni, bæði þegar Dagur stjórnaði á bak við trúðinn, en núna á bak við fjöldann.

Undirskriftir tugþúsunda manna og samþykktir íbúasamtaka eða fagaðila liggja fyrir, en ekkert nær í gegn um Eggertsson sjálfan. Hann lætur eins og ótal nefndir og ráð hafi allt um þetta að segja, á meðan hann fylgir stefnu síns flokks til hlítar gegn þegnum þessa lands.

Hafa borgararnir eitthvað um niðurstöður í flugvallarmálinu að segja? Sjáum til á fundinum, sjáumst þar.

Borgarafundur vegna neyðarbrautar

Of seint

Of seint er að byrgja brunninn þegar barnið er „dottið í það“, eins og ruglað er. Leyfa þarf nagladekk í október, því að það gerist á hverju hausti að vetrarveðrin koma, en maður tekur ekki áhættuna að fá tugþúsunda sekt frá umhverfis- fanatíkum borgarinnar fyrir að vera grandvar fjölskyldufaðir, „Bonus pater familias“ og skipta tímanlega um dekk.

 

Nú kemur svo skriðan af þeim sem segja að nagladekk séu óþörf, líka jeppar osfrv. en það er ekki málið, heldur að þeir sem nota nagladekk undir bíla eru píndir til að vera á sumardekkjunum sínum of lengi. 1.október er öllu réttari dagsetning, sérstaklega fyrir þau okkar sem þurfum að ferðast út á land.

 

Reynum ekki að hafa vit fyrir náttúrunni, hún hefur sitt fram eins og hjá mönnunum!

Alls ekkert ferðaveður á morgun

Svikalogn skipulagsins

Íbúar Reykjavíkur þurfa að vera ansi ákveðnir til að komast í gegnum þá leyndarhyggju og hátt flækjustig sem einkennir stjórnarhætti ríkjandi borgarstjórnar- meirihlutans. Skipulagsmálin tróna þar efst með umferðarmálin og flugvöllinn á huldustigi þar til allt er orðið of seint fyrir íbúana og þeir verða að sætta sig við freklegt inngrip ídealistanna með Dag B. Eggertsson í fararbroddi inn í daglegt líf borgaranna.

Dagur & Co. tóku neyðarbrautina burt 

Fólk verður að vakna og gera sér grein fyrir því að þögnin um aðgerðir Dags & Co gegn lífsmynstri fólks er aðeins svikalogn, því að allt er á fullu í áttina að sósíal- Skandinavískri útópíu þessa hóps. En nú ber í bakkafullan lækinn, þegar einnig er vegið að öryggi allra landsmanna með neyðarflugbraut flugvallarins.  Þessari breytingu er laumað inn og látið eins og þetta hafi ekki regináhrif á framtíð vallarins. Síðan er látið eins og Rögnunefndin svokallaða muni hafa úrslitaáhrif á það hvort neyðarflugbrautin fari eður ei, á meðan forsendur allra þeirra aðgerða sem hafa átt sér stað eru skýrar og standa í nýstaðfestu og breyttu deiliskipulaginu. Brautin var tekin út úr því í ár.

Kynnið ykkur skipulagið

Vegna neyðarbrautarinnar, þá bendi ég á myndaalbúm mitt hér, en aðallega Skipulagssjána sjálfa, í tengli hér til vinstri undir Reykjavík, en hún sýnir skipulag Reykjavíkur. Ég hvet alla landsmenn til þess að kynna sér hvernig réttur þeirra er troðinn niður með aðgerðum núverandi borgaryfirvalda.

Íbúar mótmæla deiliskipulagi

Ábati annarra

Sæstrengs- draugurinn er langt frá því horfinn út í móðuna miklu, því nú reikna útlendingar út verulegan ábata af því að taka rafmagnið til Bretlands í stað þess að nýta það hér, en sleppa því að geta þess hver fær ábatann! Fjárfestarnir sem tækju þetta að sér yrðu að fá sitt, en það gerist ekki nema góð nýting verði á rafstrengnum, sem þýðir að hann hefði forgang um rafmagn umfram framleiðslufyrirtækin hér á landi, annars yrði engin samningur gerður. Útilokað er að reka svona streng aðallega á umframorku, sem er enn ein mýtan að sé gnægð af hér. Fyrir utan það hefur olían hraðlækkað í verði.

Þjóðin síðust í röðinni 

Þjóðin er síðust til þess að njóta ábatans af rafstreng. Margfeldisáhrif eru engin, bara sinnum 1! Við verðum þá í hópi með Venezúela og Nígeríu, hráefnisútflytjendur sem eru leiksoppar örlaganna en við þar að auki undir hæl orkustýringar Evrópu. Megi það aldrei verða.

65 milljarða ábati af sæstreng

Nei, ekki sturturnar líka!

Innleiðing ömurlegra ESB-tilskipana er enn á fullu, þrátt fyrir endalok vinstri ESB- ríkisstjórnar Íslands. Ljóslitlar perur, máttlausar ryksugur og hárblásarar voru bara forsmekkurinn. Nú á að ráðast á kjarna tilverunnar, öflugu sturtuna sem er stolt Íslands og heldur okkur heilbrigðum á klakanum, stresslausum og bólgufríum í öxlum og baki. Nei, það má víst ekki, heldur ákvað almættið í Brussel að banna ætti sölu á svona hættulegum rörum sem hleypa nægu hitaveituvatni okkar í gegn um sig.

Höft 

Að stífla, hefta, takmarka og hamla eru lykilorðin. Engu skiptir að almennileg hitaveita og rafmagn eru nánast mannréttindi Íslendingsins og markar sérstöðu okkar. Tilgangurinn með þessum höftum er í anda neyslustýringar sósíal- demókratískar Evrópu sem leitast við að stjórna hverju atriði í lífi einstaklingsins og brenglar þannig markaði og eðlilega viðskiptahætti.

Njótum aðstöðunnar

Rafmagnið sem neytendur nota hér er brotabrot af heildinni og breytir engu, enda framleitt á sjálfbæran hátt. Notkun á heita vatninu sem heild stýrist ekki í gegn um sturtuna. Hvað með allar sundlaugarnar, hitaplönin og 22°C húshitann með ferskt loft frá opnum, stórum gluggum? Eigum við að láta ESB pína okkur í að vera eins og þar, með hausverk í ísköldum súrefnislausum myrkvuðum herbergjum, af því að Rússar eru búnir að skrúfa fyrir gasið og slökkt var á kjarnorkunni?

Frelsi 

Alþingi ræður því hvort hver einstök EES- tilskipun er innleidd eða ekki, enda liggur löggjafarvaldið þar. Þessi ríkisstjórn á líka að hafa burði til þess að neita innleiðingu rammsósalískra tilskipana og leyfa okkur að njóta sturtunnar í taumlausri ánægju yfir því að vera ekki hluti af ofstjórnarvaldi ESB.

Sturtur verða vatnsminni

Hvað þarf annars mikið til?

Er ekki nóg að hryðjuverkasamtök sýni afhöfðanir á netinu til þess að loka megi vefsetrum þeirra? Þingmanni Pírata virðist ekki finnast það og birti því netsvindl- hlekk til þess að við megum kynnast sjónarmiðum afhausaranna betur. Eða eins og hann segir á bloggi sínu:  

„Þetta snýst um rétt þinn, lesandi góður, til að vera upplýstur um hvað það er sem Ríki Islams segir, trúir og vill.“

Einhver ykkar kusu því Píratann til þess að þvinga fram birtingu á málstað afhausaranna svo að t.d. óharðnaðir unglingar megi fá réttlætingu á aðgerðum öfgafyllstu ofbeldismanna síðari tíma.

Ég fylgi baráttu fólks til birtingar upplýsinga á netinu, t.d. frá ríki og borg, svo að leyndarhyggjan fái ekki að blómstra endalaust. En ef ráðandi aðilar þurfa að velta fyrir sér hvort loka eigi íslenskri hryðjuverkasíðu fjöldamorðingja, eða þá t.d. barnaníði, þá þurfa þeir hinir sömu að fara í einhvers konar siðferðismat, sem amk. þarf fyrir setu á Alþingi, löggjafarsamkundunni okkar. 

„Hafa eyðilagt mikið fyrir okkur“

Afturköllun ESB- umsóknar er þverpólitísk

Varla hefði mig grunað áður að ég dimmblár kappinn settist sjálfviljugur með eldrauðum pólitíkusum í stjórn félags, nema þá kannski í andans málum. En afturköllun ESB- umsóknarinnar er slíkt þjóðþrifamál og er í eðli sínu þverpólitískt, að þörf er á virkum krafti fólks allra flokka til þess að koma þessu frá strax. Jafnvel fimmtán prósentin af Samfylkingunni gæti verið sammála okkur með það. 

Ekki ég

Oft er það svo með þörf og sjálfsögð mál, að langflestir eru sammála um hvað gera þurfi, en nenna helst ekki að standa í því sjálfir. Heimssýn er félag þar sem drífandi fólk kemur saman um það að bægja þessum vandræðum frá þjóðinni, helst með upplýstri umræðu og fræðslu. Vonast er eftir þáttöku sem flestra við það að leggja málefninu lið. En best væri ef þingið myndi bara drífa í þessu. Vissulega er mótbyrinn erfiður, þar sem úr fölskum gnægðarhornum ESB flæðir áróðursfé eins og bjór í október. Látum Hannes Hafstein tvítugan fá orðið:

Ég vildi óska’ að það yrði nú regn

eða þá bylur á Kaldadal,

og ærlegur kaldsvali okkur í gegn

ofan úr háreistum fjallasal. 

 

 Við erum sammála: ESB- umsóknina verður að afturkalla strax. 

Jón Bjarnason kjörinn formaður

EES ekki greypt í stein

Daglega berast fréttir af því hvernig Íslandi farnast vegna ESB- tilskipana, sem Íslandi beri að taka upp vegna EES- samningsins. Sú leiða hefð komst á hjá Jóhönnu- stjórninni að skrifa undir hverja tilskipun nær óséða og er erfitt að vinda ofan af þeim óskunda. EES- samningurinn skuldbatt ekki Alþingi um alla framtíð til þess að afsala sér löggjafar- réttinum. Túlkun samningsins og útfærsla hér á landi á að miðast við að hámarka hagsmuni Íslendinga, enda væri undarlegt ef við rembdumst við að aðstoða erlend ríki við hagsmunarekstur sinn hér á landi.

ESB vill ráða 

Aðildarríki ESB og stórir hagsmunaaðilar innan þeirra sjá að Ísland verður ekki aðildarríki í bráð, en þá er Plan B að stjórna í gegn um þrönga túlkun EES- samningsins, sem áður var frjálsleg. Ef það dugir ekki til er ESA- dómstólnum beitt, enda deginum ljósara að ESB ræður á þeim bænum. Hann er núna hafinn til skýja sem yfirþjóðlegt vald, en honum var aldrei ætlað annað en að gera út um ágreining í EES- samningnum og niðurstöður jafnvel hundsaðar á báða bóga eftir því hvar hagsmunir hvers aðila lágu hverju sinni.

EES fyrir Ísland

Vinsamlegast bendið íslensku Samfylkingarfólki, sem berst fyrir ESB- tilskipunum, á það að samningafólki okkar ber jafnan að hámarka hag Íslands, annars er það ekki starfi sínu vaxið. Nógu erfitt er að eiga við ESB- valtarann þótt hann fái ekki íslenskt innanbúðarfólk hér líka í lið með sér.

Fer líklega fyrir EFTA-dóm

Skerum á hnútinn: seljum RÚV

Skuldasöfnun Ríkisútvarpsins keyrir um þverbak þrátt fyrir austur skattgreiðenda til stofnunarinnar, þ.á.m. minn og fjölskyldu minnar með marga tugi þúsunda á ári þangað, einnig vegna fyrirtækis míns. Þessari sjálftöku á hálfum milljarði króna á mánuði verður að linna, sérstaklega núna þegar vaxtagjöldin sliga ofhlaðna stofnunina.

17 milljónir hvern dag 

Óli Björn Kárason varaþingmaður Sjálfstæðisflokksins lýsir uppsöfnuðum vanda RÚV í góðri grein í Morgunblaðinu í dag og krefst aðgerða, enda nýtist þetta fé mun betur í annað eða hjá skattgreiðendum sjálfum. Sjálfum finnst mér réttast að hætta strax austrinum í gjaldþrota ríkisbatteríið strax og selja það í heild sinni. Við söluna mætti skoða hvort framlag okkar færi beint til einkahlutafjár, þar sem t.d. þriðjungi eignar væri haldið eftir við söluna til þeirra þarfa.

Þinn tími er liðinn, RÚV 

Hvernig sem fer verður að hætta að mata þessa kvörn sem RÚV er. Þetta kerfi er barn síns afdalatíma, þegar orfið, ljárinn, hrífan og Ríkisútvarpið var það helsta sem þörf var á. Núna er þetta bákn lýsandi fyrir útþenslu sósíalismans, sem engu eirir þegar kemur að upptöku ríkisins á aflafé þegnanna. Að auki hamrar báknið á fjöldanum kvölds, morgna og um miðjan dag með sína sósíal- demókratísku afbökun á raunveruleikanum sem kallast Fréttir RÚV, allt í nafni þjóðarinnar. Við skulum bara rétt vona að þjóðin sé ekki eins og RÚV, því að þá er okkur ekki viðbjargandi sem heild.

Drífið nú í þessu, Sigmundur Davíð og Bjarni og seljið Ríkisútvarpið! 

 

Lánagreiðslur RÚV 593 millj. á ári

SO2 til Reykjavíkur

Loks kom að því að vindurinn leiddi brennisteins- tvíildið (SO2) frá Holuhrauns- gosinu til Reykjavíkur eins og sést á spá Veðurstofunnar um það efni. En þó er þetta brotabrot af því sem fólk á austur- og norðausturlandi hefur þurft að þola. Þetta er útþynnt í rokinu og tímabundið, amk. ennþá. Hér hlaupa heilu hóparnir framhjá án vandræða.

En lítil umræða hefur átt sér stað um það hve lengi þetta hangir í veðurkerfunum, hvort það sé líkt og með Eyjafjallajökul, sem þeytti ófögnuðinum upp í heiðhvolf og slikjan hékk síðan yfir heillengi, jafnvel árum saman. Kannski rignir þessu meira niður, en Bárðarbunga með öskugoss- sprengju myndi senda SO2 og ösku upp og út um allt.

Við fylgjumst bara með á þessum tenglum hvort hægt sé að hreyfa sig utandyra af viti.

 

 

 

 

Mengunar gæti orðið vart á höfuðborgarsvæðinu

Frosin tilboð

WOW- flugfélagið auglýsti 2015 sæti á 2015 kr. hvert á hádegi í gær. Vinafólk mitt vildi þá stökkva á Salzburg, en tilboðin virtust frosin á dýrari staðina, því að einungis London komst í gegn þegar reynt var. Tilboðið reyndist því alger tímasóun fyrir okkur, þar sem tölvur WOW voru frosnar gagnvart Salzburg í þær 35 mínútur sem tók að selja sætin, þrátt fyrir ljósleiðaratengingu okkar og ítrekaðar tilraunir.

Fróðlegt væri að heyra frá neytendum hvort þeir hafi komist í gegn og keypt miða á dýrari staðina. Eða að heyra frá WOW hvort langflestir miðanna hafi selst á ódýrustu staðina. Svona tilboð í frosnar tölvur sem virðist stýrt á einn veg er ekki í lagi.

 

Evrulanda- spítalinn fullur

Þegar efnahagsráðherra næststærsta hagkerfis Evrulanda lýsir efnahagslífi land síns sem sjúku, þá hlýtur að vera mark á því takandi. En þar með er ein helsta stoðin undir efnahag Evrunar veik, þar sem þrjú af fjórum helstu hagkerfum Evrulanda eru lömuð af atvinnuleysi og engum hagvexti eða jafnvel samdrætti. Ítalía og Spánn eru hin þar í hópi, en þessi þrjú lönd eru með nær 49% þjóðarframleiðslu Evrulanda. Þýskaland, með 28,6% hlut á að draga þennan vagn og meira, en getur það varla með 0,8% hagvexti. Þegar þrjár af fjórum helstu löppum Evrulanda-stólsins eru grútfúnar, þá stendur hann bara uppi á lyginni.

 

Frekari skuldsetning 

 

Fjárlagahalli Frakka er 4,4%, sem er þá enn frekari skuldsetning á framtíðina. En Skotar og síðar Íslendingar kæmu til bjargar í þeirri skuldsettu framtíð samkvæmt ESB- sinnum, geri ég ráð fyrir. Fyrir utan það að bjarga orkumálunum með olíu og rafmagni, enda ekki vanþörf á, fyrst þriðjungur gassins í ESB kemur frá Rússlandi, sem sambandið lokar nú sjálfkrafa fyrir á meðan Þjóðverjar loka öllum kjarnorkuverum sínum. 

 

Er einhver sem finnur heila brú í áætlanagerð Evrulanda núna? Hann er amk. torfundinn.

„Frakkland er sjúkt“

Sjálfstætt ESB- Skotland er þversögn

Skotum er vandi á höndum að kjósa um sjálfstæði, nú þegar vinsæl vinstri sveifla gerir kröfu um virka ESB- aðild Skotlands. Hvað á þá sannur skoskur sjálfstæðissinni að kjósa, þegar ljóst er að „já“ gerir Skotland að enn meira ESB- héraði en það er í dag? Hann kýs kannski sjálfstæði í góðri trú en sér svo vinstri ESB- sinna dansa á götum úti eftir sigurinn.

Já við vinstri- ESB 

Sjálfstæði Skotinn fær sig varla til þess að setja „nei“ við spurninguna um sjálfstæði, en þó er það eina svarið til varnar gegn Brussel- veldinu. Nigel Farage, formaður breska UKIP- flokksins, segir já- talsmanninn vilja Skotland sem hluta ESB- ríkisins, þar sem lög þess eru samin í Brussel. Engin leið verði t.d. að endursemja um nýtingu skoskra fiskimiða.

Hinir hafna ESB 

Nú þegar Stóra- Bretland er ákveðið í því að auka sjálfstæði þess gagnvart Evrópusambandinu, þá gæti farið svo að vinstri sinnaðir ESB sinnar Skotlands nái að mynda innmúrað ESB- hérað (Skotland) á Bretlandseyjum með já-i í kosningunum. En það hlýtur þá að þýða að hinn hluti núverandi Stóra- Bretlands verði enn betur hreinsaður af þeirri ESB- áráttu og vilji enn skýrari línur gagnvart ESB eða jafnvel að endurheimta alvöru sjálfstæði þjóðarinnar með úrsögn úr ESB.

 

Búa sig undir lokasprettinn